Bitcoin Forum

Yun to Lakho ki sampatti thi uske pas,par jarurt use bas 2 gaj zameen ki thi.
Krti rahi wo uska intezar, ye pareeksha uske yakeen ki thi.

Jee han yakeen,us yakeen ki jo use sochne pe mjboor krta tha k shayad aaj, aur aaj nahi to kal uska beta jarur aaega.

Wo beta , sincha tha apne lahoo se jisko aur doodh pilakar tha kia bada
Par wo na aaya
Wo na aaya , is bahvsaagar k kisi mayajal me fasakr reh gya wo door khada.

Aur dekhte hi dekhte 3*6 ki us mrityushaiiya ko dil se apna lia tha usne,
Safed sari me mano nikli thi sair pe apne Jeevan ka saar dhundne.

Us din maine jaana k sab nashwar hai sab juth hai
Kyuki zindagi ka to sbse bada sach hi maut hai.

Ungli pakad kr chalna sikhaya tha jinko, na jane kyu unke liye wo bojh ban jaate hain.
Apna pet kaat k khilaya tha jinko, na jane kyu unhi k man me angaare pratishodh k jal jaate hain.

Aur jinke khatir nikal dia ek toote cycle pe sara jeevan na jane kyu unhi k so called 'progress' k raste k wo shool ban jaate hain.
Na jane kyu log itna badal jaate hain na jane kyu log itna badal jaate hain.

2 saal ho gye us baat ko aaj

Jab bhi jaata hu ghar k us kone me ek ajeeb sa ehsaas mere man ko kachotata hai aur kehta hai k kash mere jane se pehle tum yaha aksar aate to in pachhtavo k aansuo ki jagah mere sang bitaye lamho ki khusboo paate.

Bas meri chita pe aansu bahane k alawa 2 pal mere saath muskurate,
Mujhse puchhte k "maa, tu kaisi hai??"  "Maa, tune khana khaya k nahi??"

Bas aise hi 4 pal sukh dukh k batiyate to shayad,
 shayad meri in kachotati yaado ki jagah , mujhe hi zinda paate ,mujhe hi zinda paate!!

Indeed a very deep and emotional poem. Loved it. Keep it up. Now a days it's very rare to find such poems.
Thanks

Thanks a lot for giving your time :) will update more.

It's very heart touching poem. Thanks for sharing it here..

Thanks a lot :)