Bitcoin Forum

Just as the title says, today we welcomed a bouncing baby girl Into our home after a successful wedding last year. I would still like to thank those who where there for me, showering me love one way or other, most especially Brainboss, Igebotz, George John, and Bruchiman, SmartVirus, Nwada001, Cryptsafe and many more to be mentioned.

I am ever grateful thank you all.
Specially welcomed my baby girl by name Davian.

Congratulations Mate, you don become person papa today, nah better blessing don enter the family so. As our people they talk "make onah drink water" God blessing don already they go on 4 the new union and eh go continue. Ones again congratulobia

Congratulations mate and welcome to fatherhood. It is a thing of joy  being a father, seeing your child grow up under your care. This is the joy of fatherhood. Your home is blessed.

Na major joy o. U don count one blessing b dis nd blessings dey cari blessings join bodi. God way don giv u dis one go giv u street nd resource to train dis our new baby d way e go sure 4 u.

Mak d family dey grow, mak beta dey com nd evri evri go dey go tuele tuele. Our bitcoin baby, lol...

Congratulations big man. Na to dey watch put 4 street boys now o, no b small zinc street boys go dey throw 4 ur zinc o. U go try dey keep moni mak u 4 dey patch zinc mak e no drain water, lol...

Congratulations to you and your family, this is a goodnews, we thankGod for a safe delivery too, and we pray that your baby will remain a blessing to you and your house hold.. Amen🙏

congratulations man. Welcome to the daddy world  ;D, it a very big blessing to become a dad and with the blessing many more doors are going to be open for you to be more prosperous in life. I could remember when i had my baby too @2021 December. It was really a thing of joy for me and am really suprised how she has grown so fast so man congrats again and wish you a happy family life.
Na you go dey buy pampers and baby food wella but as you dey buy am na your way sef go dey open more and more for you

Congratulations, my friend. Na thing of joy when you hear the sound of a newborn baby for peson your house. The joy no be here. I been d here for this forum, when you  been do your wedding for your side, and the big men them wey we get for the forum show to represent others wey no fit show because of distance.

My prayer for you be sae as God don give a baby girl pikin, em go give you other pikins(boys and girls). Wetin you go use train them no go lack, na open doors upon doors na you go d get as the pikin d come for your family.

Once more welcome baby Davian to the family of Adbitco. God bless

Congratulations brother to you and your wife. Pikin na gift from God and I dey very happy for you for wetin God do for your family and I pray say make God make your money long well well make you take good care of your little baby.

Yes oo, no be small thing like this happiness don already finished me. Abeg make una no vex say I no follow up people here, visitors dey come see me and also putting eyes to make things pure for them. Where is Satoprincess na now we need you to come do omogwo oo.
Lol.

Na better good news be this o. OP don score goal be this o. Congratulations to you op. Nothing sweet pass wey you look your new born baby for face wey you dey carry am, my brother that one dey sweet me well well o say I carry pikin for hand dey look am the pikin too dey look me for face too chai e dey sweet for body well o. I hail your wife, she do well to give you your bouncing baby. Una too much, make God bless una, provide for una everything wey una go need to take good care and bring up una baby till e grow up to take good  care of una.
Make me too join welcome baby Davian to the the adbitco family. God bless baby Davian and her parents.

Congratulations to you and your family my dear, this is a good news,in a time like this,is a thing of joy and happiness nevermind our country Nigeria and our leaders,God pass them,my dear enjoy yourself and your family, the Lord says go into the world and multiple and fill the earth,so my brother you have fulfill the promise of God.

Congratulations my guy, all the labour weh you deh struggle do every time for night don finally comot one complete human being. It is not easy to take care of kids in Nigeria of today. Everything just deh rise in price. Cash no even deh self to take buy anything for market. But all the same we thank God for you as pikin and mama deh strong. Na only God go increase your finances weh you go take care for them.

Wow!!! The joy of the parentshood. Congratulations my man more blessings ahead. U don turn to real father bi dat. Please oo na now ur hustle go increase oo, u beta bukle ur shoes well bcoz as bi like dis di expenses go increase, now u no dey two again but 3. No think say na do same way wen u were 2. Baby girl u e welcome. Greet madam for me. You really thread, God bless more. Once again congratulations

Wow!! Congratulation mate, I'm really happy for you on the birth of your new bouncing baby girl "Davin", because at this very moment you now have an additional responsibility to take care of, and I pray may the good Lord continue to give the strength and resources needed to carter for yourself and your family in Jesus mighty name I pray. Amen.
Congrats once again our newest daddy in town👍

This news sweet my belle nor be small. Children na blessing to the house. I dey really happy for you my brother nor be small thing. I also congratulate your wifey too. Now wey you don turn daddy, you go need triple your hustle make the shege wey Naija show us make your pikin no see am. Na soft life like this. Also, make you know say madam go need you now more than ever before for the house. I know say you go be correct papa. Congratulations once again.

Na this kind news dem I dey like hear especially as we dey new year period, like play like play we dem get a new cryptopreneur for our mist and I go like join other's welcome here into this life. Abeg as she dey sabi wetin be 1+1 start dey guide her the cryptocurency way and tech way too so she fit dey well equipped to conquer the world wey she dey enter so. E no go even bad if you run wan account for her head to help guide her for this place so she go dey ahead.

Pikin no be small something to raise personally and I wan assure you say we the Nigerian community for here get your back. We no need dey physically present to help you raise here but we dey send our prayers to your household. Our regards to your wife and extend family. No vex say my congratulations dey come late but man get one or two wey dey occupy am at the moment. E no easy and I dey happy say you no waste time become a father. Children na blessings and your own no go stop here, Amen.

Congratulations, this year is a blessed year for your household as God don give you the highest joy and happiness wey man fit get. Pikin dey bring blessing come from God to their parent and I know say your own blessing na everlasting one. Omo now you go follow dey celebrate Father's day and as a father,the blessing of leadership go follow you,for you to lead your family to achieve their goals in life. God don bless your marriage and your children go surround your table. Thank God for safe delivery

My brother I follow other guys here dey send you congratulobia as you don bring erima come life. E no easy to do but in all we dey thank Baba God for you, na him do am wey e take look easy. She go bring more blessing come your home in Jesus name.

This is very good news, just like yesterday I remember your wedding ceremony. God is good and he is to be praised for blessing your home with this best gift.  No doubts that God who has given will provide for you are your beloved to provide all your beautiful daughter will need. I am rest assured that your daughter is in good hands and that when she is of age, you will not hesitate to teach and introduce some financial knowledge and probably knowledge about bitcoins to her.

Congratulations @Adbitco

Yes bro I already had plans for this so I won't hesitate to inculcate her with the best knowledge I could because there are many more benefits for me to outline which I know bitcoin and cryptocurrency at large have set me high whereby thinking of any governmental or company work can't place me in such speed. So it would be a great Joy of me introducing my daughter things about cryptocurrency and most especially bitcoin.

Thank you all for being with us and for the showers of loves.

This is a beautiful good news and it bliss our heart to know about it. Congratulations to you and your wonderful family, children is an heritage from God so the same will make sure to provide sufficiently all resources needed to grow your baby girl to an enviable height.
Congratulations snr man. You na man! Abeg I really like this name Davian permit to give my own future daughter this name too.

Congratulations brother man, God don do am for you oh, as e first give you beautiful wife, na so e come add am better pikin now, God too much, and na so e go they bless you and your family they go. Your pikin name fine wella oh, she go grow up for good health, and anything wey you go use take care of am no go ever scarce for your hand. Good news they sweet me for ear, and this one sweet me wella. Na so God go they bless every user wey they this our community so, i greet all of una, and congratulations again brother man.

Oh nice! Congratulations my person. No be everyday we dey receive better news like this, the gift of a new born/life and the safety of mother and child through all the pain and struggle way follow child birth. As we dey happy so, we also thank God to dey there and ensure say, everything play out in a way wey go give everybody joy.

Omo, you don become father like this o, nice one chief. Pikin na better thing and this princess so go bring us joy and blessings.
No be lie, celebration just dey the guy body, na watin sjow say, God dey your side and e go government you watin you need to handle the responsibility way e don sama you.

Welcome to our Princess and Congrats Adbitco.

Baba sorry this is coming late, but make I join other comrades to congratulate you on this special occasion of your baby birth, just as we been talk few days back, just know say na new open doors this baby go bring your way.
-Because many people done talk ammm and me too done follow experience ammm say baby girls na open doors oooo and na joy of the father them be.
-Now na make you prepare for joy overload back to back and na man you done be now oooo because e no easy to get two women for your life the matter go give divided attention but just know say with time your brain to build up to meet the requirements ad a father and a husband.
-god of BTC shower you we more funds make you build your family on a solid foundation, I no say now you no go fit dey sleep well again,  na normal thing because once you done be father no more sleep oooo na the sacrifice be that.
-Na men dey run amm

Though somehow belated (here), make I still make haste and congratulate you once again. Congratulations my brother. E nor easy. At least you don see d resultant evidence meandering d nights of your quacking bed with restless hands...Well, don't look confused wit all that Igodomigodo grammar, me too nor also understand wetin I write there well. Wetin I dey try talk be sey, now your restless hands for night on top madam go rest small 🤦. Let me even warn you, next time nor use fear. Make am twins or triplets!

My brother nothing do you, you too much my mind happy say we don born successful because things wey be wan hold us no be small thing though but with prayers and spiritual back e for don cast say I lost my wife during labor but God see us through.

Congratulations @Adbitco and I welcome Davian to the world, May God Almighty sphere her life good health and prosperity, may she be a good girl that the country go benefit from, may she make her parents proud Amen.

Congratulations on your new family member. It is truly a joy to be blessed with a child after only a year of marriage. I wish you and your family a blessed and happy home filled with joy and happiness. I welcome your princess Davian to the world once again. May she live long to become a great woman.

I do appreciate bro,
Thank you so much, una too much without una I for no be anything and I dey really happy say I get people wey be say go standby for me anytime any moment.
@Asiska02 your face show and your shoe shine, una too much.

Congratulations my man, na man you be is not easy after going through many phases of challenges during your wedding and luckily God did it for you and gave you a bouncing baby girl just 4 to 6 Months after your wedding.
Hope the baby and mother are extremely in sound and good health?
Please my regards to her, we are waiting for your child dedication always put us on notifications early before is too late for us here.

Ah, abeg o. Anytin way 4 hold una mak e commot hand o, 4 fresh wife way u jst marry! God no go gree mak bad tin happen. Omo, no wori, ur grace no b here.
As marriage set, Best_Change set u up.
As new year set, na so ur fresh baby land.
Hopefully, we go collect anode blessing of good government way go better society 4 all of us. U dey blessed my broda.

Congratulations to U nd ur people. Life no pass lik dis, a happy family.

Boss this your news sharp and hope you know say e no go easy especially these period wey things just dey cost anyhow but the hope be say a child na blessing to their family and I join my fate with the host of heaven to pray that your daughter will bring you and your family joy not just today but forever and you sha live to reap the fruit of your labor amen.

Abeg try make we we come follow you chop pounded yam as people wey dey drop better prayers 🤣
Congrats boss and this is just the beginning of greater things. Amen.

I just see this thread now. Good news no dey hide. Congratulations my brother, na children dey complete home. I know the joy way dey your heart as you dey your baby nothing sweet pass that feeling. I love the name, e sweet for ear you be really correct papi. Congratulations and my regards to your family.

Hehe no issue my brother, I believe say very soon child dedication go reach and I go also invite the full house though people wey no meet up for the wedding come promise say during dedication them go show face.


Ahh, our princess where you been go na?
We don dey expect you since to come do omugwor for us na, lols.
No be small.. abeg no reason the name oo, you go see more sweet names of baby God finally give me SatoshiKing. Abeg make them never steal this name oo because I no quarrel with anybody oo,
I hope to see the full house during dedication.