Bitcoin Forum

Kamakailan lang ay naging usap-usapan ang ngyaring hacking sa gcash app wallet, at karamihan na mga users ng apps ay sinisisi ang gcash,
Pero kalaunan ng imbestigasyon natuklasan ng CICC na ang puno't dulo pala ng pagkawala ng pera ng karamihan ay konektado sa gambling online na casino ang siyang dahilan kung bakit nagkaroon ng glitch ang kanilang mga wallet account sa gcash.

Dahil sa link na ginagamit ng mga influencers sa pagpromote nila ng sugal ay meron pala itong problema na malaking posibilidad na nagiging daan para makapasok ang mapagsamantalang mga scammer o hackers. Mukhang matatapos na ang maliligayang araw ng mga influencers na ito na grabe at todo manghype ng kanilang mga uto-utong followers na madaling kumita sa online casino. Saka bukod pa dyan ay nagkakaroon narin ng pribadong meeting ang mga lehitimong mga pasugalan tungkol sa bagay na ito, dahil karamihan naman sa mga online casino ay hindi naman kasama talaga sa listahan ng Pagcor, sapagkat ang mga lehitimong casino ay hindi naman nagpopromote sa anumang mga social apps dahil iniisip nila na madaming mga menor de edad ang makakakita, samantalang itong mga influencers na ito ay proud na proud pang ipakita at iupload ito sa Facebook na palalabasin na madali lang magsugal at sigurado ang pera pero kabaligtaran naman talaga ng kanilang sinasabi,.

Magandand balita talaga ito kung seseryosohin ito ng CICC tungkol sa sinabi nilang ito para matigil narin ang kayabangan at panlilinlang ng mga influencers na walang pakundangan pinopromote ang pagsusugal kahit na may mga menor de edad ang makapanuod.

source: https://www.youtube.com/watch?v=Eiid-amKhkY

Dami kong blocked na mga influencers na yan kapag nakikita ko may promoted online casino sa bandang dulo ng video or sa comsec nila. Ewan ko nga lang kung mag-stick sa kanila kung ano man ikakaso sa kanila ng CICC. Hanggang pagpapatigil lang siguro mangyayari. I doubt na aware itong mga influencers sa phishing scam ng mga game app developers. Talamak na promotion nila ng online gambling noon pa pero bakit kailangan maghintay may phishing scams sa Gcash bago sila gumalaw?

Dapat lang naman talaga na managot yung mga irresponsible na influencer dahil pera ang pinaguusapan dito. Madaming naeengganyo magsugal dahil sa impluwensya nila at hindi nila chinecheck kung legit or scam ang pinopromote nila basta kumita lang sila. Ang masaklap pa dito ay pati mga kilalang influencer pa talaga ang nakikisali sa mga ganitong scam promotion.

Sa America nga ay kinakasuhan na yung mga artist at influencer na nagpromote ng scam tokens kahit na wala silang direct involvement. Dapat ay magkaroon ito ng resulta para naman maging aral ito sa lahat. Masyado na din nagiging matatapang mga influencer sa atin na kahit scam ay pinapasok kumita lamang.

May ilang influencers narin akong inunfollow lalo na yong sobrang gahaman sa pag promote ng sugal. At yung halos pahat ng nabili nila dahil daw sa sugal at 100% sure sila na kikita yung gagamit ng link nila. Masyado tapagang exaggerated at sobra ng panloloko ginawa nila para lang kumita sa sugal.

Kaya mainam talaga na habulin na ng gobyerno ang mga influencers na yan dahil nakakasira sila sa kinabukasan ng mga pinoy na gusto lang kumita ng pera at nadala sa pang hype nila.

      -  kahit man ako lahat ng influencers na nageendorse ng sugal hindi ko pina-follow, kasi di-sila good influencers mga mukhang pera sila at nalamon na sila ng sistema ng pera. Bwisit na bwisit pa nga ako na may isang vendor ng fishball ata yung ginawan ng content ni boy tapang parang pinapalabas nya na magsugal nalang yung vendor huwag ng magtinda.

Dun palang ginagamit nya influence nya sa masama, naghahanap buhay ng marangal yung tao tuturuan mo magsugal, mga walang walang kwentang influencer, na wala na siya sa tema ng content nya yumaman lang. Tapos yung iba para makabili ng mga luhong mobile phone pinapakita nila magsugal ka lang isipin mo yung ginagawa nila, mga siraulo kung tutuusin. Sana nga tuluyan sila ng cicc.

Dapat habulin nila yung mga influencers na kung mag promote ng gambling app/website eh walang pakundangan.
Para sa akin, ayos lang naman na mag promote ng mga casino, ang kesyo lang, dapat laging mayroong paalala yan, gaya ng for 18+ lang at "Gamble Responsibly" ,"Be Gamble Aware" ,at kung ano ano pang mga paalala. Ang naging case kasi ay basta lang magkaroon sila ng successful referrals eh. Yung iba sinasabi pa na Play to Earn haha.
Yan dapat mga yan yung unahin nila.

I hope ma implement din sating bansa yung bill or law sa america na need idisclose ng famous personality if nag popromote sila para malaman ng public na paid advertisement ito at may pananagutan padin ang influencers sa mga pinopromote nila. Sa ngayon wala pang nakukulong sa mga nagiging scam application na pinopromote ng mga influencer sa pinas at I hope may nag iimbesitiga dito kasi todo hakot lang yung mga influencers ng paid promotions kahit alam naman natin na prone to being scam or ikalulugmok yun ng followers nila. Parang andali lang kasi mag malinis yung mga influencers ngayon at pareparehas sila ng reason na hindi naman daw nila pinipilit yung followers nila sa pag register sa mga casino after nung onti onti ng nagiging scam yung casino. I hope mag ka batas tayo tungkol dito. Ineexploit din kasi nga mga scam companies yung pag ka sikat ng mga influencers eh.

Personally, in general wala akong problema sa pagpromote ng casino — nasa sayo parin in the end kung gusto mo mag sugal o hindi, knowing the risks. Pero ipropromote mo na madaling kumita sa casino? Medyo deliks nga talaga. #1 sa Facebook news feed to na ganito si Makagago.

Sa US, dinemanda ng SEC yung mga misleading advertisers na sinasabi nilang may easy money sa mga ICO. Parang ganito din yan sa atin na nag promote na easy money ang paglalaro sa casino as if walang risk at yung panloloko na ginagawa nila sa mga promotional videos nila na maglalaro ka lang ng mines tapos bawat click mo parang walang talo, fake videos yung mga ganun at setup talaga ng account sa mga influencers yun para hindi sila matalo. Maganda yang ganyan para yung mga influencer na dumami lang yung mga followers pero walang ethics at unprofessional, matuto at magsimula ng mag ingat sa pag advertise.

Pwede naman mag promote ng sugal pero wag lang talaga sosobra sa pag promote yun bang nangangako ka ng easy money sa mga followers mo at kesyo ganyan nakabili ka ng mamahaling gamit dahil lang sa pag susugal na yan at kung kailangan mo ng agarang pera mag sugal ka lang dahil mabibili mo agad yung gusto mo dahil sa tinuro nila sayo. Masyadong garapalan yung ibang influencers para lang makapay hikayat ng maglalaro under sa link nila.



Wala talagang problema ang pag promote ng casino since hindi naman talaga ito totally illegal sa bansa natin basta lang ba maglagay sila ng disclaimer na gamble responsibly at iba pang paalala sa kanilang promotions. Wag lang yun easy money dito at kikita daw ng milyon ng napaka simple yun talaga ang napakapangit na gawain madaming influencers na ganito at ilan ilan lang ang matino sa kanila.

Sa tingin ko nakarating na yan sa mga influencer na yang balita ng cicc, dahil kung mapapansin nio mga content ng mga iba dyan gaya ni Whamos, awit, at iba pa ay parang naglaylo narin ang mga sinungaling na influencers na yan, dahil narin siguro ayaw din nila na maimbestigahan at makasuhan sila sa ilegal na pinag gagawa nila. Pero ang the best talaga dyan ay magkaroon ng batas para sa mga yan pag magpromote sila ng sugal online sa mga facebook, kung dati talamak ang ads ng mga casino online sa Facebook ngayon parang hindi na ganun, at pag gumagawa ng content mga ungas na yan ngayon mapapansin mo bago matapos content nila wala na yung promotion ng gambling.

Ang importante lang naman kasi sa mga influencers eh yung mga pansarili nila, basta sila kikita. Halos lahat ng pina follow kong influencers may pinopromote na sugal at yun nga wala man lang paalala. Syempre yung mga followers na nauuto iisipin na madali maglaro at mabilis pa kumita kasi yan yung kalimitang pinopromote eh. Madali manalo at i withdraw, pero in reality game of luck ang sugal at may tendency pa na ma adik ka kung hindi mo kayang kontrolin ang sarili mo.

Para sakin ayos lang naman yung pag promote ng mga influencers as long as sasabihin nila yung risk hindi yung puro good sides lang. Kasi kung good influencer ka dapat concern ka rin sa mga followers mo.

Matanong ko lang, may nireveal ba na pangalan ng mga online casino na sangkot dito? Para sana maging aware din yung mga tao, lalo na yung mga users nila na naengganyo lang dahil din sa pagpromote ng mga influencers? Sa panahon kasi ngayon, ang laking influence na nagagawa ng mga content creator. Onting promote lang nila, napapaniwala at nauuto talaga nila yung mga supporters nila.
Alam naman natin na pag naglalabas ng advisory ang SEC ay kasama din dito yung mga nag popromote. Sana mas higpitan pa nila yung ganito para makaiwas talaga sa mga pangyayari na kagaya nung sa gcash.

Marami pa rin ako nakikita na social media influencer na nag popromote ng mga casino, ang pag popromote kasi ng mga casino ay dapat sa mga platform o channel o influencer na talagang casino lang pinopromote para ma i guide ng maayos ang kanilang mga audience.
Pero ang nangyayari ay mga social media influencer na di nila domain on sakop ang sugal, katulad halimbawa ng isang influencer na si Awit gamer na pagpapataw and forte tapos papasukan ng sugal sa kanyang mga video, gayung marami syang followers na puro kabataan o walang alam sa sugal kaya na iinpluwensyahan nya ang mga ito na mag sugal.
Wala rin silang nilalagay na disclaimer para sa tamang gabay, pera pera lang talaga sila.

Sa tingin ko ay kailangan talagang magkaroon ng censorship sa mga stream ng mga influencers.  Dahil nga sa social media sila nagpeperform, karamihan sa mga nakakapanood sa kanila ay mga menor.  Bukod dito ay walang ingat na nagpopromote ang karamihan sa kanila ng kung anu - anong unlicensed establishment.  Kung mapatunayan na nagpropromote sila ng mga unlicensed establishment tulad ng gambling platform, investment platform at iba pa, dapat lamang na habulin sila at kung maari ay mabigyan ng kaukulang parusa o multa.

Isa kasi sa dahilan ng kanilang stream or performance ay para kumita, hindi para sa awareness ng tao ang unang pakay nila.  Kaya iyong mga nagpopromote ng unlicensed gambling apps ay nararamat lang talagang bigyan ng leksyon.

Nakakalungkot lang kasi yung mga komedyanteng influencer na pinafollow ko involve na rin sa sugal yung kalahati ng mga video nila pang akit sa mga pinopromote nilang sugal ang nakakalungkot lang talaga kung i promote nila ito parang wala kang katalo talo alam natin sa sugal ang casino lang ang nanalo pero, niloloko nila ang mga tao at pina palabas na madali lang ang lahat.

Kaya wala akong choice kundi i unfollow sila nakakawala ng respeto komedyante ka kung mag promote ka ng sugal parang experts and dating mo eh manipulated naman lahat ng video para mapalabas mo ng madali lang.

Kung titignan naman talaga sa batas ay dapat lang nahuliin itong mga promoter ng mga Online gambling casino lalo na na maraming mga tao ang nabibiktima, kung titignan ay maaaring wala naman talaga silang alam kung iisipin dahil promoter lang naman sila pero kung magiging promoter ka kase ng isang platform ay ibig sabihin ay involve kana sa operation nila at part kana rin ng pangscam nila kung scam man ang platform na prinopromote mo, in short trabaho mo na alamin kung scam ba or hindi ang mga prinopromote mo hindi mo pwding sabihin lang na promoter ka lang dahil nagpapasok ka ng tao sa platform na yun.

Lalo na at tumatanggap sila ng pera sa mga gambling website na yun kaya dapat lang namaging responsible sila sa prinopromote nila. Ang dami kung nakikitang mga kababayan naten lalo na sa Facebook na nasscam dahil lang sa mga promoter dahil nga tiwala sila sa influencer na yun di nila alam scam pala ang platform. Kahit naman noong era pa ng Play to earn ay usong uso na ito then noong maraming nawalan ng pera sasabihin lang ng promoter Invest at your own risk.

Ganyan na halos lahat kasi malaki laki din ata bayad sa kanila bawat video tapos meron pang commission bawat sign up na under sa referral links nila. Kaya nakakaumay na din manood ng mga influencers na nagustuhan natin tapos bandang huli ipa-plug isang casino.

Sino ba yang komedyante na yan? Artista din ba yan? Wala akong ideya basta madami rin akong nakikitang mga kilala kong influencer na okay naman dati pero nung nahaluan na ng sugal, parang pumangit bigla image nila sa akin.

Madami yan sila and even professionals influencer may nga video na ganito.
I hope na maregulate ito ng husto and panagutin ang mga influence na yan kase naeexpose den ang mga bata sa ginagawa nila, halos lahat ng vlog nila at may ganito sa last part ng video. Kaya if you have money sa Gcash and you are using it madalas, mas ok na wag ito ilink kung saan saan.

Pabor ako na mapalagot sila at hindi lang multa para matuto silang lahat na kung ano ano ang tatanggapin nilang sponsored videos nila.

Tama kasi yan pala ang isang dahilan kung bakit nahack yung mga kababayan natin. Kaso nga lang ayaw nilang aminin na ini-link nila yung mga Gcash accounts nila sa mga casino websites tapos nagkaroon ng access mga devs don sa mga Gcash accounts nila.
Sana ma stop na yung mga ganito at sa July patapos na din naman ang sim registration kaya sana magkaroon ng malaking pagbabago.

Sana nga ay hindi maextend pa ang sim registration para kahit paano naman ay mabawasan na ang mga scam activities dahil hanggang ngayon ay marami pa rin ang nabibiktima ng mga phishing sites na madalas ay nanggagaling sa random numbers. Sana rin ay mapanagot ang mga promoters na makasarili na ang priority lang ay makahikayat ng players para kumita sila at walang awa sa mga nabibiktima nila. Sila ang kumilita pero ang mga subscribers na naniniwala sa knila ang kawawa. Kaya malaki ang respeto ko sa mga influencers na hindi tumatanggal ng local casino promotions dahil alam nila ang pwedeng maging impact nito sa tao. Aanhin mo ang malaking pera kung ang kapalit naman ay pagkasira ng buhay ng mga maniniwala sayo.

No wonder talaga kung bakit ang laki ng offer ng mga online casinos na ito sa mga content creators at influencers kasi hindi lang pala sila kumikita sa mga pumupusta, kumikita din pala sila sa mga malilimas nilang pera. Isa itong uri ng panlilinlang, sana mag imbistiga pa sila ng mas malalim at tukoyin kung sino sino ang mga online casino na involved sa mga ganitong modus. At yung mga social media influencers at content creator ay pag bayarin din, total kumita naman sila ng malaki sa pag hype nila sa mga viewers nila na sumugal sa nasabing casino. Considered din kasi silang accessory of the crime at hindi rason na hindi nila alam na ng scam pala ang casino na pinopromote nila. Ignorance of the law excuses no one ika nga.
Magandang balita nga ito, sana ipag patuloy pa ang imbistigasyon.

Tingin ko hindi na yan mae-extend kasi pag naexpire na ulit yang deadline, ang mangyayari lang naman sa mga namiss ang registration ay bibili lang ulit ng sim saka magreregister sila. Ganun nalang magiging kalakaran niyan kaya siguro wala ng extension yan, sapat na yung isang extension lang para itong mga scammer at spammer na text ng text sa mga number natin magkaroon ng kalalagyan. Kaso ang susunod na mangyayari din, gagamit lang din ng sms na service para makapang spam ulit.

Mayroon lang akong concern regarding dito sa pangil ng CICC kasi kung maalala niyo, nuong pumutok ang lele games if di ako nagkakamali, sinabi na kakasuhan nila pero ilang months na ang nakalipas puro publicity lang ginawa nila pero wala namang nahuhuli, hindi kaya wala silang pangil sa ngaun na puro lang sinasabi pero hindi magawa, dapat pa siguro magpasa ang bill ang mga congresista para dito, kasi ang batas satin kapag namali ka for sure babalikan ka nila imbes na sila makulong ikaw pa mayayari,
Mas makakabuti dito kung makapagpasa na talaga ng batas para sa online gambling na matibay at walang butas, para hindi makawala mahirap kasi kug statement lang kasi lage puro statement wala naman nakukulong minsan nga sila pa nakakasuhan, minsan naman may suhulan pa nga ata.

Bago ko lang natuklasan ang site na ito pero masasabi ko in terms of sugal ay marami talagang mga pinoy ang nahuhumaling sa ganitong palaro, lalo na kung makikita natin na napakarami na ngayong mga pinoy ang sumasandal sa serbisyo ng gcash na siya ring isa sa mga nag advertise ng mga pasugalan. Nung dati ang alam ko lang na sugal ay yung talpakan o online sabong pero nung kalaunan napakarami palang sugal na pupuwede mong laruin online.

Ngayon mo lang nalaman yan kabayan, sobrang talamak na kaya ngayon sa social media lalo na sa facebook platform kilala o hindi na mga influencers meron silang ineendorse na mga casino online para lang makapanghikayat ng maglalaro ng sugal. Meron pa nga ang content tungkol sa family kasama ang anak tapos sa huli biglang magpopromote ng sugal, mapapailing kana at mapapamura dun sa influencers parang tang* lang sa totoo lang. Kaya lahat ng influencers na nageendorse ng sugal online hindi ko pinafollow.

Parang iilan nalang ang mga influencers na hindi gambling affiliate. Tae sa 2 minutes na video, 40 seconds ang contentthe rest puro pag promote na ng gambling affiliate. Eh iilan lang naman ang nakukuha nila sa pagiging affiliates sa gambling lalo na sa mga unregistered/unlicensed casino. Basta talaga usapang pera dito satin, daming silaw at mangmang.

Influencers are used just to promote other businesses, but honestly i think those influencers ay minimal lang ang alam sa product or business na pinopromote nila, kumbaga for money sake lang yan. Not saying all of them but most of them. Be smart at choosing to whom you give your support khit idol mo sya, stil DYOR.

Close to nothing talaga ang alam nila at kadalasan pa basta basta nalang silang nag promote ng di tinitingnan ang background ng company na prino promote nila. Napakaraming beses na may na scam dahil sa kanila since ginamit nila ang kanilang impluwensya para makapang hikayat at matulungan yung scammer na mag succeed sa mga plano nila kaya maganda talaga na habulin ang mga influencers na nag promote ng scam para maging aware sila sa mga susunod nilang gagawin at mag promote ng mas magandang platform or content sa kanilang mga channels.

Dapat may pananagutan din sila. Yung SEC late na naglabas ng advisory tungkol sa PHLWIN na sobrang daming sinirang buhay kasi sa mga misleading advertisement nila tapos hindi para registered at hindi rin regulated. Totoo yan sinabing mo na minimal lang alam nila sa mga ine-endorse nila kasi sa pera lang at tf nakatingin kung magkano ibabayad sa kanila. Akala nila, ganun lang yung advertising at wala silang moral obligation sa mga fanbases nila.

"Ignorance of the law excuses no one". Wala silang rason para hindi habulin kasi kung pinagtyagaan muna kasi nila yung pag-aralan bag-o magyabang sa kinita nila o panalo nila, malaking pagkakamali talaga yun. Ngayon sila pa yung peperahan ng hahabol sa kanila dahil rito at I think they deserve it para naman magtanda na mga Pinoy na sa ganito nalang yung ikinabubuhay sa panloloko ng iba. Ginamit nga rin sila pero hindi dapat yun para hindi sila parusahan, may kasalanan din sila.

Ayan ang mali pag kabig ng kabig. Hindi nila naiisip ang consequences ng kanilang mga ginagawa, at eto na nga ang balik - hinahabol na sila sa kanilang pag promote ng mga gambling sites na alam naman nating ilegal. Napakaraming content sa FB kung saan e ang actual content ay nasa isang minuto lang, tapos yung ads e nasa tatlong minuto mahigit. Karamihan din sa mga Pinoy e sige lang sa subok hangga't nakita nila ito sa mga influencer na kanilang sinusuportahan. Unfortunately, masyado na ring naging consumer-centric ang utak ng mga tao dito sa Pilipinas kaya lahat ng bagay ay susubukan, lahat bibilhin, lahat gagawin, makita lang itong pinopromote ng kanilang mga paboritong influencer.

Lahat naman yang mga influencer na kumuha ng casino deals e malamang pera lang ang habol. Iilan lang talaga ang gustong pasukin ang negosyo - karamihan e one time, big time deal lang ang gusto.

Yan ang reyalidad. Same din sa influencers, ginagamit nila ang kanilang kasikatan para makapag attract din ng business na gustong magpa promote pero kadalasan talaga pera-pera lang. Hindi naman lahat pero mostly ay wala naman talagang concern sa kanilang followers. Kaya nga kahit alam nilang hindi maganda ang negosyo o walang magandang maidudulot (lalo na sa minor nilang followers) ay tuloy parin dahil sa pera. Ang importante ay meron silang nakukuha sa pag promote kahit hindi sila aware sa business na pinapakilala.

Kaya dapat maging wise din tayo at wag basta padadala sa mga influencers dahil lang sa sikat sila. Mas magandang panoorin yung content na nakakatulong.

Pera pera lang yan, wala na yan sa kung ano mang merong integridad sila. Halos karamihan sa mga influencers kahit hindi nila alam pinopromote pa rin nila kasi nga nandiyan na yung offer na pera sa kanila at may mga commission pa yan. Kaya todo hype kaso ang ending sobrang daming buhay ng mga kababayan natin ang nasira kasi ang akala nila ganun lang yun. Hindi nila alam na sa larangan ng ganyan ay kung may nanalo, siyempre meron ding mga natatalo.

Mas maganda pang manood lang ng mga random videos na walang plugging ng mga casinos sa huli o di kaya yung mga influencers na walang pinopromote na mga ganyan.

Kaya nga ako hindi ko sinusuportahan yung mga influencers na nageendorse ng gambling sa Facebook at youtube, yang mga influencers na yan ay mga mukhang pera at walang pakialam sa kanilang ma followers kung mawala o mapariwara lang ang pera ng mga maniniwala sa kanila dahil ang importante lang naman talaga sa kanila ay bayad sila ng salapi. Kahit nga yung isang miyembro ng Team Payaman si Burong hindi ko na sinusuportahan dahil ineendorse nya ang 1xbet, siya lang sa team payaman ang gumagawa nun.. kaya malamang in the future alisin ni Cong TV yan sa grupo ng Team payaman. Si Kingluck din dati rin akong suporter nyan kaya lang nageendorse narin ng sugal kaya unfollow na ako, dahil poverty porn din ang ginagawa nya. Yun lang naman :)

Wala namang problema na mag endorse ng isang gambling platform as long as license ang platform na iniindorso nila.  Alam naman natin na kailagan ng tao ang kumita para me panggastos siya sa pang-araw araw. Pero ibang usapan na kapag ang inindorso nila ay mga casino na unlicensed at posibleng iscam ang mga taong nagregister dito dahil nga wala itong lisensiya, hindi kilala ang owner kaya kapag itinakbo ng casino ang pera ng mga manlalaro nito ay walang hahabulin.  So kung sakaling ganuna ng mangyari dapat lang talagang habulin ang mga taong nagpromote nito dahil sila ang naging dahilan ng pagkawala ng pera ng mga player sa kadahilanang sila ang nangengganyo dito para magregister sa unlicensed gambling apps.

Ang problem kasi ay ang daming mga influencers ang nag-aalok ng hindi lisensyado ng gobyerno para mag-operate ito. Ang worst pa dyan ay mukhang hindi rin alam ng mga karamihang influencers yan, basta ang sa kanila ay bayad sila ng casino. Kaya nga kapag nagkaroon ng problema yung ineendorse nila ay bigla din nilang binubura yung mga uplod video nila ng pagpromote ng gambling sa kanilang mga Facebook account at youtube, at isa sa mga gumagawa nyan ay si Whamos at si Awit maging yung ibang mga influencers din na kilala sa facebook, youtube, instagram at tiktok.

sobra talagang nag hype ang mga Online gambling games , halos andaming mga popular at not so popular characters ang ngayon ay halos lahat nag popromote ng kanya kanyang sites na sinasabing napakadali lang manalo.
at ang masakit ay andaming uto uto at medyo makikitid ang utak na nabibiktima, ang masakit pa eh pati links ay may hidden intentions at yan ang mga phishing links.
ngayon nagtuturuan kung sino ang may kasalanan pero still may responsibilidad ang gcash dito dahil mahina ang security features nila para protektahan ang mga users sa ganitong mga atake.
subalit tama dun ang CICC sa action na ito dahil kailangan talaga ng paghahabol sa mga iresponsableng mga influencer na ginagamit ang kahinaan ng kanilang mga followers.
at sana ganon din ang gobyerno sa pagbabanned at pagpapatigil ng mga scam sites lalo na sa gambling.
andami ng kababalaghan nangyayari sa Online system lalo na ang online wallet  hacking , masyado na nag susuffer ang mga users na wala naman gustong mangyari kundi ang maging ligtas sa kanilang pinaghirapang pera.