Bitcoin Forum

Good morning and happy New year my people...We are still in the spirit of new year though hustle don start ✌️✌️
The matter wey I bring come goes like this...I dey see...dey hear how people dey take their own lives after the much hustle just because their hustle never pay.. but una go agree with me say life na precious thing... cause na who dey alive go fit eat the fruit of his/her labour (investment)
Most of us go don see the post about that lady for Lagos wey dey work for bank wey take her own life .. according to her say economy don too bad ...she no see any bright future but people in this same economy dey build houses.. buying cars... businesses are doing well.So even as the year don begin and as we Don start our investment make we no still rush to get profit now now so that we no go use pressure go kpai ourselves...life sweet🙌🙌 and na only one dey,,,make we think am

My brother na truth you dy tlk so, life dy very important, na only person wey don die wey no get Hope again, and secondly that lady wey go commit suicide I just feel say she no dy really tell us wetin she kill herself for, because as a naija blood wey I be,  I no say we no sabi surrender, expecially to difficult living conditions, so for her to surrender and kill herself like that, e get wetin she no tell us, because hard times In naija now na normal thing.

Person wey go kill emself because of this economy naim do emself oo, them say " as long as there is life hope dey". So why kill your self, though I never see that kind post but, banker work na one of the work wey plenty unemployed people dey find wey to get, see finish naim make her kill herself no be life. Nothing for this life they precious reach the life wey God give you, because if you lost am, e don go be that, nothing fit bring am back. Beside if people fit survive wey their own worse pass, how come you no go fit survive too?

wetin go make we kpai myself because say hustle never pay? For the few years I don stay for this life, I don observe say if God wan come through for you eh, within one day e fit change you from no shishi to owning millions. Even if e choke, as long as you are working and doing your best, it will only take time and everything go set. I know see hustling not payingas something reasonable to make someone take his life.

when I read that suicide note, e just de like say make o tear that girl slap. What's strange about the economy being bad? As she kill herself now e change anything about the economy?

Except their is another thing she is going through that she did not include in her note if not I think those reasons for taking her life is too shallow. You are even opportune to be working in the bank, what happens to the ones that have never entered the bank before? Some people have stayed their whole life in the village I hunger and frustration

Who no go agree wit u for dis one bro, life too sweet dat is why u dey see women and men dey use all their strength dey hustle to ensure their life dey save for dem to eat d fruits of their labour. Assume person go fit live reach 200 years on earth and healthy to enjoy dis hustle wey we dey hustle in dis Bitcointalk.org forum to grow your account to reach legendary, so dat u go no say u plant something wey u go dey harvest money weekly to refresh yourself to continue looking younger in d society.

See newbies, members, full member, hero and legendary in dis local board dey give me joy and I no see anything wey go make me take my precious life wey God give me for free, All those ones wey den dey take their life anyhow in d country, I think say na lack of orientation dey make dem do dat thing to themselves.

The frustrations the economy has for the vulnerable is just being managed by grace. It is not easy for responsible persons with responsibilities to tolerate and just smile over the harden situations.
Although life itself is a treasure while the rest of it are pleasures so, let's have hope that there is possibilities of better changes in a nearest because the bases of the economy would definitely not remain the same.
First we must be grateful for the life we have today's atleast with the insightments that there are people who are financially better than us and yet they died while we still lives.
If only we would live to appreciate the live we have today, there is a hope of glory in breaking through other substances of sustainabilities.

People think say nah the way life keep them nah the way them go live am, brothers no be so e be now, nah the way you keep life nah the way you go live am... maybe people don make wrong movement because they feel say life no fit walk for them again, same goes to suicide,so many people don kill theirselfs Because of things way no work out for them. so abeg make we try to dea feel lively because life no dea two, make we just know say we dea try at all cost
Think positive at times because nah who help himself god dea put him hand to help also, so abeg make we dea try for ourselves.

Normally,, no be she be the only person way life done show shege, I believe say one day table go turn for everyone way dey do legit hustle, so for a person to take his or her life is something that's not good in the eyes of many and in the ears of anybody way go hear ram.
As long as say person dey work and and em no dey dey hungry, em suppose to thank baba God because many other people for some locality dey find any job way to fit dey give them even if say nah 10k per month them no dey see and even good them no dey see but them still dey alive till today hoping say one day things go change for good.
As I read the news I just tyre because no be better thing way the woman do to her self because as she done pkie go now even the money she no get, so nothing still change.

Na now I just dey see the post of the lady wey go kill herself, to me the excuse wey she give no dey worth killing herself. Just because she no dey do well. But the most important thing na be say she been still dey for the bank dey work as marketing staff, Dem never even sack her naim she dey go kill herself. Now she go just leave her papa, mama and siblings with tears for their eye. Infact nothing for this life worth killing yourself for, because where you think say your own bad, you go definitely see person own wey bad pass.

I read the suicide note, I just feel bad because di job wey she occupy na anoda man prayer point. Many people dey pray make God bless dem with di same job so dat dem go fit try put food for their table, she go kill herself say di country hard. As a teller or customer care, she fit dey earn N80k - N150k depending on di bank. She fit take di salary hold body small small, dey look for anoda job or start a business. People dey wey be breadwinners of their families and dem dey earn N20k - N30k, dem never kill themselves. So no matter how bad di economy be, suicide no be di answer.

Me self i dey reason that matter, because how on earth person go end in life because of hardship? Hardship na something wey be say na normal thing for the country. people don dey use to am, and we no sopos to dey take am to another level. No matter wetting happen, we all go still die according to comment wey I see for the comment section of that young lady wey take her life. Even as people dey complain say money no dey for the country, opportunity still dey wey people dey carry chop but na lack of opportunity Naim dey make people make unnecessary decision. Because if she dey aware of another alternative to make am, she for no try am. So make we no take our life because of unnecessary things.

People must understand this in life that everybody get their time. The people wey you see wey dey build houses and buy cars so you know what they have gone through in life? Do you know their stories? The heavy challenge and temptation?  Ask yourself if you go fit bear wetin them see before now wey dem never get wealth. Make we no just conclude say na your own worst pass when you see people wey don make ahm for life. Everybody get their time , so just know say your own time dey come too.

Yeah, seriously most people just want quick money, like now-now money, the truth is that you go still work before the money go come, and even if the hustle never pay now no mean say pay-day no dey.

My own advice nah to stick to the the plan and keep the hustle on cause for sure one day the pay go come despite the hardship for we country, peace ✌️.

This is why we see a lot of internet fraudster today in the country. Most youths are not ready to work but want to live a good life. Most times when this internet fraudsters spend money, you get so concern and think you that base on earn on your labour aren't doing the right thing. Just like you have said, one hustle may not pay today but will definitely do one day.


This comes with endurance and patience. And this is what most youth of nowadays lack. But for those that can stick to this, I believe they will still make it big one day.

This matter of people taking lives is so serious nowadays. People are just taking their lives for one or two seasons. But all I have to say is that all those reasons given aren't worth taking their lives.
 
Let us know that if we are hustling and hustling, never pay us. No mean, say the hustle; no go pay us one day. The truth be there is that not all of us go make it at once; everyone has it own time that he or she will make it. Let us believe that our destiny is different, so let us believe Mr. A destiny may be picked today and Mr. B destiny is going to be next tomorrow. That is why we need to be patient enough in whatever hustle we take on, because tomorrow may be our turn for bliss.
 
The woman who take her life now says that she does not see any future at her side, but how did she know that? It is because she has been working for a long time and has never achieved anything. I believe that because she is comparing herself to people who have much more than her, that is the reason why she was going through all the depression and reaching a level where she could take her life. I believe there are some people who are looking for an opportunity like her just to be working the bank but they don't get  what is even less than that. Now that she have taken her life What is going to be her gain now? In both Muslim and Christian terms, if someone takes his or her life, it is a sin in whatever depression much is passing through.

People wey dey take their lives na people wey wan just used one day explode their life without even sowing for one day I believe say life hard but e get plenty opportunity wey dey online and offline the main thing be say make we just discovered where our talent be the explore more better than taking our previous lives. If we plan well we go end well because people no go seat down one place dey want make manner from above come land their head to become person wey dem no even plan for, na wetin make we dey see plenty evils and bad people everywhere dem plan to get money by then engaging themselves in evil activity, and how on earth would someone took his life because say tins never pure now you want just take ur life even say some people dey meet up some dey do all forms of business to carry meet up life yet them no kill themselves

E fit no dey natural sef... i no wan go far but suicide itself no be something wey dey natural. I still go with wetin you talk something no clear at all.

It's so unfortunate that this happened to this lady. May her soul rest in peace. No matter how hard things are commiting suicide is never the answer. If living in the city is too expensive at this harsh economy, one should consider relocating to the rural area where the cost of living is relatively low compared to the city. We should also try to live within our means and not to live an extravagant life that we can't maintain thereby piling pressure on ourselves.

Make we no lie for ourself ooo, the lady wey kpai ihnself never talk truth, many things dey behinf her action.
Make I Yan una one wey I experience life and direct. E get one man for side some years back wey try kpai ihnself base on some useless reason, ihn jump inside well, Dem rescue am, e go bridge make e jump , fear of people make am run according to witness. I imagine say this man use cutlass take slaughter himself for neck, as the matter happen, people notice say the man lock himself inside, naim Dem jack the door rush go hospital go rescue am.
Las las , the man jump inside well ooo, before people later find out as dem dey find am , e don die inside well. Na so Dem use sand cover am inside that well. No be say the man dey suffer oo, e get graduate wey dey establish ooo.

My people most time this suicide of a thing na spiritual problem.

I no believe say na because of Naija's hard economy makes this lady kill herself for Bank. As the lady killed herself because of the hard economy for Naija, wey thing people who don't work for Naija go do? I see say that girl don go do deal with bank money and the deal no come go well as she planned. She decided to commit suicide not to answer queries or be jailed. May she find peace wherever she is now. And make we no kill ourselves because say the economy don hard if life they, hope they too.

That's how life itself was designed because everything and everyone must not be successful at the same time so when its not yet your time, you shouldn't be worried but what you should do is just to keep your head up and work really hard so that you can be successful because eventually one day the circle will rotate back to you and you will end up regretting if you have already did something crazy.

Omo, if hustle never pay no be wetin go make person take his/her life or dey depressed but to continue dey double Ur hustle and pray to God. Life too precious for any one to take his/her life despite de circumstances may be de country hardship dey but people still dey survive and ee get people wey Ur condition better pass and dem never think am to kill dere sef so that alone supposed to be inspiration . She wey dey work for bank and earn salary every month e get thousands of people way dey find her kind of work to dey survive  and dem go dey happy.
De country cost living dey high, hardship dey and no job. Make everyone jus try dey manage dere sef small small with de little U dey get, one day ee go better because most people wey get money all of dem too pass through and dem no take dere life but today now dem dey happy.

My people I hail oh first and foremost may the souls of the faithful department rest in the bosom of the lord normally Nigerians don dey used to suffering and smiling according to our legend late fela that no mean say all Nigerians dey strong enough to sustain hard times like dem talk say one man food na another man poison Nigerians don dey give up on life since na just say some people too fear to taKe their own life while others dey fear their village tradition way go put their family for serious wahala if person commit suicide for family.

I go like make ona know say Wetin dey cause this thing most times na because we no dey appreciate if not why banker go take her own life Wetin do dustbin packer under rain or sun you go see am dey push truck way dirty full while banker dey work under ac front of table with chair you dey see softwork make we dey appreciate the little things we get starting from life itself to little things like joy,laughter,family
In 2020 post covid my guy befriend one nice girl small small she become everybody favorite female paddy the babe dey cook full pot of stew come dash us anytime she free from school as na university girl for lvl 300 a week pass I no see that girl I come ask my friend way that our friend na the boy come say she dey get issues with her boyfriend me I just mind my business e reach 2weeks I no see or hear from the girl talk less of her delicious stew I come tell that my guy say as him dey escort me go house make we branch just check up on the babe believe say we reach her house bang door like 10mins before I go peep for kitchen window see person way lie down helpless with plenty drugs for ground we break her door find palm oil force inside her mouth try God helping revive this madam before we come carry her go hospital today that girl is married man and she has a kid very beautiful baby girl
Everybody suppose learn something from this matter abeg we know ourselves we know people way no dey sabby talk even when dem dey suffer abeg make we try dey reach out to people no be everything be money matter sometimes na only your presence fit stop this thing make God help us.

Nna eeh! This one na serious matter shaa, because Omo depression dey real, in as much life dey precious too. Life is never easy on normals, na u go find a way to make am so easy for yourself, e no get as e wan be, one of the basic or fundamental problems we are facing in as much as the today's economy is not smiling, most people are not contented with what they have and this has sent a lot to their early graves, Life is so so precious, if u visit the hospital it will really give u the real understanding of how precious life is . 🙏🙏🙏🤷🙏

My brother na who life tired they kill himself na, I see the news too and said God god forbid because person wey dey  normal no fit do that kind thing and according to the news I no still believe say hard economy go make person kill herself, there is something behind the lady death no be hard economy kill her, no matter hiw E be bah, even if the person be mad person E no go just go kill herself directly, death no be small thing oh, make person reason am na, and the lady na for bank she dey work, no be say she be jobless, even jobless ladies dey survive today because if them no see money them will carry their self go do olosho or hookup, so for this lady here I still dey doubt say there is something wey really make her do that thing.

And also for that thing wey she do, I don't think say she get option, it maybe be there is something tormenting her life, waiting I want make we understand be say life na only one oh, if you Don kpai nothing remain oh, and before person decided to kill he or her self no be small thing, to be honest I me I no fit kill myself at my young and very healthy age, who i be to do that kind stupid thing, if not be say death no get age na people wey Don see their future come old like 80 year's above suppose to dey die na  ;D.

I take am as a stupid thing for one to do, to take away the precious life wey God give them, all because of bad economy and hardship.

We know sae the country hard without been told but that one no mean sae, peso go begin to give up on themselves by killing themselves. Forgetting sae no permanent problem wey go last forever, and there will still be hope for tomorrow as far as sae peso d healthy and em get two hands and two legs to work out things for em self.

I just see in no reason wey the bank marketer go kill herself because of our country's economy. Wey be sae em get many people wey better pass for this our country, and they are still living and coping with the bad economy. Em own be sae, em d work. And many no get work.

If the bank work no d give am joy or em no help am to cope for the economy, make em resign and start hustling business. People d do, and they are living happily with their decision. By the way, there are ways for peso to make money for this our country. If the peso go fit remove shame from em eyes and em d agile to work.

---

Now, wey em don kill herself, no be her family wey go bear the pain and loss for training and nurturing her to come of age to take care of herself. Now wey be sae em go return the favor of thanking her parents for grooming her, na killing herself go come her mind because of country's economy. No be stupidity be that.

I came across the news last week and I no even get time to read about the news well but I see say she drop note and na toilet she decide to commit suicide, seeing the details here I will go back and read about the news, this suicide of a thing dey common and stories like this dey but no be all dey enter social media, this lady own na economy but some na heart break, sometimes for situations like this wey person no know wetin happen and na wetin we see we take cause for someone to commit suicide bad motive na go don motivate such person like for example person wey get husband and pikin go commit suicide for what reason, this world sha and even with the news spreading some people go condemn the act and some go get another thing to talk, I no fit talk wetin dey really happen wey people dey commit suicide just because of depression, heartbreak etc, very bad and this act na very evil and satanic act. Hustling everyday no mean say na the end of the world but life na once and any little mistake go bring bad result.

That thing pain me, if person wey get work fit dey depressed with her little salary, how the ones without jobs go dey.
No matter what you are going through in life, please suicide is never the solution.
Talk to someone, maybe solution can come from their, don't buckle up your problem. If you don't share your problem with others, how will the help come?
God created this life for us to help each other that's why there's is what is called "Destiny Helper". I believe so much in this because God himself won't come down from heaven to save or give us what we want at any given time rather he will send someone in human form to help. So please, always speak up when you are going through difficult time.

I pray make we know see any pressure for this life wey go make us to take our life. Imagine people dey kill their selves just because economy dey very hard, this kind of news dey surprised me oo. Shey na only them dey face this hard economy? This hard economy touches everyone of us in this country, if we see say na our own worst pass, many people dey wey dey see shege pass us, Some people no dey ever appreciate God wey create them for once at all!! That lady wey kill herself so, she no even thank God say she dey work for bank, she finished school, she still get a job with her CV, how many graduated students dey this country wey dey waka up and down everyday just to get a job but them no  even get one, she get work for bank and kill herself just because of the hard economy.

I believe say our problems no go ever be the same, but if we take our life waiting we go gain? In this life make we know rush, everything is just step by step, we no fit start investment and be thinking, it will soft immediately, we should have patient with time we go get profit, as Op said it, life is really sweet my brothers.

People no suppose to dey do all these kind things again,the hard times no be only you ,her own better she get job what  about people wey no dey work wetin make dem do , e never sure for you no be the end of the road now God wey create you come this life no do mistake now so make we dey patience for him blessings, the other people wey your life better pass their own nnkor dem still dey hopping say e go better one day ,and make we dey pray na only God go fit do am .

Op many hope is lost already on this economy shall the just begun but many haven't seen what make a new year in their life, the story if the lady that took her life is a pity shall but that is the nature of our economy many prefer to cut it short than continue to suffer. But my advice to any human is that nothing or any situation that will leads you take away your life all hope is not lost even in the mist of hardship many make it example Daniel, Joseph, Isaac etc Esther, scripture said they past through challenges but the see success at the end. Investment has began for those who know the value and have plans for the year, just like my people do say kola nut last long in the mouth of those that know it's value. If you fail to plan before investing in Bitcoin you will end up regret because you will not get any value because spirit if quick to make it will control you there by limiting of making it, because crypto and Bitcoin need patient and smartness, and can only advice people to avoid quick to make it because it will not work, only those that know Bitcoin is not quick to make succeed because they will always control emotions and apply patient bull run don't trigger them until they meet there desire.

E just dy sad say that lady do that lin thing, but e no make sense at all. With wetin my eye don see for this life nothing fit make me kpai myself, because I know say e dy take God one day to turn person story around. So me I don decide say i go dy pray as I dy do my hustle. Where I dy today no be where i think say I for dy, even if say I never reach where I wan dy I know say soon coast go clear na just patience.

Some times I dey ask my self if person commit suicide say watin go make person do this kind thing I come realize say sometimes na condition of this our country, depression fit also make person commit suicide but e no make sense make we stop am because life is too precious you no know watin God keep for you for front I know say country hard but make we dey patient, them say na dog way dey patient na e dey eat the fatest born me i can't come and kill my self because nobody knows tomorrow.

Greetings everyone life is so precious we need to enjoy every moment we have and let no worries bother us.to achieve this we need to make sure we avoid problems and focus on our mind positive energy which will bring more good to us and all that.

What are you grateful for today? It may be something simple, like a nice cup of coffee or a lovely sunset, or something larger, like a fantastic talk with a friend or a new opportunity that has presented itself. The concept is that by reflecting on the pleasant things that happen every day, we may educate our minds to concentrate on the positive rather than the bad. I think it's a very effective technique!
I also believe it is critical to cultivate thankfulness toward ourselves, rather than merely people or external events. Self-compassion and self-love are really beneficial. Self-compassion is handling ourselves with the same love, patience, and understanding which we would offer a friend or someone you care about, particularly if we are having trouble or feeling down. As a result, practicing self-compassion may support our efforts to cultivate thankfulness.

yes ooh my brother life is Soo precious, don't joke with your life. any one that died is gone for ever,no second chance in the grave, value your life no super store that life is for sell.

As you stated, life is a treasure, and the rest is just enjoyment. Even when we face difficulties, we may be thankful for the life we have and the chances we have been given. It really puts things into balance and helps us concentrate on what is actually important. Taking the time to reflect on the things we are grateful for, no matter how minor, may make a tremendous impact in our overall attitude and outlook. It's also crucial to take care of ourselves, which includes eating correctly, exercising regularly, and getting enough sleep. So when we're physically and psychologically healthy, it's simpler to be appreciative and appreciate the good in our life.