Most of the comments talaga ay sang-ayon na hindi pa napapanahon ang pagkakaroon ng "Cashless Society" sa pilipinas dahil narin sa limitadong kaalaman o hindi pa tayo handa para rito. Maging ako ay agree din dito. Dahil sa aking palagay, naging mabagal ang pagmulat ng karamihan partikular sa mga matatanda, sa naging pagbabago sa ating teknolohiya. Sa katunayan, kung ang pagkakaroon pa nga lamang ng mga social media accounts ng mga nakakatanda satin, partikular sa ating mga lolo't lola ay hindi na karaniwan sa karamihan ay paano pa kaya ang pangkalahatang paggamit sa mga cashless transactions? Marahil ang iba satin ay hindi makakaugnay rito dahil ang ilan naman na sa ating mga lolo't lola ay namulat na at mayroon ng sariling account ngunit kung iisipin ay meron paring mga tao na hindi pa makasabay sa ating teknolohiya.
Sa kabilang banda, naging malaki naman na ang pagtanggap natin sa mga cashless transaction. Sa katanuyan, nito lamang pandemic ay gumamit ang ating gobyerno ng ewallet para magbahagi ng tulong sa mga mamamayan. At sa aking palagay, ito ay magandang paraan para mamulat ang mga pilipino na tangkilin at makilala pa ang cashless transaction. Dahil kung hindi man nila ito matutunan sa pang araw-araw o kung hindi man ito nila naeengkwentro sa kanilang pamumuhay ay marahil mahihirapan sila na makasabay sa patuloy na pagbabago sa ating teknolohiya. Kaya't mabuti na i-expose at sila na mismo ang makagamit nito para malaman nila ang magandang dulot ng paggamit ng cashless transaction. Sa ganong paraan, sa tingin ko ay maaaring magkaron tayo ng mas malaking hakbang patungo sa pagiging "Cashless Society".