Latest posts of: nasar

Show Posts
Pages: [1]

Local / العربية (Arabic) / طريقة التعامل مع سوق العملات الرقمية

on: June 26, 2018, 01:45:55 PM

طريقة التعامل مع سوق العملات الرقمية ------------------------------------------------ لازم تعرف شوية نقط مهمة عشان تنجح فى سوق الكريبتو :- أولاً : مشاريع العملات مبنية على تنقية البلوكتشين فلازم الأول تعرف يعنى إيه بلوكتشين وإيه هي فكرتها وليه بتعتبر ثورة فى المجال الرقمي وإيه هي العقود الذكية (smart contract) ففهمك لتقنية البلوكتشين هيخليك عندك القدرة على قراءة وتمييز المشاريع القوية والمربحة ثانياً : لازم تحدد لنفسك هل إنت مستثمر ولا متداول ولا الإتنين مع بعض فالمسثمر عادةً بيستهدف المشاريع القوية ويكون هدفه على المدي الطويل (3-5 سنين) أو المتوسط (1-3 سنين) أما المتداول فبيعتمد دايماً على التحليل الفني للشارت وبتكون صفقاته قصيرة النقطتين اللى فاتوا مهمين جداً فى إنك بتحدد لنفسك الإطار العام اللى هتتحرك فيه وعدم وجودهم هيسببلك نوع كبير من التخبط فى القرارات والعشوائية والخسارة أو الخروج بربح قليل ثالثاً : رأس المال اللى هتدخل بيه سوق الكريبتو بيحدد بشكل كبير إتجاهاتك إزاى وهل الأفضل ليك إنك تكون مستثمر على المدي الطويل أو المتوسط أو القصير طيب دلوقتى خلينا نتكلم إزاى نقدر نحدد المشاريع القوية والمربحة على المدي الطويل والمتوسط هذكرلكم إزاى تقدر تحلل أى مشروع فى كذا نقطة وهشرح لكم أمثلة على كلامي لكن فى الأول أحب أذكرك إنه من المهم إنك تحاول تفهم تقنية البلوكتشين بقدر الإمكان فده هيساعدك كتير جداً أى مشروع تعرف مدي قوته من أربع نقاط مهمين (White paper - Road Map - Project Team - Project Supply) 1 - White Paper لازم تلاقيها فى موقع المشروع وهي بإختصار شاملة فكرة المشروع وشرح شامل ليها فلازم تقرأها وتشوف فكرة المشروع إيه؟ وهل فكرة المشروع جديدة ولا فيه منافسين للمشروع فى السوق فعلاً؟ ولا فكرة المشروع ضعيفة ومش مميزة؟ فكل ما كانت فكرة المشروع فريدة ومفيش منافسين فى السوق كل ماكان ده معناه إن المشروع هيكون قوي ومميز لأن مفيش منافسين فى السوق فعلى سبيل المثال مشروع Quantstamp ده مشروع فريد وقوي ومالوش منافس فى السوق وفكرته بإختصار هو مراجعة وتأمين العقود الذكية عن طريق الكشف عن الثغرات ونقاط الضعف فى العقود الذكية فمع زيادة حجم الأموال اللى هيتم ضخها فى السوق وزيادة قيمة التحويلات زادت أهمية تأمين وتدقيق العقود الذكية علشان تقدر تأمن التحويلات مشروع Publica مشروع ليه منافسين فى السوق وفكرته إنه بيستهدف الكتاب والأدباء فى نشر كتبهم وروايتهم بدون أى وسيط وبالتالي بيوفر عمولة الطرف التالت والمشروع ده ليه منافسين فى السوق زي Po.et لكن الفرق إن Po.et مش متخصص للكتب بس لكنه شامل كمان الميديا والفيديو والصور وليهم منافس تالت وهو Decent وهو مشروع أقرب للـ Po.et فهو شامل كل الديجيتال ميديا الفكرة من وجود مشروع منافس هو إنك هتقدر تعرف موقف المشروع اللى بتدرسه إيه مقارنةً بالمشاريع المنافسة وفى العادة بيكون السعر اللى وصله أقوي مشروع فيهم هو الهدف بتاع المشروع اللى إنت بتدرسه دلوقتى إلا لو كانت المشاريع كلها لسه جديدة فمثلاً مشروع Coss ده مشروع تابع لمنصة Coss والعملة بتاعته سعرها دلوقتى قرب 2 دولار والمشروع ده ليه إتنين منافسين فى السوق BNB وديه العملة التابعة لموقع Binance واللى سعرها دلوقتى متخطي 18 دولار والمنافس التاني هو KuCoin Shares وديه العملة التابعة لمنصة التداول KuCoins واللى سعرها دلوقتى متخطي 17 دولار فبالتالي طالما إن مشروع Coss مماثل للمشروعين التانيين فده معناه إنه هيمشى على خطاهم وإن سعره هيوصل لنفس مستواهم أو أكتر أو أقل شوية حسب فرق القوة 2 - Road Map خارطة الطريق أو نقدر نقول عليها الجدول الزمني للمشروع وديه بيتحدد فيها خطة المشروع مرتبطة بالوقت فكل تحديثات المشروع هتكون مذكورة فيها والمشروع القوي هو اللى هيقدر يلتزم بخارطة الطريق وتقدر تعرف من الجزء اللى عدي من خارطة الطريق إذا كان المشروع ملتزم بيها ولا لأ 3 - Project Team فريق عمل المشروع لازم يكون مذكور ومتحدد وكل ماكان الفريق عدد أعضاءه كبير وليه سابق خبرة فى السوق أو فى مشاريع الكريبتو كل مازادت قوة المشروع بالإضافة لإنه إذا كان حد من الفريق إشتغل فى شركات قوية قبل كده زي جوجل - فيس بوك - أمازون - أوبر كل ما زاد الفريق قوة أكبر 4 - Project Supply عدد عملات المشروع اللى هيتم طرحها أو ضخها فى السوق فكل ماكان العدد أقل كل ماكان معدل نمو سعر العملة سريع جدا ووصولها لأرقام سعرية كبيرة محتمل جداً وكل مازاد العدد كل ما تباطئت العملة فى نموها لأنها بتواجه حالات من التضخم فى مراحل معينة بالإضافة لأنها بتحتاج لضخ كمية أكبر من الأمول فعلى سبيل المثال :- مشروع Publica عدد العملات المعروض منها 33 مليون عملة سعرها من 3 أسابيع كان 25 سنت والنهاردة سعرها تخطي الـ 3 دولار ومستهدف إنها توصل لـ 50 دولار مشروع Coss عدد العملات المعروض منها 200 مليون عملة سعرها من إسبوعين كان 23 سنت والنهاردة داخلة على 2 دولار ومستهدف إنها توصل لـ 30 دولار مشروع Quantstamp عدد العملات المعروض منها 976 مليون سعرها من 3 أسابيع كان 11 سنت والنهاردة 65 سنت ومستهدف إنها توصل لـ (50-100) دولار مشروع Change عدد العملات المعروض منها 79 مليون سعرها من إسبوعين كان 40 سنت والنهاردة داخلة على 2 دولار ومستهدف إنها توصل لـ (30-50) دولار مشروع Flixxo عدد العملات المعروض منها 189 مليون سعرها من إسبوعين كان 10 سنت والنهاردة 75 سنت ومستهدف إنها توصل لـ (20-30) دولار مقارنة بعملات تانية قوية زي Cardano اللي معروض منها هو 45 مليار سعرها من شهر كان 10 سنت والنهاردة 90 سنت (لاحظ معدل النمو البطيئ بالرغم من قوة العملة) ومقارنةً بمشروع Stellar المعروض منه 103 مليار وسعرها من شهر كان 14 سنت والنهاردة 65 سنت (برضه لاحظ معدل النمو البطيئ بالرغم من قوة العملة) الأربع شروط اللى ذكرتهم إذا تحققوا بيوصلك لعملة قوية بمعدل نمو متسارع وأهداف سعرية كبيرة على المدي المتوسط والطويل فيه نقطة كمان بونص وهي إنك لو لقيت مشروع منطبق عليه الأربع نقاط السابقة ومش موجود على منصات مشهور وقوية زي Binance أو Bittrex فده معناه فرصة أكبر لإنك تشتري لأن وقت مايتضاف للمنصات ديه صاحبة السيولة الكبيرة فده معناه إنك هتشوف قفزات سعرية أكبر ومعدل نمو أسرع بعد الإضافة نيجي لنقطة مهمة وهي إدارة رأس المال الخاصة بيك بالنسبة لي أنا بقسم رأس المال إلى قسمين القسم الأول بنسبة 90% وده بستثمره فى المشاريع القوية على المدي المتوسط والطويل زي ماشرحت لكم القسم الثاني بنسبة 10% وده بتداول بيه على المدي القصير بمعنى إنى بدخل بيه صفقات من مناطق معينة على الشارت وبهدف قصير والغرض منه إنى أزود نسبة الـ 10% وأخد الزيادة بعد فترة أستثمرها فى المشاريع المتوسطة والطويلة المدي ملحوظة : نسبة 10% اللى بستثمرهم على المدي القصير بقدر الإمكان بحاول أدخل بيهم برضه على مشاريع قوية علشان أزود فرص النجاح وببعد تماماً عن الدخول فى المشاريع الضعيفة أو البطيئة النمو بقدر الأمكان إذا كان رأس مالك صغير فالأفضل إنك تشوف مشروع قوي تنطبق عليه الأربع شروط السابقة وتستثمر فيه المبلغ الصغير ولما يكبر تبتدي تاخد نسبة ربح منه وتضيفها على مشروع تاني بعض النقاط الهامة :- 1 - لازم نعرف إن سوق الكريبتو هو سوق جديد ولسه العالم بيتقبله وإنه زي أي سوق فى الدنيا معتمد على العرض والطلب وإن فيه حجم إستثمارات كبيرة هيتم ضخها فى السوق فى خلال سنة 2018 فبالتالي هيكون الطلب كبير فى السوق والمتوقع إن السوق يوصل قيمته السوقية فى نهاية 2018 لـ 3 تريليون دولار وده معناه إن كل اللى هيستثمر دلوقتى فى عملات قوية ويحافظ عليها لحد نهاية 2018 هيحقق أرباح عالية جداً 2 - حركة السوق دايما عاملة زي حركة الإنسان لما الإنسان بيتحرك بيرفع رجل وينزل رجل عشان يتحرك لقدام نفس الكلام فى السوق عشان يتحرك ويصعد فلازم يتحرك لأعلي وبعدين ينزل تاني لتحت شوية وبعدين يتحرك لأعلي وينزل بعدها شوية لتحت وهكذا هتلاقى الإجمالي فى الأخر إنه بيتحرك لأعلي وإن مجموع الحركات اللى كان بيعملها (الصعود والهبوط) هي عبارة عن الحركة الأساسية ليه اللى بتدفع السعر لإنه يتحرك لأعلي وإنه من غير الإرتداد لأسفل ماكنش السعر هيقدر ياخد قوة الدفع اللى تدفع السعر لإنه يتحرك لأعلي 3 - كل مازاد معدل المخاطرة كل مازادت نسبة الربح والعالم لسه بيتقبل سوق الكريبتو وعشان كده القيود الموجودة كتير لكن مع تقبل العالم للسوق بعد فترة إن شاء الله وبعد ماتفرض تكنولوجيا البلوكتشين نفسها على العالم هيتم تسهيل كتير من القيود وهيقل الخطر 4 - مع المستقبل وتطور السوق هيبقى من الصعب إننا نلاقى بعد كده عملات بالسنتات زي دلوقتى فلازم بقدر الإمكان تحاول تستغل الوقت الحالي إنك تزود رأس مالك عن طريق الدخول فى الصفقات القوية 5 - من الذكاء إنك تاخد جزء أو نسبة من الصفقات طويلة المدي بعد ماتحقق فيها نسبة نجاح كبيرة وتحطها فى المشاريع الجديدة عشان تزود رأس مالك فعلي سبيل المثال لو إشتريت 1200 عملة من مشروع رقم 1 بسعر 10 سنت والعملة وصل سعرها لدولار أو إتنين أو عشرة حسب تقديرك وظهر قدامك مشروع تاني قوي ومبشر وسعره مثلا 15 سنت فمن الذكاء إنك تاخد نسبة من المشروع رقم 1 الناجح ولتكن 200 عملة وتبيعهم وتشتري بيهم فى المشروع رقم 2 أخيراً :- كل المشاريع اللى ذكرتها كأمثلة من شوية هي مشاريع قوية ومستقبلها مبشر جداً وتقدر تدرسها بنفسك وتطبق عليها الشروط وتقدر تدور على مشاريع جديدة بنفسك وتطبق عليها الشروط لكن من أكتر المشاريع اللى برشحها هو مشروع Quantstamp المشروع قوي ومميز ومالوش منافسين والتيم الخاص بيه متميز وقوي والمشروع وصل لـ 65 سنت حالياً مع العلم إن أول تحديث للمشروع لسه هيظهر للنور فى الربع التاني من 2018 يعنى فى شهر إبريل إن شاء الله ضيف على كده نقطة كمان إن Quantstamp عاملين خاصية Airdrop والمقصود بـ Airdrop هو إن كل مستثمر فى المشروع إشتري عملات وإحتفظ بيها هيبقى له نسبة بعد كد فى كل عقد بيتم مراجعته.يعنى المفروض مش بس هتزيد قيمة العملة معاك لأ كمان هيتضاف لرصيدك عملات تانية لكل العقود اللى هيتم مراجعتها لما يشتغل المشروع فعليا

Local / النقاشات / لماذا اغلب العملات تبقي علي شبكه الايثريم

on: June 26, 2018, 01:44:11 PM

كان فيه سؤال إستقبلته فضلت أرد عليه هنا السؤال بيقول ليه فى الغالب مشاريع الـ ICO بتتبني على شبكة الإيثيريوم؟ أسباب كتير بتخلي بناء المشاريع على شبكة الإيثيريوم أفضل منها:- 1 - الأدوات اللى بتوفرها شبكة (منصة) الإيثيريوم لإنشاء عملة جديدة من خلالها بتعتبر أدوات سهلة وبسيطة وسريعة فى عملية الإنشاء مقارنةً بباقى الشبكات 2 - فريق التطوير الخاص بمشروع الإيثيريوم بيعتبر واحد من أقوي فرق المشاريع بصفة عامة ضيف على كده كمان نشاطهم الدائم فى تطوير الشبكة وتحديثها من ناحية الإستقرار والأمان وتعدد الوظائف المتاحة على الشبكة ومدي قابلية الشبكة للتوسع 3 - فريق التطوير دلوقتى بيطور الإصدار الحالى من التوكن اللى هو ERC20 لإصدار جديد وأفضل بناءاً على كلامهم اللي هو ERC223 4 - الأدوات اللى بتوفرهالك منصة شبكة الإيثيريوم بتخليك مش محتاج إنك يكون عندك دراية عميقة بالبرمجة لأنها بتوفرلك أدوات كتير سابقة البرمجة فبالتالي بتوفر عليك جهد كبير ووقت أكبر فى إنشاء العملة بتاعتك بس ده ميمنعش إن برضه فيه عيوب من الإعتماد عليها زي:- 1 - أى مشكلة هتحصل فى شبكة الإيثيريوم هتأثر علي مشروعك 2 - لو فيه هارد فورك فيه إحتمالية (غير مؤكدة) إن ده ممكن يأثر على عملات مشروعك 3 - إنك هتتبع أى قوانين أو تعديلات تحصل من فريق العمل لشبكة الإيثيريوم بدون إنه يكون ليك الحق فى الإعتراض لإنك مستخدم فقط لأدواتهم بالإضافة لإنك وافقت فى الأول على سياسة الإستخدام اللى عرضوها عليك لما أنشأت عملاتك على شبكتهم عامتاً فيه منافسين تانيين لشبكة الإيثيريوم بس لسه موصلوش لنفس المستوي زي (Waves, Eos, Omni) لكن مع المستقبل أكيد هنشوف تطور ليهم وإنتقال للمشاريع الجديدة لمنصاتهم

Local / النقاشات / الفرق بين الـ Coin و الـ Token

on: June 26, 2018, 01:41:44 PM

الفرق بين الـ Coin و الـ Token ------------------------------------------ الفرق بين الإتنين ببساطة بيتلخص فى الهيكل المشروع اللى ليه Coin بيبقى مشروع نازل بتقنيته الخاصة بمعنى إنهم بنوا البلوكتشين الخاصة بيهم زي مثلاً :- Bitcoin Ethereum Ripple IOTA Cardano Litecoin SiaCoin Digibyte إلخ........... أما المشروع اللى عملته عبارة عن Token فهو المشروع اللى مبني على شبكة موجودة بالفعل من الشبكات السابقة (يعنى المشروع مبني على شبكة الإيثيريوم مثلاً فبالتالي بينزل بعملته الخاصة وبتبقى نوعها Token) زي مثلاً :- Cindicator Kin Po.et Augur Power Ledger Bytom TenX OmiseGO إلخ........... فنقدر نقول إن مشاريع الـ Coin بتحتاج تبني لها هيكل كامل للمشروع أما مشاريع الـ Token فهي بتستخدم هيكل من الهياكل الموجود قبل كده وتضيف عليه مشروعها عشان كده كل مشروع من المشاريع النازلة بالـ Coin الخاص بيها ليه محفظة مستقلة فتلاقى Bitcoin ليه محفظة مستقلة وRipple ليه محفظة مستقل وSiaCoin ليها محفظة مستقلة وIOTA ليها محفظة مستقلة لأن كل واحد فيهم مبني على بلوكتشين مختلفة عن التاني عشان كده متقدرش تجمعهم فى نفس المحفظة عمرك ماهتلاقي محفظة تجمع Ripple مع SaiCoin؟ أو IOTA مع Bitcoin؟ لأن كل مشروع فيهم مبني على شبكة مستقلة تماما عن التاني (كل واحد ليه هيكل مختلف عن التاني) إنما مشاريع الـ Token بتتجمع فى محفظة الشبكة الأساسية (الهيكل الأساسي) اللى إتبنت عليها عشان كده تلاقى محفظة الإيثيريوم مثلاً مش بتشيل بس الإيثيريوم لأ وكمان كل العملات اللى إتبنت عليها عشان كده تلاقى نفس عنوان الإيثيريوم بتبعت عليه عملات تانية برضه غير الإيثيريوم (لاحظ كده فى كل المنصات هتلاقى إن فيه عملات كتير عنوانها هو نفسه عنوان محفظة الإيثيريوم الخاصة بيك) لاحظ كمان إن معظم الـ Token الموجودة فى السوق مبنية على شبكة الإيثيريوم فإذا كانت العملة اللى معاك Token فبالتالى تقدر تخزنها فى أى محفظة إيثيريوم زى Myetherwallet أما إذا كانت العملة اللى معاك Coin يبقى لازم تدخل على موقع العملة عشان تحمل المحفظة الخاصة بيها نقاط هامة:- 1 - المفروض كل واحد فينا يكون عارف نوع المشاريع اللى مستثمر فيها وقت لما درس المشروع لكن اللى ميعرفش يقدر يدخل على موقع https://coinmarketcap.com/ ويدخل على أى عملة من الموجودين فى القائمة هيلاقى على اليسار مكتوب نوع العملة إيه Coin أو Token 2 - مشاريع الـ ICO كلها عبارة عن مشاريع Token 3 - فيه فرق بين المحفظة (اللى بيكون ليها عنوان محدد) وبين برنامج المحافظ اللى بيضم جواه أكتر من محفظة زي Jaxx أو زي المحافظ الهاردوير Nano S على سبيل المثال فهما عبارة عن تجميع لعناوين محافظ مربوطين بواجهة سهلة الإستخدام وليسوا محفظة واحدة

Local / العربية (Arabic) / مواقع مهمه جدا تفيدك في مجال العملات الرقم

on: June 26, 2018, 01:37:45 PM

-------------------------------------------- -القائمة هتشمل على التالي:- 1 - مواقع الشراء بإستخدام الأموال 2 - منصات التداول 3 - مواقع الأحصائيات 4 - مواقع الـ ICOs 5 - مواقع التحديثات القادمة للمشاريع 6 - مواقع الأخبار 7 - مواقع متنوعة --------------------- 1 - مواقع الشراء بإستخدام الأموال - موقع Coinbase https://www.coinbase.com/dashboard - موقع CEX https://cex.io/ - موقع Bitit https://bitit.io/ - موقع GDAX https://www.gdax.com - موقع Bitstamp https://www.bitstamp.net/market/order/instant/ - موقع Gemini https://gemini.com/ - موقع OKEX https://www.okex.com/ - موقع Bitflyer https://bitflyer.jp/en/?top_link - موقع SpectroCoin https://spectrocoin.com/ --------------------- 2 - منصات التداول - منصة Binance https://www.binance.com - منصة Bittrex https://bittrex.com/home/markets - منصة Kucoin https://www.kucoin.com/#/markets - منصة Bitfinex https://www.bitfinex.com/ - منصة Poloniex https://poloniex.com/ - منصة HitBTC https://hitbtc.com/exchange - منصة EtherDelta https://etherdelta.com/ - منصة IDEX Market https://idex.market/eth - منصة Gate https://gate.io/ - منصة Cryptopia https://www.cryptopia.co.nz/Home - منصة Mercatox https://mercatox.com/ - منصة Coss https://coss.io/ - منصة Huobi https://www.huobi.pro/ - منصة Kraken https://www.kraken.com/ - منصة itBit https://www.itbit.com/exchange - منصة Bit-Z https://www.bit-z.com/ - منصة Liqui https://liqui.io/ - منصة Bithumb https://www.bithumb.com/ - منصة YoBit (عليها كلام كتير) https://yobit.net/en/ --------------------- 3 - مواقع الأحصائيات - موقع إحصائيات CoinMarketCap https://coinmarketcap.com/ - موقع إحصائيات CoinCheckup https://coincheckup.com/ - موقع إحصائيات BestBitcoinEchange https://www.bestbitcoinexchange.net/ - موقع إحصائيات CryptoCompare https://www.cryptocompare.com/ - موقع إحصائيات CoinGecko https://www.coingecko.com/en - موقع إحصائيات CoinCodex https://coincodex.com/ - موقع إحصائيات OnChainFX https://onchainfx.com/ - موقع إحصائيات CryptoMaps https://cryptomaps.org/ - موقع إحصائيات BitInfoCharts https://bitinfocharts.com/ - موقع إحصائيات Bit$creener https://bitscreener.com/ --------------------- 4 - مواقع الـ ICOs - موقع icoBench https://icobench.com/ - موقع TokenDesk https://www.tokendesk.io/ - موقع icoDrops https://icodrops.com/ - موقع icoExpert https://icoexpert.biz/ - موقع icoRating https://icorating.com/ - موقع icoRanker https://www.icoranker.com/ - موقع icoAlert https://www.icoalert.com/ - موقع icoWathclist https://icowatchlist.com/ - موقع icoHotlist https://www.icohotlist.com/ - موقع CoinSchedule https://www.coinschedule.com/ - موقع TokenTops https://tokentops.com/ - موقع icoBazaar https://icobazaar.com/ - موقع CoinClarity https://coinclarity.com/ico/ - موقع icoTimeline https://icotimeline.com/ --------------------- 5 - مواقع التحديثات القادمة للمشاريع - موقع CoinsCalendar https://www.coinscalendar.com/ - موقع CoinMarketCal https://coinmarketcal.com/ - موقع CoinCalendarInfo http://www.coincalendar.info/ - موقع CoinDar https://coindar.org/ - موقع CryptoCalendar https://cryptocalendar.pro/ --------------------- 6 - مواقع الأخبار - منتدي Reddit نبذة عن مجتمع Reddit (كل مشروع جديد بيخلق مجتمع كامل داخل Reddit وعشان تعرف توصل لمشروع بتعمل بحث فى جوجل بالتالي (Reddit + إسم المشروع) فعلي سبيل المثال هتكتب فى جوجل Reddit Ripple وتضغط على أول رابط يظهرلك هيدخلك على مجتمع الريبل الموجود في Reddit) https://www.reddit.com/subreddits - منتدي BitcoinTalk https://bitcointalk.org - موقع CryptoPanic https://cryptopanic.com/ --------------------- 7 - مواقع متنوعة - موقع CrushCrypto https://crushcrypto.com/ - موقع CryptoRadar https://cryptoradar.co/ --------------------- ملحوظة :- إستبعدت المواقع الأسرائيلية زي Coinmama و eToro من القائمة

Local / النقاشات / ico القيمة الفعلية للمشروع

on: June 26, 2018, 01:05:21 PM

القيمة الفعلية للمشروع فى نهاية شهر ديسمبر وأول يناير حصل إرتفاع كبير فى الأسعار وتخلل أثناء الصعود عمليات Pump كبيرة على كل العملات عمليات الـ Pump اللى حصلت أهملت قوة العملات كلها وساوت بين المشاريع وبعضها ويمكن بالعكس كمان ديه علت مشاريع ترتيبها أقل علي مشاريع ترتيبها أعلي علشان كده لما حصلت عمليات الـ Dump أكتر مشاريع إتضررت هي المشاريع اللى كان ترتيبها أقل وكانت سابقة مشاريع ترتيبها أعلي خليني أوضح النقطة اللى فاتت بشكل تاني من خلال النقطتين الجايين إزاى بنختار المشروع اللى بنستثمر فيه؟ إزاى بيتم تسعير المشروع (يعني نحدد القيمة الفعلية للعملة الواحدة فى المشروع)؟ بنختار المشروع اللى بندخله بناءاً على دراسة المشروع (فكرة المشروع - فريق العمل - الجدول الزمني - ورقة المشروع - النموذج المبدئي Prototype - كمية العملات المتاحة Total supply) لما بنقتنع بالنقط اللى فاتت ديه بنقرر نستثمر فى المشروع بعد كده المشروع بياخد إتجاه تاني علشان نقدر نقيم أو نسعر قيمة العملة الحقيقية فى الوقت الحالي من خلال (الجدول الزمني - المنتج Product) طول ما المشروع ملتزم بالجدول الزمني فقيمة المشروع فى تزايد مستمر وجود منتج أو إصدار مبدئي ألفا أو بيتا من المنتج بيزود قيمة المشروع فبالتالي لو المشروع مش ملتزم بالجدول الزمني أو مفيش منتج لسه فقيمة المشروع الحقيقية بتبقي قيمته في الـ ICO ويمكن أقل كمان حسب حالة المشروع فبالتالي لما حصلت عملية الـ Pump الأسعار كلها إندفعت لأعلي من غير تمييز لحالة المشروع إذا كان المشروع ناجح أو لأ حتي في حالة المشروع الناجح محصلش أى تمييز لحالة المشروع إذا كانت قيمته تستاهل الإرتفاع ولا لأ وكانت أكثر العملات اللى شهدت صعود هي العملات اللى الـ Supply ليها قليل و العملات اللى سعرها كان قليل أقل من 5 سنت فلما حصلت عملية التصحيح فى السوق حصلت عملية Dump كبيرة ولأن ماكنش فيه تمييز بين المشاريع وبعضها فبالتالي هبطت المشاريع لقيمها المستحقة فلما نلاقي مشروع كان لسه جديد ومفيش أى منتج ظهر ليه ولا حتي فى حالة الألفا فبالتالي لما يهبط سعر المشروع لقرب سعره لما كان فى الـ ICO فده يعتبر شيئ منطقي مش شيئ غريب الفروق اللى حصلت بين المشاريع وبعضها هي اللي خليت القيم تختلف فمثلاً المشروع اللى كان ماشي على الجدول الزمني بس لسه ما أصدرش أى منتج كان هبوطه كبير بس موصلش لقيمته في الـ ICO إنما المشروع اللى ما أصدرش أى منتج وكمان متأخر فى الجدول الزمني فهبوطه كان أكبر ووصل لقيمته فى الـ ICO ويمكن أقل أما المشاريع اللى كان عندها منتج من البداية وماشية على الجدول الزمني فكان هبوطها أقل من هبوط المشاريع السابقة الخلاصة:- - اللى حصل فى السوق كان نوع من أنواع الترتيب للمشاريع حسب القيمة الفعلية لكل مشروع - الصعود السريع للسوق تخلله عمليات Pump مميزتش بين جودة المشاريع وبعضها وكان حاكمها الأساسي هو السعر القليل Low Unit Price والكمية المعروضة Circulating Supply - طالما حصلت عملية Pump على عملة ما فمن الضروري بل المؤكد إنه لازم يتبعها عملية Dump لأن الغرض من الـ Pump هو الـ Dump - سرعة هبوط العملات إختلفت من مشروع للتاني وكان المتحكم الرئيسي فيها هو قيمة العملة الفعلية Real Value of the Unit Price - قيمة العملة الفعلية بتتحدد عن طريق (مدي الإلتزام بالجدول الزمني - وجود منتج) - دراسة المشروع نقطة لاغني عنها لأن المشروع القوي بيحد من خسايرك وقت الهبوط وبيخليها مؤقتة لحد مايستكمل صعوده

Local / إستفسارات و أسئلة المبتدئين / ما هو تعريف تقنيه البلوك شاين؟

on: June 25, 2018, 08:56:19 PM

ماهو تعريف تقنييه البلوك شاين !! مع ذكر علاقتها بالعملات الرقميه مثل البيتكوين

Local / النقاشات / عملات

on: June 25, 2018, 08:27:04 PM

ماهي افضل عمله يمكنك شرائها الان!!

Bitcoin / Project Development / project

on: June 23, 2018, 01:55:41 PM

who is the good project now we can invest in it ??

Alternate cryptocurrencies / Mining (Altcoins) / manna

on: June 23, 2018, 12:12:08 PM

How can I minning manna?? if anyone help me to mine manna please

Alternate cryptocurrencies / Altcoin Discussion / NAGA

on: June 23, 2018, 12:06:47 PM

Will NAGA Success and will reach to 5$ in the near future or not!! I have from it more than 1500 NAGA and it is project is very very good,team is activity too anyone tell me his opinion please!!

Local / العملات البديلة (Altcoins) / عمله NAGA

on: June 23, 2018, 11:59:03 AM

هل حقا عمله NAGA سوف تصل الي اكثر من 5$ في المستقبل ام لا!! انا مشترك فيها منذ 2017 في مرحله ال ico ارجو الاجابه من ذوي الخبره

Pages: [1]