 |
June 01, 2021, 03:14:21 PM |
|
البتكوين ما رح تتغير خوارزميتها لاثبات الحصة, لان هالخوارزمية ضعيفة لاسباب كتير لحتى تقدر تحمي القيمة والشبكة و تحافظ على اللامركزية, وواحد من اهم خصائص المال القوي انو يكون في صعوبة بعملية ايجاد هالمصاري وهاد مو موجود بخوارزمية اثبات الحصة. وموضوع استهلاك الكهربا و شو عمل الون ماسك هو مجرد تشويش للعالم و تشويش بمخ هالشخص عن فهم قوة هالخوارزمية لحماية و منع التلاعب بالشبكة او السيطرة عليها من جهة معينة, لان هالخوارزمية عم تستخدم طاقة نقية وتحويلها لأمان للشبكة و بالتالي تأمين قيمة المصاري على الشبكة والمحافظة على لامركزيتها و عدم القدرة على التلاعب بدفتر المحاسبة او البلوكتشين, باستخدام هالخوارزمية عنا افضل استخدام للطاقة لنأمن الشبكة و القيمة ,موضوع الطاقة متل استخدام الطاقة لبناء الخزنات تحت الأرض لحفظ الذهب مثلا, لكن هندسة خوارزمية اثبات العمل هي خوارزمية خالية من التسريبات و بتستخدم الطاقة بأكثر شكل كفء.
خوارزمية الحصة مو منيحة للمصاري, لان شراء التوكنز لما يكون سعرون رخيص سهل, والتلاعب بتاريخ البلوكتشين كمان سهل نسبيا سهل لما يكون عندك سيطرة على الشبكة لان مالك بحاجة لتصرف طاقة حسابية كبيرة وبالتالي كهربا لتقدر تغير بالبلوكتشين, لان ممكن يكون عندك الف نود على الشبكة بس كلون تابعين لجهة وحدة و مارح تقدر تعرف وبالتالي بيصير في عندها هالجهة سيطرة على الشبكة و بيقدرو يراقبو الشبكة, وباقي النودات الحقيقيين ما رح يقدرو يعملو شي, و هاد الشي صعب او شبه مستحيل كشفو, اما بخوارزمية اثبات العمل ما فيك توزع الطاقة تبعك على نودات كتير لتقدر تسيطر على الشبكة, لان اول شي بدك تقدر تحصل على هالطاقة كلها و تاني شي بدك التجهيزات القوية لتقدر تستخدم هالطاقة, وكمان ضمن هي الخوارزمية كشف متل هيك قصص اسهل, باختصار ما حدا من الفول نودز بيقبل البلوكات الجديدة من هالجهة وبضلو لحالون عم يشتغلو على الفورك تبعون, ولحتى تقدر كشخص عادي تشغل فول نود , لازم الشبكة تكون بطيئة و مو سريعة و سهلة المعالجة على اجهزة عادية لحتى يكون عنا لامركزية حقيقية.
|
