People go wan meet up with goals de done set up right from the start of the year and go wan do anything possible to take meet up with this goals
Year don dey end now, na different bad story u go just dey hear, everybody dey look for money, bad people go wan meet up with the goals wey dem set, but na bad things dem go wan do to meet up with the goal, since d beginning of the year, dem no struggle to meet up with goals, but as year don dey end, na now ritual go just plenty, you go dey ear say people dey miss anyhow, make we dey very careful with anything wey we dey do now, even d way we dey waka make we dey careful ooo, no dey move around anyhow again ooo.
The ones when de do ritual go de reason how to get victims when de go use for there end of year sacrifice and rumors of missing children go begin fly here and there.
If you get pikin now, e go make sense make u dey carry them go school yourself, no allow them dey go school alone, and if them close, go carry them for school again, because d way country dey now, we no suppose just dey leave ur children anyhow ooo. If your children come back from school, no dey send them commot anyhow make sure say u dey monitor their movement always.
Girls wey dey look for big men wey go spoil them with money, make dem dey very careful now, u go hear say dem dey use girls up and down now, girls wey no dey satisfy with Wetin dem get, d once wey like to dey leave fake life, make dem dey careful, country don hard and people are ready to do anything just to make money.
