|
January 24, 2024, 05:48:20 PM |
|
Primary education na di basic standard for education wey everybody suppose get, because na for dia we de learn ABCD and 123, even person wey no go further for education suppose know how to count money and na for primary school dem go learn how to count. Even many easterners wey de do well for big businesses today na primary six dem stop school, so lack of education no be ticket to poverty, but no matter how poor parents or guardians de, make dem try to atleast train dem children reach primary school level, so dem go fit to know dem left from right. Primary education wey di basic of our educational background suppose to be free for di whole world, but e no de possible for everywhere, so make we try to help as our power reach to sponsor children from very poor homes to get primary education.
|