My people, e don happen o! Bureau De Change (the people wey dey incharge of forex aka foreign exchange) don dey tell federal government to ban Binance to save our Naira. This one shock me no be small. I don't know how Binance take dey make our Naira weak abi na Binance dey manage our economy. This one show say the people wey dey handle some of these agencies no even know the things wey fit affect our currency. I truly dey feel bad for this kind news.
Them say when the blind lead another blind man, na gutter get them o.
Omo, we don enter gutter like this for this country o, even as people way dey see road like this. When we con dey lead by a blind man way don allow in greed use scale cover en eye finish, na so so gutter we go just dey enter.
Imagine Tinubu don dey make us miss Buhari o, when we think before say we don see am all. Na just one casted idea after the other these people just dey come up with.
Instead of them to think of ways to tackle the competition, na to remove the competition be there best solution. My country my country!
Watin dey promote development na production, increased export and reduced import. Why them no fit just dey reason towards being more productive and maintain the existing institutions...
Make them better mind watin dey sup the Africa o, Niger go trend, e go trend.