This corruptions matter na watin be say, these our government them just no won do better thing about am but still them dey put more fire wood make the fire continue so that them go fit just dey fine more ways to dey disarm money for the country.
Sha some of the past presidents them done already quote am say Nigeria is bigger than Africa, (see talk) that talk nah watin dem take dey brainwash pipo way know know anything so that them go think say nah true talk be that. Just imagine, how Nigeria take big pass the whole Africa?
Our governments, can not stop corruptions but they will rather increase it, more especially when they borrow money, the en danger the country more and also bring bad names to the country.
Corruption for our country tie wrapper o. No be for only government e dey, na for everywhere. But e come be say na our politicians dey teach us work untop Corruption. Everything person dey do for Naija even for market, you gat shine your eyes make them no use you meet up for life. Even for school, runs still dey, sorting too na another thing. The list of things wey make up corruptions too long. Just that all of us dey focus for government only meanwhile corruption sara for everywhere like MTN.
If to say Nigeria no get crude oil many bad bad things for done happen because of the way things dey go,,, other countries for done take advantage of the country,,,, one thing way make Nigerian still dey little bit peaceful nah just because other countries way dey benefit from Nigeria still dey protect am and them no want make war happen because if e happen, them self go lose many things.
My dear if to say Naija no get oil, most of the things wey you dey see for no dey, our brain for don reset since. You no know say na free money dey make people lazy? If e be say we no get oil, we for dey think how to make money from other things them. If you go look history how Naija been dey when oil never come, you go see say our people been dey do well for plenty areas like agriculture, industrialisation even manufacturing. But as oil come, they kill every other thing come focus for the oil come dey steal the money dey go.
