My take on all dis questions about predictions of Bitcoin before and after halving, weda we go see new ATH dis year and many prediction prices for dis bull run, many of dem no too de necessary, if na long term investment we de do. Why I talk so be say so fa we de hodle Bitcoin for bull run matter, wey just de start, we no suppose de worry about di short term price pump and dump. If we get faith say we go see massive bull run wey go give us plenty ROI, no need to worry about short term price movements. Na to focus on wen price go reach the estimated peak of bull run, wey be from $150k and above . How una reason di matter?
You don already talk am finish, bitcoin price prediction no dey necesary for people wey dey hold for long term. People wey suppose put eye well well for price prediction na people wey dey do day trading for bitcoin. Me I no fit give person mind make him enter bitcoin trading because e dey risky, make person no lose all him money untop greed. The ogbonge way to take follow bitcoin na to buy and keep am tey so e go fit vomit beta profit. Plenty people dey like buy plenty when the market fall well and them go hold am reach when the price go begin go up well well.