My people e don happen o, our government don dey plan to spoil show for people wey get domiciliary account o. People been dey save money for dollar inside their Nigerian account plus including people wey japa wey dey send money for home, but as our country keep face so, our government don dey plan to convert the dollar wey people get for their domiciliary accounts into Naira using the CBN official exchange rate. For their mind, this one go give our Niara big strenght against the dollar. Una know wetin this thing go mean?
Nigeria dey practice double exchange rate: the official rate and the parallel market rate and na the official rate dey low pass. Na
Punch newspapers carry the news come out. Those
wey been don buy dollar from Aboki come keep am for their domiciliary account so that Naira depreciation no go affect
their money, now na their time to cry.
The only people wey go escape this thing na people wey dey save their money for Bitcoin because government no get control over that one. This one show say, bank no be sure banker because as you carry your money by yourself go put for bank, you don give them power to do with your money anyhow them like. People wey never know the power wey Bitcoin get suppose use this one learn something.
I say make I drop this post take dey support people wey dey save their money for Bitcoin and to also encourage others make them try dey consider saving their money for Bitcoin.
