My countri people, i just dey browse internet like dis, now I see on Tori about dis guy, Sam bankFried, we den catch for obodoyibo for scam and fraud and Dem con give an 115 years as prison sentence.
d matter shock me becos 115 year, na d same tin as life in prisonment omo. e come be like say e kill person. Normal we know say if person kill person according to most contri and law, na life in prisonment or death sentence. as I con dey reason d whole tin, I con think say, wat if Dem our government  put dis kind law in place, for cyber fraud or as we dey call am yahoo yahoo. e fit help reduce d matter of yahoo yahoo for we contry?
if dis kind law dey inplace, e go mean say you fit spend 100 year or more, behind bars dat one go depend on d amount of fraud or moni wey u thief. for me, e dey reasonable dat wan na becos due to many reason, both old and young people Dem don enter dis yahoo matter just to survive d hard economy, but dat one no suppose be yastic for Dem to dey thief other people money. d worst part be say, Dem go thief dis money Dem concience no go judge Dem, watin go happen to d person wey u dey thief from. e go die abi go get financial problems latter? instead Dem go carry d money go club, and other place Dem dey waste am. for me Dem dey heartless and Dem supposed deserve d punishment.

again, no be only yahoo boys go still suffer dis thing but also our government people Dem wey go dey guilty of thief or fraud. those people Dem go still need to stay behind bars well because if u say thief, yahoo boys no thief reach politicians. so my question for una, besay e dey fair or inhumane to impose dis kind law for fraudster? make una chuck mouth put for dis matter.