Aslaam alikum
To Hamarey Wazeer e Azam sahab ne Akhir kaar duniya ko bata he diya ke ham Bitcoin or Crypto ko Adopt karne ka soch rahe hn. Kuch din pehle UN ke meeting me Shahbaz Sharif ne kaha ke Wo Pakistan me digitisation or modernisation ko embrace karke Ai or Crypto me kaam karna shuru kiya he or Crypto ko "Tool of the Future" bhi kaha.

Ye ek Behtareen news he Pakistani awam or Country ke liye as Crypto se boht se systems fast ho jaengy, Bitcoin investment se Country ki economy behtar hogi as Dunya ke boht investors ka paisa yahan aega or sath sath Awam bhi individually invest kar ke Kama paye gi. Mere khyaal se Crypto adoption ko or tez karne ke liye Logo ko Educate karna chahiye Crypto ke baare me kyu ke boht se log nahi jante ke Bitcoin or Crypto kya he or jo koi jante hn un ko bhi sahi idea nahin he Bitcoin ke Bare me. Us ke elawa apne country ke kuch exchanges Banaen jaye jis se pakistanion ke liye asaan ho jaye trading or investing karna or us ke elawa trades par Tax kuch shuruwaati arsey k liye band karna chahiye taake log or attract hon Crypto or Bitcoin ko trade or us me invest karne me.
Source

Walaikum Asalam
Wese to mera target tha ke Top me ajaon lekin kuch masroofiat ki waja se me wo nahi kar paya or just 3 posts se top me aney se reh gaya. But i think ye still ek achi position he. Me is month or zyada ksohish karonga active rehne or post karne ki or other members ko bhi active reh kar 500 posts ka aim rakhna chahiye or Bitcoin ki tarha apne community ki graph me bhi Uptober ka koi influence hona chahiye  BTW congratulations to the top 3 posters and especially @qurbanshah02 as wo top poster ki position nahi lose kar rahe and dominate kar rahe hn most active reh kar community me. Agar hamare senior members dubara active ho jaen to I believe ke 500 posts ko achieve karna mushkil nahi hoga as boht sarey new members aagae hn community or agar sab apni dil o jaan se mehnat karen to hum apne local board ke dream ko jald achieve kar paengy.

Aslam alikum
Umeed he ap khairiyat se honge.
To ye khabar ayi he k Thailand ne 2029 tak Bitcoin ya kisi bhi crypto trading par koi personal income tax ya capital gains tax nahin hoga. Lekin condition ye hai ke trade sirf licensed exchanges, brokers ya dealers se jo THAI law ke andar registerd ho se kiya jaye.

Ye step Thailand ko ek global hub banana ki koshish hai  jahan digital assets or investments ko attract kiya ja sakey. Matlab investors ke liye boht zyada opportunities hongi aur trading environment bhi secure or regulated hoga.

Mere khyaal se ye ek strong move he jo crypto adoption ko agey barhae ga. Ab sawal ye hai k kya aesi policies aor Asian countries bhi adopt karengi? Agar karey to Bitcoin ka future or bhi bright ho skta he.
Source

Asalam alikum.
Abhi abhi mene share kiya taa k US ke state ohio ne taxes Bitcoin me lena start kiya tha. Abhi news ayi he k America apne regulated markets me crypto ki adoption or bhi barha raha he or SEC ne crypto ke ETFs ko approve kar diya he. Is approval se US ke ye faida hoga ke dunya bhar ka paisa un ke markets me ayega jis se un ki economy or strong hogi or har trade par Tax revenue milega jis se Government ki income bhi barhegi. Ye ek boht vital step he.

Yehi fark hota he developed or developing countries me. Developed countries like America trends ko jaldi adopt karte hn jabke abhi tak hamari country ise as a scam or risky asset manti he. Hamey apne mindset ko badalna hoga or apne surroundings ko agah karna hoga about the importance of Bitcoin.

Asalam Alikum
To me ap sab ko batata chalun k USA ke state Ohio jo ke ek meme me bhi istemal hota he or IShowSpeed ko to ap jante hoge wo bhi usi state se he to us State me jo log he wo ab apna Tax Bitcoin me bhi Pay kar sakte hn. Wo believe karte hn k is step se us state ka financial infrastructure or modernised ho jayega.

Ab is se Bitcoin ki adoption boht barh sakti he agar ye Ohio me sahi tareeqay se chal pata he. Aj tak log Bitcoin ko ek investment or store of value ke taur par dekhte te lekin jab governments Bitcoin ko is tarha ka use karengy to is ka matlab mass adoption ki taraf hamari journey fast ho jati he or ye bhi clear hota he k Bitcoin ek speculative asset nahi balkey ek global payment system ban raha he or Agar America ke states BTC ko accept karna shuru kar dete hain to socho aglay 5-10 saal me duniya ka kya scene hoga. Kya ap ke khyaal me jo halat chal rahe hn Bitcoin 5-10 Saal me ese pakistan Me as a currency istemal hoga?

Source

Firstly you did a very good job of writing urdu this clearly. Us ke baad me batata chalun k Hamari team Unexpectedly performance deti he. Jahan par sab umeed har chukey hote hn waha pakistan jeet jata he or jahan sab se confident hote hn waha har jatey hn ap USA ke khilaf ka jo match tha us se ye prove kar sakte hn. Us ke ilawa kal ke baare me ham partially confident the k Pakistan jeet jayega kyunke Bangladesh ache form me tha or jo Match Sri Lanka ke khilaf khela unho ne to us se or bhi favorite ban gaya tha match jeetne k liye but ap dekh len k Pakistan Unexpected matches hi jeet leta he.

It could. Lekin agar Bitcoin ki price $3.4M tak itni jaldi sirf Trump ke zyada money print karney se pohonch jaye America tabah Barbad ho ke reh jayega or as a result poori dunya bhi affect hogi as Inflation boht zyada barh jayegi or ek normal everyday cheez bhi hazaron or lakhon me bikhe gi. To ap khud soche k Bitcoin $3.4M tak phonch bhi jaye lekin us ke baraks Inflation boht high ho to kya us ka itna surge karna kuch zyada faida mand hoga?

So agar Bitcoin kabhi Millions me chala jaye or uske piche excessive printing of money or inflation ho to wo growth kisi kaam nahi rehti. Bitcoin ki real growth tab hogi jab Economy stable ho or BTC us ke Parallel me healthy adoption or rafter se barhe.

Yaqeen karey ap ke is reply se muje boht motivation Mila. Me mehnat kare jar rha hun without a clue ke me kuch achieve kar bhi paonga ya nahi but ap ke reply se muje tasali mili ke mai sahi track par hun. Apki appreciation or ap ka mere support ke liye tayar hona muje or bhi mehnat karne ka motivation de gi. Shukriya

Assalam alikum.
Jaise ke ap ko pata he or @Farhan99 sir and @Compromise me sir ne bhi bataya ke market me ek crash to nahi keh sakte but ek correction aya he. To is ke waja se almost $150b liquidate huwe hn as mostly logo ko lag raha tha ke bias is bullish aur us ke sath rate cuts ke baad bhi ek acha move dikhae diya gaya tha to log overall bullish the. Lekin I believe unho ne $117k ke resistance ko ignore kar diya that or bas green candles ko dekh kar greed un par hawi ho gyi jis se wo calculated decision na le paye or Emotion driven trades liye jis se un ko abhi boht zyada losses sehne par rahe hn.

Us ke elawa abhi BTC $113k par trade ho raha and us ne $111.5k ke support zone ko respect kiya he. To agar Bitcoin yaha se upward continue karna he to ye level sustain karna hoga or agar nahi then $110k ke support zone ko touch kar ke jayega as wo more prominent he. Abhi ye next day candle par depend karta he k market ka mood kya he. But as of right now abhi koi assurity nahi or market se thora dur hona best hoga kyunke abhi boht zyada panic chal raha he market me jis se volatility barh gae he.

Let me know what you think.

Image source: https://www.instagram.com/p/DO6U4hKkU9s/?igsh=MTk5MzNteWd2cjA3OQ==

Asalam Alikum Warahmatullah.
Aj kal crypto trading itni fast ho gye hai ke ek insaan ke liye  Data ko analyse karna mushkil ho jata. Har din hazaroon news updates or onchain data nikalta he jis se har time waqif rehna mushkil ho jata he or boht cheeze miss out kar lete hn. is liye ham ChatGPT ko ek “analytical co-pilot” ki tarah use karke trading ko structured banaya ja sakta hai. Jis se TA me hamara most kaam chatgpt kar lega to hamey News updates findout karne or onchain analysis ke liye mazeed time mil jayega.

Sabse pehle ye baat ke chat gpt insani faisle ki jagah nahin leta balke ye as a tool istemal kiya ja skta he jis ki madad se ham sirf data ko process karwa ke ache tareeqe se samajhne me help le sakte hn na ke ap totally is ke signal par rely karey. To Agar aap sahi aur waqt par data provide karte ho, to ChatGPT aapko market ka mood, narratives aur technicals samajhne mein support karega.

ChatGPT ko ap effectively aise use kar sakte hn k ap ne pehle chart ke aik pic send karni he. Us ke baad ap ko Kuch news share karni he jo ap ko pata ho. Then koi psychological level jo ap ke hisaab se break huwa ho ya us par price support le rahi ho to us ke baare me bata he then ap ye prompt send karni he Ap ne chart me important indicators like Rsi or Moving Averages ko lagana he jis se Or accurate analysis ban jae.

Ye ek example response he jo ap ke provided data par mil sakta he.

Is tarha ChatGPT ek strong assistant ban sakta he jo ap ko random speculation se bachaye ga or ap ko trading discipline Dega . lekin yaad rahe hamesha risk trader ka apna hota he and ye 100% correct signal nahi dega kyunke market respects no one

 SOURCE

Apka concern valid he. Mostly newbies English me nahi samajh pate or na bol pate he lekin me ne is user ka first Post dekha to wo English me tha jis me achi khaasi English use ki thi. So muje Yahi idea huwa ke Wo user achi tarah english samajh bhi sakta he or Bol bhi. Rahi baat is playlist ki to Is playlist ne meri boht madad ki cheeze samajhne me as ye Basics ko Cover karta he. Agar banda individually har cheez ko search karey or new user ho to Boht cheeze us se chut jayengy kyunke wo kuch nahi janta. Is playlist ko pura dekhna na sahi lekin is se Idea mil sakta he k sikhna kya kya he or baad me wo doosre jaga search kar ke wo seekh sakta he. Or bilkul mene bata diya tha k agar kuch poochna he to is thread par un ko boht help milegi.

Walaikum Asalam!
Welcome to the Community..
Agar ap ka sole purpose Bitcoin ke baare me seekhna he to ye ek boht hi best jaga he Bitcoin ke baare me seekhne ke liye. Lekin aj kal Bitcoin ki jo basic foundation he  us par zyada discussions nahin hoti as wo boht purani ho chuki he. Aj kal advanced level par log discussions karte he. To me ap ko suggest karoonga ke ap pehle basics YouTube se seekhe. Ap ye playlist se go through kar len to ap boht kuch seekh sakte hn.
https://youtube.com/playlist?list=PLU52pNodXIGdM6XDgHVG7DsPytlsrR_6b&feature=shared
Ap ko kuch samaj na aye to yahan puch sakte hn.

Lekin ap agar earning ke liye aye hn to ap ko constructive posts kar ke merits earn karni hogi jis se ap ka account grow hoga. Ap apna account full member tak grow kar len to ap earning kar sakte hn. Lekin ye ek boht he bara safar hoga as kuch logon ko 1-2 saal lag jatey hn just full member tak phonchny k liye. Agar ap active rahen to ye boht jald bhi ho skta he.  In the end jo matter karta he wo he ap ki activity ap zyada active rahengy to ap boht kuch seekh bhi lenge or Earning ka bhi chance he.

السلام عليكم ورحمة الله وبركاته
Hope all community members are good.
Ap log basketball ke barey me to jante honge. To Basketball ke ek star player Kevin Durant jise KD bhi kaha jata he us ne 2016 me Bitcoin me kuch investments ki thi jab Bitcoin Around $650 dollars ke as pas trade ho rha tha or jab Bitcoin around $115k ke as pas he Us ki investment kuch 100 ya hazar dollars se Millions ban gaye hn.  Ye wallet jis me us ki investments thi kahi misplace ho gayi thi or is player ne umeed chhor di thi lekin jab isey apna account yaad aya or dekha to us me millions of dollars parhe the. Ye waqia hame sikhati he k Bitcoin's True Power is in Holding it Long-term. Ham short term trends ko trade kar ke acha paisa kama sakte hn lekin us k liye boht high accuracy or experience ki zaroorat he lekin us ke baraks long term holding me just buy karke 5-10 saal wait karna he and then apko life changing amount mil sakti he.

Source: https://www.instagram.com/p/DOw-Oe0iZWa/?igsh=bTk0cGZsYzdwamY5

Walaikum Asalam Warahmatullah.
Jo log bhi is flock me ja rhe hen yaqeenan Insaniyat or Ghalat cheez ko ghalat kehne k khaatir ja rhe hn or beshak un ko is dunya ya akhirat me ajar milega. Lekin ye almost guaranteed he k Israel ise Gaza phonchne nahi dega or har mumkim koshish karega k ye kisi tareeqai se ruk jae. Kuch Arsa Pehle Madleen name ka ship rawana kiya gaya isi organization Flotilla ne. Jis me everyday resources thi kuch kaprey or wo cheeze jis se Aam zindagi asaan ho sakti thi. Wo ship online log track bhi kar rahe the lekin wo Gaza ke kareeb rukh mor gaye kyunke Israel ne ise intercept kar liya. Is ke barey me mazeed yaha parh sakte hn.

https://www.google.com/amp/s/www.aljazeera.com/amp/news/2025/6/12/explainer-how-is-israel-treating-the-eight-flotilla-activists

Ye log nahi phonch payengy Gaza. Agar phonch bhi gaye to waha par Gaza ke shehrion ki tarha Zulm ka shikar banegy. Hamey in groups or flocks ko dekh ke mutmaen nahi hona chahiye as ye complete hal nahi he Is masley ka. Chand mulkon ke kuch logon ko nahi balke tamam umat e muslima ko Israel or USA ke khilaf hona hoga tab hi kuch ho sakta he warna ye tab tak chalega jab tak akhri falasteni Mar na jaye or Masjid-e-aqsa  un k full control Me na a jaye. Allah tamam Musalmanon ko hidayat de.

Great Topic. Ye move pehle se hi expected the because almost confirm ho gaya tha ke fed rates cut karega. Aor wesa hi howa, Kal 27 September ko FOMC meeting ke Baad fed ne ye Aelaan kiya ke Sood yani interest ke rates 4.25%-4.5% ke range se 0.25% kam kar ke 4.0%-4.25% kar de ha. Is se ye hoga ke log zyada loans lena shuru karengy as interest kam hogaya he or jab logo ke pass wo loans ayengy to us se Markets me Cash inflow karegi jis se Boht achi moves dekhne ko mil sakti he. Ye move Q4 me Bitcoin ke ATH tak phonchne ka You can say ek First Move he or is ke baad Ache moves hi dekhne ko milenge. But still ap apni research khud karen as market respects no one.

Walaikum Asalam.
Sab se pehle to me ap ko credit dena chahunga ke ap ne Ye merit summary banai. Ye yaqeenan boht Neat and Clean Bani he or boht Easy to Understand he. Lekin me kehna chahunga ke Jese @publictalk or @hafiztalha sir ke same merits received he to Dono ko 1st karar dena chahiye na ke sirf ek ko or us hisaab se Ap 2nd and @Nangaparbat 3rd atey he.Meri taraf se in sab ko Congratulations!

Lekin on the Other Hand Me sab se zyada appreciate @Xal0lex sir @shahzadafzal sir and @Themepen sir ko karna chahunga As un ke bagher itne merits community me na atey or ye top merits 50 ko bhi mushkil se cross kar patey. To props to them and hopefully wo asey hi support karte rhenge or un ki support se mere jese Chotey users bhi Barey ranks tak phonch jayengy.

Bilkul Mining ke sab se zyada cost electricity me jati he or jo log illegal tareeqo se Bitcoin mine karte he wo na sirf Bijli chori karte he balke Bitcoin Mining ka Naam bhi kharab karte He or usey ek worse or Bijli ko waste karne wala kaarobar/side hustle show karwate hen. Agar koi Mining ka iraada rakhta he to usey legal tareeky se Mining karni chahiye kyunke long term me sirf usi see munafa milta he kyunke illegal kam kabhi na kabhi pakra hi jata he. But agar Government officials hi is corruption me shamil honge to fair play or transparency ki umeed hi khatam ho jati hey.

Asalam alikum.
Aj me ap ke sath ek interesting info share karna chahta hun jo ke Bitcoin Ko Mine karne ke liye needed Electricity ke costs ke bare mn he. Ye data different countries ka hai jahan per 1 Bitcoin mine karne ki electricity cost ka hisaab lagaya gaya hai.

To Dunya ke Most expensive countries jin mein ek Bitcoin mine karne ki cost itni ziada hai ke mining karna bilkul bhi munafa dene wala kaam nahi rehta. Misal ke taur par Ireland mein aik Bitcoin mine karne ki cost taqreeban $321,110 hai, Italy mein $306,550, Bahamas mein $280,720, Belgium mein $280,060, aur United Kingdom mein $271,460. Isi tarah Germany mein cost $269,470, Cayman Islands mein $268,810, Switzerland mein $236,370, Czech Republic mein $228,420, aur Netherlands mein $212,530 tak pohanch jati hai. Ye mulk duniya ke sabse mehngay mulkon mein shamil hain mining ke liye.



Dusri taraf kuch mulkon mein mining bohot sasti hai kyunke bijli ki qeemat wahan bohot kam hai. Iran mein ek Bitcoin mine karna sirf $1,320 ka parta hai, Ethiopia mein $1,990, Sudan, Syria aur Cuba mein $3,970, Libya mein $5,290, Kyrgyzstan aur Angola mein $8,610, Nigeria mein $9,270, aur Bhutan mein $9,930. Ye mulk duniya ke sabse cheapest countries hain mining ke liye jahan ek chota sa mining setup bhi munafa kama sakta hai.



Is comparison se clear hota hai ke mining ka business sirf machines aur setup par depend nahi karta, balkay electricity prices sabse bara factor hain. Jahan bijli mehngi hai wahan mining sirf nuqsan hai, aur jahan bijli sasti hai wahan ye ek faida mand business ban jata hai.  To ap ke khyaal me agar koi shift hona chahe Kisi country me jahan Wo mining ke Low costs ke saht sath family ke liye environment bhi acha pa ske or achi zindagi bhi guzar le to Konsi country best hogi?

I have To Disagree. Having a steady source of income before going aggressive is very crucial because discretionary funds don't just appear out of nowhere. They are created and replenished by Steady Income. If someone invests heavily without securing a secure and sonsistent cash flow their "huge discretionary income" can dry up very quickly and when the Market Dips, They may be forced to touch other essential funds (which you rightly said is wrong). A strong income stream provides with sustainability and flexibility in aggressive investing, while also protecting against the risk of running out Investing capital.

Bohut Bohut Mubarak ho Brother. Yaqeenan ap ne is Maqaam tak pohonchne k liye boht mehnat ki hogi or Allah ne ap ko us ka Sila bhi de diya. Ap mehnat jaari rakhenge to InshaAllah Jald Senior Or Hero Tak bhi Pohonch jayengy.

Thank you Sir For Mentioning Me. Is ke elawa mehnat jaari he baaki pal Allah ke sath he Jab bhi de dain Shukr Ada Karengy.