Nah lack of common sense or greed??

[sotelorene]

People are suppose to be considering both negative and positive aspect of something but it is now obvious that people only have thought of the positive outcome of things and sometimes it is not like they're not aware of what would possibly happen if reverse is the case but yet they still involve themselves. Well I think government  should be taken out of this because someone  who is really  reasonable and satisfied with what he/she has will never involve himself/herself and most of the people that are always fall victim are poor people.

[Makus]

For this matter en, I go say we nor suppose blame the government. Even if we wan blame them, na to blame them for bad road, because many of these accident na bad port holes dey cause am. If I go rate the percentage of the cause of this kind of accident I go say 30% na to the government for bad roads, then 20% na to the driver wey dey drive like say na fast and furious without watching the road well or slow down for bad place, because every company wey dey deal with road movement supposed get required speed limit wey truck drivers nor supposed exceed for express or for inside town. Then 50% of the blame dey go to the individuals wey carry thief for mind to take go collect wattin no be their own, why human being go even think of to go collect fuel from tanker wey get accident and fuel dey pure. The one wey come dey vex me pass na the foolish ones wey go come go try to smoke around there, or cause fire for there. Sometimes I dey imagine if na send Dem even send Dem to do that kind of thing, or abi na suicide bomber wey see another opportunity.

[Fiasem20]

Normally pipo for Naija sabi take risk.Make we leave the government first from dis mata but we go also blame dem becos na refineries wey we no get nai make fuel scarce.To me na lack of common sense.Even oyibo man talk say common sense is not common.How person go hear say fuel spill from tanker,come get mind carry him bucket some go even carry their jerrycan go fetch the fuel wey them know say explosion fit take place anytime.Nobody go tell me say e no know say fire dey burn.My country pipo normally we know say to make am for life we go bear risk but risk dey pass risk,some pipo wey dey go take the fuel wey spiil na sell dem wan sell am take meet up their needs but dem ignore the risk behind am.Make we remember say life na one oh........

[Bitco55]

I say make I bring this mata come here make we discuss. I wan hear our different opinions on how we fit stop this menace. We no be strangers to the dangers wey tanker wey dey carry fuel come get accident dey cause. The issue of bad roads nah another thing to consider and also, sometimes carelessness of the driver becos him go dey drive like say nah sports car him dey use.

But where the gbese dey nah on how people go dey rush to go collect fuel wey dey spill, not minding the possible danger to life wey if small spark happen, dem fit roast.
Recent incidence wey happen for Ondo state of how tanker wey dey carry fuel get accident and people go rush to pack fuel, e no end well as 15 people kpai for the ensuing explosion wey take place not too long after..

Some go say na due to the fuel scarcity nai make them rush, others go say dis na opportunity to take get money after them sell am, but my question be say how we fit stop out loved ones from this sort of risky movement? You feel say our government dey partly to blame or nah just lack of common sense dey worry us so??

But wait oo, if you mah sef get oil business and you dey transport oil like that, common sense no go tell you say the road suppose good first ? This kind thing, no be to help fix the road or if na national road complain to the legit governmental body make them fix am?  Everybody get fault for the death of those people oo. Government weh no gree do their duties , owner of business weh no do him SWOT analysis well and people weh see opportunity no know say na death dey call them.

Naija normally, like to dey do this kind thing. Even when some supermarkets go catch fire weh people go dey run, na there you go see Naija dey enter dey carry free things.

As to keeping my family and relatives safe,na only prayer oo, cause me sef no know watin I wan tell them. " No enter place weh get fire or no go fetch oil from spilling truck"  shebi dem suppose already know all this one. Na only God fit save us for this country ooo