Pakistan

[Alone055]

Jashn-e-Eid Milad-un-nabi (S.A.W.W) Mubarak to Everyone

Assalam o alaikum everyone. Umeed hai sab khairiyat se honge.

Aaj ka din hum sab musalmanon k liye boht special din hai qk aaj k din hamare Aaqa, Sarwar e do jahan, Muhammad Mustafa (SAWW) is dunya k liye rehmat bana kar utare gaye they.. Unke zariye is dunya ko sach aur haq ka rasta mila aur unki puri ummat ko zindgi bhar k liye rehnumai mili.

Hum khush naseeb hain k hum ALLAH k aakhri nabi aur is dunya k sabse behtreen insan k ummati hain jinki puri zindgi adal, insaf, emandari, mukhlisi, aur amanatdari ki behtreen misaal hai aur unke naqshe-e-qadam par chal kar koi bhi insan apni zindgi aur akhirat dono sanwar sakta hai.

Meri taraf se aap sab ko is din ki boht boht mubarakbaad. ALLAH se dua hai k ALLAH hum sabko lambi umar de ta k hum har sal is din ka jashn mana saken aur apne Aaqa Muhammad (SAWW) ki mubarak aamad ko yaad kar saken, Ameen.

[Nanga Parbat]

Jashn-e-Eid Milad-un-nabi Mubarak





Aj Jashn-e-Eid Milad-un-nabi  ka din hai aur ham sab  ke liye ek khushi aur barkat ka din  hai. Aap (S.A.W.W) duniya mein rehmat bankar aaye aur insaniyat ko hidayat ka raasta dikhaya. Is mauqe par ham sabi Muslim mehfil milad mein shirkat karte hain naatein sunte hain aur Rasool Allah (S.A.W.W) ki shaan mein tareef bayan karte hain.

Is din ka maqsad sirf jashn manana nahi balke Aap (S.A.W.W) ke uswa ehasana par amal karna aur apni zindagi ko uske mutabiq dalna hota hai. Masajid ko roshan kiya jata hai aur gharon mein duaon ka ehtimam kiya jata hai. Rasool Allah (S.A.W.W) ke akhlaq insaf aur adal ka zikr karte hue, unki zindagi se sabak lene ki koshish ki jati hai. Eid Mila dun Nabi (S.A.W.W) ka ye din har musalman ke dil mein ishq e Rasool ko taza karta hai.

Is moqe par gareebon ko khana khilana sadqa dena aur muhib rasool hone ka saboot diya . Eid Milad-un-Nabi (S.A.W.W) ka jashn sirf ek tyohaar nahi balke hamari ibadat aur Rasool (S.A.W.W) se mohabbat ka izhar hai.

[Rao420]

Jashn Eid Milad-un-Nabi ﷺ Mubarak
Wiladat-e-Rasool ﷺ: Rehmat Hidayat Aur Uswa-e-Hasana Par Amal



All community members ko aj ka din Mubarak ho
Wiladat-e-Rasool-e-Kareem ﷺ ke mubarak mauqa par dil ki gehrayion se tamam Musalmanon ko dili mubarakbad pesh karta hoon. Yeh din hamare liye azeem khushi aur barakat ka baais h,ai, kyun ke Huzoor-e-Akram ﷺ ki wiladat-e-basadat poori insaniyat ke liye rehmat aur hidayat ka paighaam le kar aayi. Aap ﷺ ki hayaat tayyiba hamare liye behtareen namoona hai, aur humein aap ki taleemaat par amal karte hue zindagi guzarna chahiye.

Allah Ta'ala se dua hai ke woh humein Nabi-e-Kareem ﷺ ke uswa-e-hasana par amal karne ki tofeeq ata farmaaye. Is mubarak mauqa par hum sab ko chahiye ke aap ki seerat ko apne dilon mein basaane aur zindagi ka hissa banane ki koshish karein. Aap ﷺ ka ikhlaaq, bardbari, aur mohabbat duniya mein aman aur bhai charay ka paighaam hai.

Aaiyen is din ko ahad karein ke hum apni zindagiyon mein Deene islam ki haqeeqi rooh ko zinda karenge aur Nabi-e-Akram ﷺ ki taleemaat par amal para ho kar duniya aur aakhirat mein kamiyab honge. Aameen.