Bitcoin Forum
August 05, 2020, 10:49:41 PM *
News: Latest Bitcoin Core release: 0.20.0 [Torrent]
 
   Home   Help Search Login Register More  
Pages: [1] 2 3 4 »  All
  Print  
Author Topic: نصائح للمبتدئين فى مجال العملات المشفرة  (Read 19413 times)
ZaVigor
Newbie
*
Offline Offline

Activity: 13
Merit: 3


View Profile
October 28, 2017, 07:59:03 AM
Merited by SyGambler (1), hugeblack (1), yhiaali3 (1)
 #1

لو لسه مبتدئ فى مجال العملات المشفرة .. اقرأ الكلام ده هيفيدك


     ◄ ابعد عن مواقع Faucets يا هتلاقي منها نصب او منها الحقيقي بس ساعتها هتقضي وقت بالساعات عشان تجمع مئات الساتوشي .. يعني شوية ملاليم !!

     ◄ ابعد عن مواقع Hype و Investments احلى مواقع نصب ..
        خلاصتها هات 100 دولار تاخدهم 150 دولار بعد 15 يوم او شهر ومعاك لينك Referrals توزعه اللى يدخل تحت اسمك تاخد عليه فلوس .. طبعا اتقفشوا من هنا ..
        واتعمل مواقع تعدين بنفس الفكرة بردوا !!

     ◄ مواقع Cloud Mining ( التعدين السحابى ) بتختار منها العملة اللى حابب تعمل ليها تعدين عن طريق Contract سنوى ده Option او تشتري بالجيجا هاش او الميجا هاش ده Option تانى ..
        ومن اشهر المواقع المعروفة Genesis Mining أو Hashnest التابعة لشركة Bitmain ...


     رأى الشخصي .. بلاش تعدين سحابى لانه مبقاش مربح خالص ...
     وهقولك باختصار كده وعلى السريع ليه مبنصحش بـ Cloud Mining .. ركز معايا واحدة واحدة ...
     دلوقتى نفترض انك معاك 3000 دولار ومحتار تشتري عقد فى شركة تعدين سحابى ولا تشتري عملات .. والمدة اللى عاوز تستثمر فيها المبلغ اللى معاك دى سنتين ...

     التعدين فى شركة Genesis Mining وقت كتابة الرأى ده مفيهوش عقود غير XMR و ETH
     الارقام اللى هقولها دى تقريبية .. ومدة الاستثمار سنتين بدون بيع او شراء .. تخزين العملة فقط ...

     هنفترض انك هتشتري العقد الكبير بتاع المونيرو 2400 دولار ( 3000 هاش/ثانية ) ..
     ده بالصعوبة ( وقت كتابة الرأى ده ) هيجبلك يوميا حوالى 6 دولار يعنى تقريبا 0.053 XMR يوميا ..
     يعنى فى السنة حوالى 2130 دولار يعنى تقريبا 15.5 XMR بصعوبة ( وقت كتابة الرأى ده ) ..
     اضرب فى اتنين يعنى بعد سنتين 4260 دولار يعنى تقريبا 31 XMR بصعوبة ( وقت كتابة الرأى ده ) ...

     انت عندك صعوبة التعدين هتزيد بشكل كبير .. فبعد سنة افترض ان الصعوبة زادت الضعف يعنى بدل ما كان بيجيلك 15.5 هيجيلك 7.75 ..
     والسنة الثانية برده افترض زيادة الضعف يعنى بدل ما كان بيجيلك 7.75 فى السنة الاولى هيجيلك 3.8 مثلا .. هتلاقى ان بعد سنتين من اشتراكك جالك منه
     حوالى 12 XMR .. طب السعر اكيد هيزيد؟ لكام؟ على حسب السوق .. بس خلينا نفترض انه هيزيد بعد سنتين 5 اضعاف سعر النهاردة ..
     يعنى بدل حوالى 112 دولار ( وقت كتابة الرأى ده ) هيكون بعد سنتين 560 دولار .. يعنى 6720 دولار بعد سنتين !!

     ايه ده طب ما هو مربح اهو .. حطيت 2400 دولار جالى بعد سنتين 6720 دولار ..
     لا طبعا مش مربح .. لانك لو اشتريت بسعر ( وقت كتابة الرأى ده ) ب 2400 دولار XMR هتشتري حوالى 21.5 XMR
     .. سيبتهم لسنتين فى محفظة ب Private Key بالسعر الافتراضى اللى بعد سنتين
     560 دولار هتلاقى نفسك عامل حوالى 12000 دولار يعنى فرق 5280 دولار !!

     بالاضافة ان انت طبعا دفعت فلوس العقد مقدما ومستنى الربح يوميا ..
     فلو لا قدر الله الموقع اتهكر .. ايه؟! مفيش هتكتئب بس .. لكن لما تشتري العملة وهى فى محفظتك وفى نفس الوقت انت المتحكم الوحيد فيها ومتابع تحديثاتها واخبارها اول بأول .. هيكون افضل بكتير ...

     قيس على كده كل العقود اللى انت عاوزها من 100 دولار لـ 3000 دولار
     لو مش مقتنع بكلامى عادى .. اشتري وبعد سنتين ان شاء الله قولى الدنيا مشيت ازاى ...


     ◄ اقرأ الاسئلة دى هتديلك نبذة كويسة بالأخص عن البيتكوين فى البداية ...
        الأسئلة الشائعة للبيتكوين

     ◄ ادخل على المواقع دى هتعرف منها معلومات عن كل عملة سواء للتداول او التعدين ...
        Bitinfocharts
        Coinmarketcap
        CoinWarz
        Whattomine


     ◄ الـ Trade فى العملات المشفرة بشكل يومى او اسبوعى محتاج شخص عنده خبرة فى Technical Analysis ومتابع سوق العملات المشفرة واخباره من فترة لا تقل عن 6 شهور ..
        وانت كشخص مبتدئ محتاج وقت عشان تفهم وتتابع الاخبار اللى فاتتك .. فـ متتسرعش عشان متتحبسش فى
        عملة تشتريها بسعر عالى وتنزل وبعدها تفضل منتظر انها تطلع عشان تبيع من غير خسارة .. افضل حل ليك Invest فى البيتكوين فى الكام شهر اللى هتتعلم فيهم ..
        يعنى اشتري بالمبلغ اللى معاك بيتكوين وخليهم على محفظتك الخاصة بيك وتابع السوق بتاعه ..
        ولما تلاقى نفسك فهمت الدنيا ماشية ازاى وتابعت اللى فاتك كويس .. ساعتها هتقدر تحدد تبيع وتشتري ايه وامتى ...

     ◄ فى عالم العملات المشفرة تكون الاخبار المتداولة على المواقع هى العامل الاول فى ارتفاع وهبوط سعر العملة ..
        وكثير من الناس تعتقد أن اخبار العملات المشفرة تساعدهم فى اتخاذ القرارات المتعلقة باستثماراتهم ولكن ده مش صح دائما .. هتلاقى اخبار مُضللة كثيرة هدفها ارتفاع وانخفاض سعر
        العملات بشكل جنونى لخلق توتر فى السوق وده هيخليك تاخد قرار ببيع او شراء العملة فى وقت خطأ يضر باستثمارك ..
        فحاول تتأكد من صحة الأخبار عن طريق المواقع الرسمية الخاصة بالعملة المشفرة ...

     ◄ دى اشهر مواقع الاخبار للعملات المشفرة والبلوكشين بصفة عامة ...
        Coindesk
        Cointelegraph
        Themerkle

     ◄ التحليلات الفنية للعملات المشفرة مش دائما صح ..
        متعملش امر بيع او شراء بناء على تحليل انت مش فاهمه .. دى لينكات لفيديوهات على اليوتيوب هتتعلم وتفهم منها Technical Analysis وتعرف ازاى تقرأ Charts العملات بنفسك ...
        Technical Analysis: Tops and bottoms
        Candlestick Entry Techniques
        How to Trade Triangle Chart Patterns Like a Pro
        Crypto + Technical Analysis

     ◄ دى مواقع تقدر تعمل عليها اكونت باسمك .. وتتابعها بشكل يومى .. هتفيدك جدا ...
        BabyPips
        BitcoinTalk
        TradingView

     ◄ لو لسه مُحتفظ برصيدك من العملات المشفرة زي البيتكوين والإيثريوم واللايتكوين وغيرهم على المنصات ..
        حولهم لمحفظتك الخاصة بيك ( أمان ليك انت ) .. المنصة معمولة لبيع وشراء العملات فقط .. وعناوين المَحافظ اللى موجودة علي المنصة من كل عملة مخصصة لإستقبال وإرسال
        رصيدك على المنصة فقط ( كأنك ضيف عندهم .. هتخلص البيعة وتمشي ) .. رصيدك اللى موجود فى محفظتك الخاصة بيك انت الوحيد اللى تقدر تتحكم فيها ..
        المنصة لو اتهكرت او تم التلاعب بها .. هتخليك تحت ضغط نفسي مش كويس وخصوصا لو حاطط فيها مبلغ محترم .. ساعتها كلمة
        ياريتني مش هتنفعك !!

        طبعا يُفضل استخدام المحفظة الرسمية لكل عملة .. لكن فى عملات مش هتقدر تعمل Sync. ليها زى البيتكوين .. لانها بتحتاج مساحة تخزينية كبيرة مش اقل من 145 جيجا بايت ...
        دى لينكات فيها المحفظة الخاصة بكل عملة .. وطبعا تأمين المحفظة على حسب ...
        في محفظة بتديلك Recovery Seed عبارة عن 12 كلمة عشوائية ( تكتبهم وتحفظ الورقة فى مكان سري لو ضاعت = فلوسك ضاعك ) ...

        وفى محفظة بتعمل Backup لعنوان محفظتك كـ File اسمه Keystore او Wallet.data فى Roaming Folder فى OS Windows
        .. تاخد الملف ده وتحفظه على فلاشة او فى مكان سري ..
        بس كل ما تستقبل او ترسل رصيد من والى محفظتك تعمل Backup للـ File ...

        C:\Users\UserName\AppData\Roaming


        عملة Bitcoin BTC
        BTC Electrum Wallet
        Blockchain Web Wallet - Create a New Account

        عملة Ethereum ETH و Ethereum Classic ETC
        My Ethereum Wallet - Web Wallet

        عملة Litecoin LTC
        LTC Electrum Wallet

        عملة DASH
        DASH Wallets

        عملة NEM
        NEM Wallets

        عملة Monero XMR
        XMR Wallets

        عملة Stratis STRAT
        STRAT Wallets

        عملة Tether USDT
        USDT Wallets

        عملة ZCash ZEC
        ZEC Wallets

        عملة Siacoin SC
        SC Wallets

        عملة Bytecoin BCN
        BCN Wallets

        عملة Lisk LSK
        LSK Wallets

        عملة Stellar STR
        STR Wallets

        عملة DigiByte DGB
        DGB Wallets

        عملة Decred DCR
        DCR Wallets

        عملة NXT
        NXT Wallets

        عملة PIVX
        PIVX Wallets

        عملة Syscoin SYS
        SYS Wallets

        طبعا دى مش المَحافظ كلها .. لو عندك رصيد لعملة معينة محفظتها مش موجودة فى اللينكات السابقة .. ممكن تلاقيها فى 3 البرامج دول ...
        JAXX Wallet
        EXODUS Wallet
        COINOMI Wallet
        أهم حاجة تختار باسورد قوى ( حروف + ارقام + رموز ) وتحفظه مع Private Key او Keystore او Backup Seed ...

     ◄ بالنسبة للتعدين ...
        دى كانت اجابتي على سؤال لشخص سأله ليا ( ازاى تعمل تعدين لعملة ) أقرأها ممكن تستفيد منها ...

        ازاي تعمل تعدين لعملة؟
        كل عملة ليها Algorithm معين ...

        مثلا ...
        البيتكوين BTC ال Algorithm بتاعه SHA256 ...
        اللايتكوين LTC ال Algorithm بتاعه Scrypt ...
        المونيرو XMR ال Algorithm بتاعه CryptoNight ...
        الايثريوم ETH ال Algorithm بتاعه Ethash .. وهكذا ...

        انت بتشوف الهاردوير المستخدم بتاع كل Algorithm وتبتدي تعمل Configuration على Mining Pool الخاص بالعملة نفسها وتبتدي تعمل Mining ...

        ينفع تستخدم جهازك الشخصي زي الكمبيوتر او اللابتوب للتعدين؟
        بالنسبة للابتوب لأ مينفعش .. هتهلكه على الفاضي ومش هتعمل منه ربح خالص ...
        بالنسبة للكمبيوتر Desktop ينفع لو هتعمل Upgrade لامكانياته .. بس هتدفع مبلغ محترم ...

        الهاردوير المستخدمة للتعدين على حسب العملة اللى محتاج تعدنها ...

        مثلا ...
        مينفعش تعدن بيتكوين او لايتكوين بالكمبيوتر حتى لو عملت Upgrade للجهاز بالمبلغ المحترم ..
        علشان العملات دي ال Algorithm بتاعهم Scrypt و SHA256 وصعوبة تعدينها زادت وما زالت فى الزيادة بشكل كبير فبيتم انتاج اجهزة مخصصة لها من شركة Bitmain اجهزة بيتكوين                        
        بالتيرا هاش .. واللايتكوين بالميجا هاش وتقدر تستعلم اكتر عن امكانيات الجهاز من خلال موقعهم Bitmain Shop

        لكن ينفع تعدن عن طريق اجهزة الكمبيوتر عملات زي الايثريوم والايثريوم كلاسيك ال Algorithm بتاعهم Ethash .. من خلال شراء كروت شاشة بميجا هاش معينة ..
        طبعا مفيش نوع كارت شاشة معين اقدر اقوله ليك .. انت ممكن تعمل سيرش على جوجل وتشوف الافضل ...

        هضيف بس نقطة واحدة
        سواء اخترت التعدين ب Graphic Cards او اجهزة Antminers فانت لازم تحسب كل كبيرة وصغيرة هتستخدمها وتدفعها لحد ما توصل لربحك الصافي !!

        مثلا ...
        افترضنا اخترت تعدن عملة LTC بجهاز +Antminer L3 بقوة تعدين 508 ميجا هاش
        - الجهاز كان سعره فى الدفعة اللى خلصت 2000 دولار على الموقع الرسمي
        - عقبال ما يجيلك شحن وتخليص جمارك وقرشين حلوين للى هيجبلك الجهاز قول عمل من 3000-3500 دولار وممكن تلاقي ناس باعته ب 4000 دولار
        - جالك الجهاز لحد عندك مثلا ب 4000 دولار بعد 3 شهور
        - كده المفروض تحسب هتجيب ثمن الجهاز (4000 دولار) فى كام شهر وهتبتدي تاخد من بعدها ربحك الصافي امتى !!
        - النسبة اللى بتشوفها على حاسبة Profitability Analysis مش ثابتة .. الجهاز قبل ما يجيلك كان بيعمل مثلا 1250 دولار شهريا لمدة 720 ساعة ..
          بعد 3 شهور الصعوبة هتزيد والسعر ممكن يزيد ويقل عل حسب السوق
        - ومتنساش سعر الكهرباء ولازم يكون فى تبريد وتحط احتمالات لقدر الله لو الجهاز فصل باور او احتاج تصليح فى جزء معين منه .. كل دى مصاريف لازم تتحسب وتتحط فى الحسبان ...
        حسبتها ولقيت انك طالع بربح كويس ويستاهل فى مدة كويسة وراضي عنها هات الجهاز .. لقيت الموضوع فيه خسارة مش هتقدر تتحملها متجبهوش ...

        رأى الشخصي ...
        التعدين مبقاش مربح خالص مع زيادة معدل الصعوبة لكل عملة .. غير ان معظم كروت الشاشة اللى اُستخدمت فى التعدين وبيتم اعادة بيعها بتكون مستهلكة بشكل كبير ...

     ◄ دى منصات عليها العملات المشفرة واشهرهم Bittrex و Poloniex
        Bitfinex
        Bittrex
        Kraken
        OKCoin
        Poloniex

     ◄ فعّل خاصية 2FA على كل ايميلاتك واكونتاتك .. واستخدم Google 2FA Authenticator .. وحاول متستخدمش خاصية 2FA اللى بتبعتلك الكود على الموبايل ...

     ◄ خلى بالك من اسماء المواقع كويس عشان فى اعلانات على جوجل لنفس المنصات بس نصب ومتغير حروفها .. مثلا بدل Bittrex هتلاقى مكتوب Bittriex ...

     ◄ متديش لاي حد Private Key او Backup Seed بتاع محفظتك .. عشان لو معاه هيقدر يتحكم فى رصيدك وياخده منك ...

     ◄ وانت بتنسخ عنوان محفظتك عشان تستقبل او ترسل رصيد ..  اتأكد من اول واخر 3 حروف فى عنوان محفظتك ...

     ◄ متدوسش على اى لينك يتبعتلك سواء كان على الشات او على الايميل .. وتجاهل رسائل Spam .. ولما تأكد اى عملية سحب او ايداع من الايميل .. تأكد ان الرسالة جاية من الموقع الرسمي ...

     ◄ بالنسبة لـ Coinbase الـ Wallets اللى موجودة عليها بتخدم منصتها GDAX
        .. ولا يوجد Private Key لعنوان المحفظة الخاصة بك لإعادة رصيدك فيما بعد من البيتكوين اذا تم الاستيلاء على
        الموقع .. لذلك Coinbase لا تعتبر محفظة لتخزين العملات المشفرة ...

     ◄ بالنسبة لـ Xapo الـ Wallets اللى موجودة عليها بتستخدم لإستقبال البيتكوين عليها اذا تم الشراء من خلال الموقع نفسه ..
        وبالطبع يمكنك ارسال البيتكوين من محفظة الى أخري .. لكن اذا تم الاستيلاء على الموقع لا يمكنك ارجاع رصيدك من البيتكوين
        لعدم وجود Private Keys الخاصة بعناوين محفظتك التى استخدمتها من قبل .. لذلك Xapo لا تعتبر محفظة لتخزين عملة البيتكوين ...

     ◄ افضل Fees ممكن تدفعها فى Transaction البيتكوين تقدر تعرفها بشكل يومي من Bitcoin Fees

     ◄ ازاى تشتري بيتكوين .. عن طريق ...
        ممكن تشتري من خلال مواقع بتتعامل بـ Escrow زى Localbitcoins او Paxful ...
        ممكن تشتري من خلال Bitstamp او Cex .. ودى مواقع بتحتاج Verification من الدعم قبل ما تعمل ايداع بالدولار لشراء بيتكوين من خلال Visa Card ...

        ملحوظة ...
        ** جميع الروابط مباشرة للمواقع الرسمية ولا يوجد أى رابط Referral ...
        ** اذا كان لديك استفسار سيتم الرد عليك بشرط كتابته كـ كومنت على العام وليس على الخاص ليستفاد الجميع ...  

1596667781
Hero Member
*
Offline Offline

Posts: 1596667781

View Profile Personal Message (Offline)

Ignore
1596667781
Reply with quote  #2

1596667781
Report to moderator
1596667781
Hero Member
*
Offline Offline

Posts: 1596667781

View Profile Personal Message (Offline)

Ignore
1596667781
Reply with quote  #2

1596667781
Report to moderator
Advertised sites are not endorsed by the Bitcoin Forum. They may be unsafe, untrustworthy, or illegal in your jurisdiction. Advertise here.
1596667781
Hero Member
*
Offline Offline

Posts: 1596667781

View Profile Personal Message (Offline)

Ignore
1596667781
Reply with quote  #2

1596667781
Report to moderator
DanTeMessy
Member
**
Offline Offline

Activity: 68
Merit: 10


View Profile
October 28, 2017, 09:17:16 AM
 #2

موضوع رائع ومعلومات مهمة جدا لكل من في هذا المجال

ابدعت اخي فالطرح
جزاك الله خير Smiley
Ging
Sr. Member
****
Offline Offline

Activity: 504
Merit: 251



View Profile
October 28, 2017, 07:35:36 PM
 #3

بسم الله الرحمن الرحيم
شكرا اخي الكريم على هذه النصائح القيمة بارك الله فيك
لكن عندي سؤال فيما يخص antminer
هل ممكن تفيدنا بروابط عن المواقع التي تتجار بهذه
المكينة وشكرا جزيلا في انتظار افادة الاخوة
ZaVigor
Newbie
*
Offline Offline

Activity: 13
Merit: 3


View Profile
October 28, 2017, 09:15:35 PM
 #4

بسم الله الرحمن الرحيم
شكرا اخي الكريم على هذه النصائح القيمة بارك الله فيك
لكن عندي سؤال فيما يخص antminer
هل ممكن تفيدنا بروابط عن المواقع التي تتجار بهذه
المكينة وشكرا جزيلا في انتظار افادة الاخوة

الأفضل انك تشتري من الموقع الرسمي لتجنب النصب https://shop.bitmain.com/main.htm?lang=en1
وممكن تتابع باتشات الاجهزة الجديدة من صفحتهم الرسمية على تويتر https://twitter.com/BITMAINtech
igider
Newbie
*
Offline Offline

Activity: 40
Merit: 0


View Profile WWW
November 17, 2017, 02:04:09 PM
 #5

بارك الله فيك اخي حقا معلومات مهمة جدا وقيمة لقد وفيت في شرحك و شملت كل كبيرة و صغيرة
Rourad08
Newbie
*
Offline Offline

Activity: 10
Merit: 0


View Profile
November 18, 2017, 01:20:55 PM
Last edit: June 25, 2020, 02:28:44 PM by Rourad08
 #6

Beginners have to do their best to try to buy and sell without incurring losses, so it is better for them to invest in some dollars and not to risk any more altcoins.
Faucets are a bad way to make profits so stay away from them.
Mining is a dangerous way to get paid so you avoid it.
Trading is good and need more information so it is better to learn more.
This forum is the best place to get money.
trader71
Newbie
*
Offline Offline

Activity: 30
Merit: 0


View Profile
November 18, 2017, 02:04:08 PM
 #7


مقال اكثر من رائع و قيم٠٠وعن رايي فاقول انه في الوقت الحاضر : التداول هو الطريق الامثل لخلق الثروة من العملات الكترونية٠٠وشكرا
  
aymanshadx
Newbie
*
Offline Offline

Activity: 24
Merit: 0


View Profile
November 18, 2017, 05:45:02 PM
 #8

معلومات رائعة
ممكن سؤال
هل البيتكوين هو اكثر العملات استقرار ؟
انت قلت ان من الافضل للمبتدأ انو يشتري البيتكوين ، لماذا البيتكوين بالذات ؟
Nsync
Newbie
*
Offline Offline

Activity: 64
Merit: 0


View Profile
November 19, 2017, 01:37:46 AM
Last edit: November 19, 2017, 04:51:52 PM by Nsync
 #9

أنا بتداول فى مجال الفوركس من فترة
لكني عمري ماشتغلت فى مجال العملات الرقمية أبداً
فى الفترة اللى فاتت قررت أدخل المجال وبعد دراسة مجموعة من العملات إستقريت على مجموعة عملات هستثمر فيها على المدي الطويل إن شاء الله
بس عندي إستفسارات مهمة منك
أولاً : إيه أفضل المواقع لشراء العملات؟
ثانياً : هل المفروض أفتح محفظة لكل عملة من خلال موقعها الرسمي
يعنى عندى 10 عملات قررت أشتريهم فهل المفروض أفتح 10 محافظ لكل عملة محفظة من الموقع الرسمي ليها؟
ثالثاً : لما أحقق الهدف المطلوب من العملة هل عملية بيعها وإسترداد الأرباح وتحويلها للبنك بتكون سهلة ولا فيه قيود معينة؟
رابعاً : هل شراء العملات عن طريق الفيزا كارد متوفر وسهل ولا لازم بنوك إلكترونية؟ وهل أقدر أشتريها مباشرةً بالدولار ولا لازم أشتري بيتوكين وبعد كده إشتريها بالبيتكوين؟
خامساً : هل فيه أى نوع من أنواع الضرائب بيتم فرضها على المحافظ
بمعنى إنى إشتريت عملة وقررت أسيبها لمدة 5 سنين على سبيل المثال فهل خلال المدة ديه بيتم خصم أى قيمة مالية عليا نظير بقاء العملة فى المحفظة لمدة طويلة؟ وهل فيه خطورة من ترك العملة بالمحفظة لمدة طويلة بدون إجراء أى عمليات سحب ليها؟
ajtarnet
Newbie
*
Offline Offline

Activity: 9
Merit: 0


View Profile
November 20, 2017, 01:50:02 PM
 #10

احسنت اخي الكريم موضوع مهم جدا لمن هم مقبلون على مجال العملات المشفرة وتنقصهم الخبرة والمعرفة ما احوجنا الى مثل هاذه المواضيع والدروس
elguettlazhari
Newbie
*
Offline Offline

Activity: 10
Merit: 0


View Profile
November 22, 2017, 05:26:16 PM
 #11

موضع رائع ومعلومات قيمة مشكر عليها صديقي ...
انا في رأي أنصح بالتداول في العملات واختيار منها تلك العملات الصالحة للتخزين للربح منها على المدى البعيد
من يوافقني الرأي؟. Huh Huh Huh
ahmedmohamed9699
Newbie
*
Offline Offline

Activity: 31
Merit: 0


View Profile
November 26, 2017, 10:20:42 PM
 #12

أنا مش عارف أشكرك إزاى,ولكن جزاك الله خيرا
معلومات كتير مفيدة مش للمبتدئ بس لإن فيه ناس فى المجال ده بقالهم سنين وميعرفوش المعلومات دى
Sigmas55
Member
**
Offline Offline

Activity: 644
Merit: 20

Telegram:@sigmas55


View Profile
December 09, 2017, 08:57:06 PM
 #13

معلومات ممتازة ومختصرة وفي الصميم, شكراً لك. يا ريت تفيدنا لو عندك خبرة في طرق التحويل من عملات مشفرة ل دولار او عملات ورقية (يعني الخيارات المطروحة لل cash-out في الدول العربية). انا شخصياً ما بعرف غير تحويل من بيتكوين مثلاً الى دولار على cex.io وبعدين ايداع المبلغ من هناك الى بطاقة الائتمان الخاصة بك, اعرف localbitcoins  بس ممكن تكون غير امنة لانه عالاغلب تحتاج face to face dealing.
De_Najio
Newbie
*
Offline Offline

Activity: 2
Merit: 0


View Profile
December 15, 2017, 11:18:56 PM
 #14

موضوع رائع واشكرك اخي الكريم على مجهودك الكبير .

فعلا موضوع التعدين او انا بفضل اطلق عليه اسم التنقيب هوي حاليا ضياع للوقت والفلوس والكهربا والربح ممكن مايجي إلا بعد سنتين او 3 . لأان تخيل عزيزي القارئ انو قوة التعدين او التنقيب - تقريبا 71% - محصوره فقط ب 5 او 6 شركات كبرى عندهن آلاف من المعالجات ASICs ,وبالتالي الشخص العادي مارح يطلعلو ناتج كتير بمايعادل استهلاكه للكهرباء


IslamThabet
Newbie
*
Offline Offline

Activity: 1
Merit: 0


View Profile
December 17, 2017, 08:54:00 AM
 #15

ايه المواقع اللى بتقبل الشرا بالكريدت غير cex and coinmama من مصر
lchehab55
Newbie
*
Offline Offline

Activity: 22
Merit: 0


View Profile
December 17, 2017, 01:57:17 PM
 #16

 شكرا جزيلا اخي على هدا الموضوع , اخي انا مبتدا جدبد فى هدا الميدان وعندي حساب في منصة بولونكس  ولكن لا ادي كيف ادخل له المال كي استثمر في العملات
LoXiLoXe
Member
**
Offline Offline

Activity: 83
Merit: 10


View Profile WWW
December 18, 2017, 10:01:49 PM
 #17


معلومات مهمة جدا ونصائح قيمه
عندي سؤال
مارؤيكمفي منصة يوبيت و ماهية عيوبها

samy21
Newbie
*
Offline Offline

Activity: 59
Merit: 0


View Profile
December 24, 2017, 09:11:33 PM
 #18

شكرا لك اخي
والله صراحة ارفع لك القبعة تقديرا لك على المعلومات الدهبية لكل من هو مبتدئ وحتى المحترف
شكر وتحية من القلب
NAJAH@
Newbie
*
Offline Offline

Activity: 15
Merit: 0


View Profile
January 13, 2018, 09:25:10 AM
 #19

موضوع هام
بالنسبة للتعدين ما هو ثمن الاجهزة التي تقوم بذلك ؟
CryptoHR
Newbie
*
Offline Offline

Activity: 13
Merit: 0


View Profile
January 14, 2018, 01:03:42 PM
 #20

مقال رائع، ممكن نصائح على أحسن مواقع ل AirDrop
Pages: [1] 2 3 4 »  All
  Print  
 
Jump to:  

Sponsored by , a Bitcoin-accepting VPN.
Powered by MySQL Powered by PHP Powered by SMF 1.1.19 | SMF © 2006-2009, Simple Machines Valid XHTML 1.0! Valid CSS!