أجل الحروب تساهم بشكل او بآخر في انتشار ثقافة البيتكوين للاستخدام بوظائف محددة و لكن اظن اغلب مستعمليها يعتبرونها ظرفية حتى تعود سلطة النظام المالي للدولة. لا يمكن انكار هذا. لكن هذا لا يمكن أن يصل الى مرحلة الوعي الجمعي/العقل/الادراك الجمعي .
الحرب او حالة التمرد لا تمنح وقتا كافيا لانتشار استخدام الكريبتو بشكل "وعي جمعي" . الوعي الجمعي يتغير على أسس راسخة في ثقافة شعب ما و استخدام الكريبتو هنا حتى لو جازت تشميتها بثقافة الكريپتو، ليس راسخا بل منقضيا بانقضاء حالة الحرب.
وهون بيجي دون التعليم, لهيك ركزت على موضوع التعليم, يلي بقصدو مو بس انو الأشخاص يتعلمو انو يستخدمو الكريبتو, لازم كمان يكونو ثقافة مالية و اقتصادية لحتى يقدرو يقدرو الإيجابيات يلي بقدمها الكريبتو مقابل التعامل بالنظام المالي الحالي المحكوم و المسيطر عليه من الحكومة. و نحن هون عم نحكي عن موضوع الكتروني, فانتشار الأفكار الالكترونية اسهل و بتصل لنطاق أوسع و بشكل أسرع, و هاد الشي ملاحظ على مستوى كتير بسيط لنقول وسائل التواصل الاجتماعي من منصات و تطبيقات, بتلاحظ انو حتى الأشخاص الكبار بالسن صارو يشاركو بهالمواقع لأنها ملاذ آمن للتعبير عن أفكارون و التواصل مع الآخرين بشكل أئمن من التواصل المباشر لان أصلا حالة حرب و صعب الواحد يطلع من بيتو ليتواصل مع الآخرين و هاد الشي ما رح يزول بانتهاء الحرب. نفس الفكرة بتطبق على فكرة الكريبتو, ألا هو شيء بوفرلك أمان اكبر بتعاملاتك المالية و أكيد أسرع بكتير و مو بحاجة لتواصل مباشر, فأنا شايف انو هي متل هي, و بالنسبة للوقت فالحروب بالمناطق العربية صرلها شغالة من زمان; العراق من ٢٠٠١, سوريا من ٢٠١١, اليمن من ٢٠١٥, ليبيا ... مصر ....... الخ, فبعتقد في وقت كافي لحتى يحدث التغيير.
ان كان من الممكن توقع نسبة مائوية دنيا من الوعي الجمعي بمميزات تكنولوجيا البلوكشاين (عموما) ، التي يجب ان يصل اليها مجتمع معين في حالة تمرد على مركز الدولة او جماعة معينة بعدد افراد غير محدد لتنتشر هذه التوكنولوجيا، فأنا أرى 15% نسبة صغيرة جدا لتحدث الفرق في زمن يجب أن يكون قياسيا نظرا لحالة الحرب الظرفية التي قد تنتهي بأي لحظة و يعود غول الدولة المرعب (هو فعلا كذلك). لاحظ معي ان تلك 15% لا يمكن ان تنجح بمختلف الفضاءات الخارجة عن سيطرة الدولة بمختلف احجامها. لنأخذ هونغ كونغ كمثال لمجتمع نجح جزئيا و ظرفيا في التمرد على الدولة لنقل لمدة سنة اخرى قادمة، ألى تتوقع نسبة 15 % قد تكون موجودة حاليا بذلك المجتمع من مستخدمي البيتكوين على الأقل؟ هل ننتظر سنة لنرى هونغ كونغ على طريق الحرية المالية مثلا؟
النسبة يجب ان تبلغ 15% على الاقل في تلك الفضاءات الصغيرة كالجامعة او الجمعيات او حتى فضاءات العبادة، ربما لو تمكنوا 15% من المصلين بمسجد معين من ادراك و استخدام البيتكوين فيمكن ان يكون ذلك نواة جيدة للانتشار، أما 15% من اي مجتمع بمدينة كالموصل مثلا او حلب حتى لو تحققت فلن تجد الوقت الكافي لتنتشر.
معك حق في كتير عوامل ممكن تعيق من الانتشار حتى لو وصلنا لنسب عالية, متل ثقافة الشعب أو العادات و التقاليد أو مدى سوء الأحوال الاقتصادية, بس بنفس الوقت لما بكون هالأشخاص عندون العلم الكافي لحتى يقدرو يفندو المشاكل يلي هنن فيها و كيف ممكن الكريبتو يخليهون يتجاوزو هالمشاكل, فبعتقد وقتا اذا كانت الأسباب شوي قوية (و الكريبتو عندو أسباب كتير قوية) فهي قادرة انو تغير طريقة تفكير المجتمع باتجاه هالأداة (متلها متل أدوات التواصل الاجتماعي, او مشاريع الانترنت العالمية متل مشروع الون ماسك مثلا).
انا شايف انو ١٥٪ ممكن يكون كافي بناء على الواقع الاجتماعي بالمناطق العربية و حسب اذا بتمشي الأمور متل ما رح اشرح هلئ: لنفرض بمنطقة ما خارج نطاق النظام الحاكم فيها ١,٠٠٠,٠٠٠ نسمة, فـ١٥٪ منهون يعني ١٥٠,٠٠٠ شخص, هون مافينا نهمل عامل الأسرة, لانو الأسر شيء أساسي بحياة المواطن العربي, متوسط عدد أفراد الأسرة الوحدة هو ٥ أفراد, بينتج عنا ٢٠٠,٠٠٠ أسرة, فعلى فرض انو هالأشخاص متوزعين على نص الأسر يعني ١٠٠,٠٠٠ أسرة فهون حيمتد الأثر ليشمل ٥٠٪ من سكان المنطقة وهون ببلش الانفجار ليكمل على الـ٥٠٪ البقيانيين, وبسبب فساد الأنظمة الحاكمة, فالتعامل مع سكان هالمناطق الخارجة عن نطاق النظام الحاكم من أشخاص من ضمن النظام الحاكم ما رح يوقف, حيضل يبيعوهون أسلحة, مواد غذائية, مازوت أو يشترو منون نفط خام او حتى مواد غذائية (في حال في انتاج لمحاصيل) و حيتعاملو وقتا معون بالكريبتو وبالتالي بيتمتد الأثر لمناطق المحكومة من النظام الحاكم.
فالموضوع بيتعلق بكتير عوامل و اختياري للرقم ١٥٪ هو لسيناريو محدد متل ما ذكرت فوق, فالرقم مالو دقيق ابدا ليتطبق على كامل البلدان و المناطق, و انا عم حاول ركز على المناطق العربية تحديدا لهيك مافيني علق على موضوع هونغ كونغ لأن ما عندي علم شو عم يصير هونيك اكتر من انو في تظاهرات بصراحة. وأول عن آخر مشان تسريع الوتيرة التعليم هو العامل الأساسي بهالمعادلة.
