ملاحظتك بمحلها أخي عن كون ما في سبب مقنع وراء نشر هذا الخبر. انما للأمانة فان المقال الذي نقل منه الأخ يحي الخبر لا يقدم أي مصدر رسمي سوى
مقال اخر نشرته سكاي نيوز عربية و الذي بدوره لا يورد المصدر الرمسي عن السلطات البريطانية. ربما كما ذكرت فان السلطات لا تمانع بنشر هكذا أخبار حتى لو كانت زائفة أو انها هي نفسها من تدعم هذا التوجه .
بالنهاية لا أميل الى فكرة أن هناك أموالا ضائعة، كل ما في الأمر أن الناس تقوم باستخدام النقد بعيدا عن الأجهزة الرقابية للدولة تجنبا للضرائب و حفاظا أيضا على جزء من الخصوصية التي سيفقدوها بمجرد ايداع أموالهم بحساب بنكي .
و يا ريت الحكومات تعترف انو النقد سيولة لم يعد صالحا للتعامل و أن عليها الاتجاه الى حلول عصرية كرقمنة النقود بتقنية التشفير الأكثر أمانا لكن كما نعلم جميعا فهذا التقنين لا يروق للجميع بالذات أصحاب المصلحة .
والله يا صاحبي, المشكلة مو بس بالعملات النقدية, المشكلة بالنظام ككل, يعني متل ما بتعرف الصين عملت الين الالكتروني تبعها و بلشت تستخدمو, بس بنفس طريقة استخدام الاموال النقدية يلي منستخدمها كل يوم, و هاد الشي يلي لازم نحاربو, لان الناس عم تفكر انو العملات الرقمية يلي عم تطلع من الدول او البنوك هي حل لمشاكلنا, مع انو بالواقع هاد الموضوع بزيد الطين بلة, لان بيعطي الحكومات سيطرة أكبر بكتييييير.
يعني مثلا هاد الخبر انو في ٥٠ مليار مو معروف وينون بالضبط, هو شي ما عاد يصير لما تكون العملة رقمية, يعني صار عندون رقابة اكبر, و هون دورنا لنوعي العالم انو هاد الشي غلط و عم يجرفنا لمستنقع, الحكومات عم تحفرو خصوصي للشعوب لحتى يوقعو فيه وما بقا يطلعو.
نحن ما لازم نستنا اعتراف من الحكومات, المفروض الحكومة بتشتغل عنا, مو بالعكس, بس سيطرتون على المصاري هي يلي عاطيتهون قوة, قوة سمحتلون يسيطرو على الشعوب ويضلو هالمجموعة الصغيرة بالحكم متمتعين بكل الصلاحيات و بياخدو حقون على دوز بارة, مو متل باقي الشعب يلي لاحول ولا قوة, لانو القوة المالية بايد الحكومة و بالتالي هي يلي بتحدد من قيمتو قديش. و هاد الشي يلي لازم يتغير وهاد الشي ما رح يجي برضا الحكومات, لازم يجي بالغصب, و هون دور الشعب.
