Abeg my country people, for this crypto space or other aspects, wetin person fit do with ihm laptop wey fit dey bring money apart from computer centre work. As the country hard now, I know say e get people wey sti Sabi way wey fit show person way for the crypto space and some other area wey fit open person eye. No be laziness ooo but e easy to get the right info from person wey get the experience. Abeg make una talk ooo, na beg I dey beg
OP, make I first congratulate you say you no reason to enter fraud as you get laptop and you dey find money, cos it is a normal trend now for guys who just acquired laptops or Iphones to jump sharp enter scam to dey hold their side.
Secondly, person no dey just wake up begin make money, person dey get wetin em fit offer in exchange for the money wey im dey find. You get anything wey you wan use that laptop offer to another person make e take fit pay you?. Na these things you go consider before you begin reason of making money online with your computer. A lot of people have given you valuable advise on how you fit take learn one or two skills wey dey pay wella. I go add my own encouragement say I go yarn you sraight up say no be as them dey take talk am na so em beooo. For any skill wey you choose to learn, you go encounter challenges, people go reject your works until your hand strong for any work you wan do in exchange for money.
Now you got to learn first before you think about earning. Be committed, no reason your failures, but instead, learn from them and move on, keep your eye fixed on the target wey you don set for yourself and always have in mind ay person wey be baba for em work today get when em be smally for the work and you sef go turn baba too and begin collect better money if you cool down learn well.
