Newbies make una stop those off topic posts ASAP

[Makus]

I know say post like this been don dey exist, forgive me, but this one too pain me to express my thoughts for old thread.

Newbie abeg I use God take beg una, make una try dey increase the quality of post. This forum no be where you go just wake up from sleep then anything wey you jam for social media you go carry am come dey talk for board. With the little time wey I don dey this forum and this board to be precise, I know how many of our boss at the top they work effortlessly to try make the local board for dey better and outstanding. But all these una off topic post Dem wey no get head don dey too much. Last year we deliberate on this matter, e come be like say the off topic  come reduce but now e don dey come up again.

Make I clear una say, as this our board be first 4 for the entire local boards na so eye Dem dey enter our body, to observe wattin dey happen. And when Dem see say na rubbish post plenty pass the main Bitcoin post, e go come be like say we no serious and we don they compromise. Off topic post get level, e get how you go create off topic but e go dey helpful for us as members of the forum or for our normal lives outside the forum. And e get some kind off topic wey go come even bring Bitcoin discussion for the thread later on, all those na creativity you go take do am. I no go lie you be like we go go back to the time wey Dem been dey report off topic post wey Dem go move to achieve oo. At least that go help our reputation.

Another one again na when we go see people dey go talk rubbish for out side board, guy afa make una use una head pan. Which one go dey go talk like say na Nigeria own naim bad pass for this life, if you wan blab the country come talk for where men go understand come relate with you, no be to dey go sell your own self for outside local board just because you wan try impress outsiders. Omor una wey dey do this thing dey fuck up big time. Una better repent oo, e no good. Why u no use pidgin talk am for local board instead of to dey betray us, they back stab us.

[1714524908]

1714524908

[1714524908]

1714524908

[1714524908]

1714524908

[1714524908]

1714524908

[Ever-young]

To me I go add say since you know say topic like this they exist, eh for better make u just add this your thread like comment for the thread way already they exist than for you to create another thread, another thing too nah say those topics them way you consider to they off topic you for try make you quote some of them or even drop link to am make people way they create those off topic post also take note if possible dem go work on there self or better still avoid to create thread.

Some newbies just feel like say nah to create thread full everywhere be the thing to do them know no say eh get how dem go create some kind thread reach even people way suppose give them merit go add them for there ignore list.

[Barikui1]

My snr man @makus you don talk well, no be only you dy see am, me self wey they new here dy observe am, but too me It still boils down to wetin dem tell the person, before him even enter the forum,  the lack of proper orientation nai be the major issue wey they cause this tins, secondly, some people expecially newbies, if them no get anything to write or talk about dem no go just rest, dem go wan force something out of their system, wey no go make sense base on say dem lack enough creativity then, abeg as a person e dy very good to learn how to do the right thing, even when no one is watching.

Concerning those people wey dy go rubbish our country for English board, I dy use God name beg ona, make ona stop that nonsense, Nigerian get a very good reputation for this forum, no go rub everybody oil because of ur selfish interest, you think say na only Nigeria bad? You don see any day for this forum wey American citizen don come out come dy rubbish their country, you think say them no get their own bad side? those people wey dy do that thing make ona stop abeg, ona no go use am achieve anything.

[Lida93]

@Makus nah as eh the pain you nah so eh the pain every well meaning Naija person for inside this community on how this new fresh dudes the behave just to colet merit abi recognition from oyinbo men them wey no even get their fvckin time. Just as @ever-young cap, eh for good day you been just add this your thread as a reply to the already existing thread wey the talk on this same issue of misbehaviour and off topic wey done the be like a recurring challenge for our board.

If only these newbies knew how men them struggle, the mental energy wey men them put together in unity agitating every now and then just for us to get this our local board eh, just if only them know them for don stop some of these rubbish them the do for both inside the LB and other general boards as Nigerians. If this way wey most of these newbies we the get nowadays the misbehave, say nah so the men wey been dey here before them come been the also behave like that I no sure say them for come jam this prestige them the enjoy inside the community as a Nigerian.

Na people build the reputation wey una newbies the enjoy today, so abeg make una also ensure with all sense of reasoning to maintain and build further on that repute in good hands because all these complains done the too much. And as for old people wey the bring in newbies into the forum, make unah try the orientate them about the kinds of topics to bring here, if possible which I know it is, make unah the ask to review any topic them create and intend to drop for the forum before them drop am. In that way most of this low quality, off topics and those others way the about tarnishing our country image go dey very reduced.

[Makus]

To me I go add say since you know say topic like this they exist, eh for better make u just add this your thread like comment for the thread way already they exist than for you to create another thread

Just as @ever-young cap, eh for good day you been just add this your thread as a reply to the already existing thread wey the talk on this same issue of misbehaviour and off topic wey done the be like a recurring challenge for our board.

That na why I apologize for the first place , I know say e dey wrong, na why I beg in the first place. Make una no vex for breaking rule just this one time. Wattin my eye dey see dey bitter my heart, just go look the local board like this now, na soso off topic don full everywhere. If na one one we dey see we go pain person, but this one wey naim come many pass soo, naim dey pepe me so.

[Mayor of ogba]

Since our senior men for the forum addressed the issue of shit posts for the local board, the thing has been reduced. But the newbies, wey they enter the forum, no fit dey aware of the issue, so I suggest make newbies, wey dey enter the forum for the first time, read that thread wey we take address the issue of shitposting so that they go know wey thing be shit post and know what type of post to make for our local board. Secondly, make we stop to dey bring up wey thing we dey pass through for life come local board

[Obim34]

At the very beginning of me joining this forum, there has been some sudden changes, poor posting style and thread.
This Newbies are all up creating threads up and down, not even creating something meaningful just some random shit posting. I don't think this will help us grow further, the sooner they realize that the Nigerian Local Board Is having enough spammers in it then they disregard all our efforts. Currently the Nigerian Local Board is one of the top boards in the forum and we need to maintain our standards without falling out. We require more hands on deck, every body creating threads just to earn merit, it is very improper and should be be stopped.

[7juju]

I don't know why my fellow newbies are flooding this place with posts which are off topics. I don't really know if they where not properly oriented or they are the ones who have refused to learn from the people who brought them to this forum. My humble appeal is that my fellow newbies should learn from people who has been here before us and are setting the pace for us to follow. Let's learn something good and avoid something that will make us be on the bad book of the forum.

[DaNNy001]

I know say post like this been don dey exist, forgive me, but this one too pain me to express my thoughts for old thread.

Newbie abeg I use God take beg una, make una try dey increase the quality of post. This forum no be where you go just wake up from sleep then anything wey you jam for social media you go carry am come dey talk for board. With the little time wey I don dey this forum and this board to be precise, I know how many of our boss at the top they work effortlessly to try make the local board for dey better and outstanding. But all these una off topic post Dem wey no get head don dey too much. Last year we deliberate on this matter, e come be like say the off topic  come reduce but now e don dey come up again.

Well as far as new members  dey come the forum this kind of things no go stop so the best you and everyone of us can do is to keep the word flying so that eventually things might turn around with this newbies because most of them are really confused on how to go about things and I believe with good orientation they might actually turn up which I have seen several cases of users do.

[Y3shot]

This na bitcoin forum wey wetin we suppose to discuss must be bitcoin and it related but most times wetin I dey see here is very different , and have nothing to do with bitcoin. Wetin we suppose to dey see here na things wey suppose concern money , wey fit help to grow financially and things wey fit make us not to fall into the trap of scammers. Newbies just needs to understand the aim and the purpose of the forum,  and to bring good discussions wey go fit into here that will be of benefit to other members.

[Agbe]

I gave you di merit when I see di topic without reading the content because only the topic has don justice to di body of di thread. Your thread really make sense. For now dis na one of the best posts in di local board. And you have tok well. And for me I no go blame di users wey dey post and creating those trashes but I blame those who brought dem here. You one thing in life, a father also produces his kind, a good lecturer produces his kind. Like example, di person dat introduced you to do forum will never regret because you are good and doing well. Some people introduce people to di forum because of signature campaign and nothing more. They themselves don't even know what is bitcoin and probably because merit is flowing in the local board they were opportune to rank up and enter campaign so they tell their friends and family members to join and those are di people dat producing the trashes in di local board. Let see what we can do again. And I thank God that you brought di issue. When I created a thread to shortlist some of them, someone was saying he would message those users but I don't know how far him don go and do with dem in the pm section. Well dis will wake me up again and I will put into very serious action dis time around.
We have been saying dat if you dey bring person to di forum make sure you tell di person to what to do and don't just abandon di person. Give di person home trading. I think when some users will become victims di others go learn from am.

[Su-asa]

The worst part of it all be those our fellow Nigerians wey dey post trashy posts for general boards like Bitcoin discussion board.
Just few days ago, I come across one trashy posts from one guy wey register for forum since 1 year ago and em no get any merit. But firstly I dey really blame some pipo wey dey carry them come because when you no lecture your apprentice e no go gain any knowledge of watin em dey see.

How some body go go Bitcoin discussion board go dey talk say people dey suffer from Nigerian scammers hand, and the person already know say the Nigerian board dey for here. And how the poster of that post go want make the other people way dey this forum take dey see the Nigerians way dey inside the Nigerian local board, and still the poster na still Nigerian.
E better make person make any mistakes for e local board than to carry am outside. Now it em done go tannish the Nigerians image for the general boards, tomorrow if anything happens to the say guy, na who go get straight speak for am?

Anyhow wen e be, as a person way dey think outside the box you suppose to know say this thing wen you won post go make sense then you post am and anyone way you know say no go make sense you live am instead of to go dey post something wen people go take out you for ignoring list.

If person make mistakes for em local board, others go contact am through pm or post am for the thread tell you watin you go do, na make I talk say e better make person make mistakes for e local board than to carry am outside, for others to think say everybody way dey the board na one and get the same characters.

[Miles2006]

I will speak concerning this matter but me self no dey perfect na learn I dey learn but if I do anything wrong for this forum and person correct me I go feel remorse, but now you talk today, you complain tomorrow them go still flood the board with this topic very funny, as everybody don agree say the team na no gree lol. The one wey really surprise me na I see one interesting topic to share my idea concerning wetin the op talk but at that time I dey really busy and no way to comment so I drop my phone, within 2hrs I come back online looking for the topic I no see and to my surprise new topics don full board I gat search for this topic before I see am, the first time things no be dey like this so why things dey change now, now wey be new year na now we suppose take the seriousness to another level rather na the other way round.

[Jaycoinz]

Me I feel say na because of the OT wey dem get because most newbie dey on the orientation say if dem create topic then e go dey easier for them to get merit which dem no know say na big lie

The most annoying part is that they don't even actually see the topic and check if they can relate with it properly before posting it to the general topic. And the worse part of it is that they hardly stick to correction because some of them after being guided still tend to post and continue with the spamming of the LB.

[Makus]

E be like say I don dey see some moved topics, great action. Na like this small small we go take dey clean the local board from original off topic post. Any post wey you know say off topic well well, abeg una fit even report am to the moderator make e for move am to off topic. But this action go really work faster when the account wey dey report get reputation. That is, if na higher rank the moderator go reason am pass when na just newbie, jr member or member rank. Let's work hand in hand to help our local board.

[Makus]

Tankz,u tok wella, even miself mek de mistek bcs I no undastan de forum then,I tank u for de brodaly advice.Mi I be newbie mek Una also give mi som help in al direction dat will  mek mi grow.

As newbie wey you be, the advise wey I get to give you na be say, make you do enough reading rather than postings. You fit dey post one or two, but make your major work for now be reading, try they read quality informative threads especially the ones talking about Bitcoin, you go see say in no time you go get quality knowledge to fit dey contribute and that go eventually give you merit.

Almost everybody start from newbie, na only few person wey as Dem come the forum Dem don already get knowledge about Bitcoin, so their post from day one dey make sense with quality. But me I start with zero knowledge but I come go find material online dey read, plus the one wey I see for this forum. Before you know I don dey get small knowledge wey I take dey contribute for as comments. And one thing na be say make you make more of comment than posting thread. From Commenting on other people thread e go help you learn to build constructive post.

[MorganaX]

Snr man watin you talk no be lie oo me sef I be for this forum I been no really understand at first because I been feel say as na Nigeria board you fit talk anything related to Nigeria but seeing this your thread now I calm down go through ahm con see say watin you dey talk na true. If we no talk anything about this off topic e go take over for this forum and the snr men them wey fight to bring up this local board go be like say we don disappoint them

So I like watin you talk though me sef na newbie for here too wey dey still learn about this forum. I go say threads like this na some newbies need as they just start

[Promocodeudo]

I know say post like this been don dey exist, forgive me, but this one too pain me to express my thoughts for old thread.

Newbie abeg I use God take beg una, make una try dey increase the quality of post. This forum no be where you go just wake up from sleep then anything wey you jam for social media you go carry am come dey talk for board. With the little time wey I don dey this forum and this board to be precise, I know how many of our boss at the top they work effortlessly to try make the local board for dey better and outstanding. But all these una off topic post Dem wey no get head don dey too much. Last year we deliberate on this matter, e come be like say the off topic  come reduce but now e don dey come up again.

Make I clear una say, as this our board be first 4 for the entire local boards na so eye Dem dey enter our body, to observe wattin dey happen. And when Dem see say na rubbish post plenty pass the main Bitcoin post, e go come be like say we no serious and we don they compromise. Off topic post get level, e get how you go create off topic but e go dey helpful for us as members of the forum or for our normal lives outside the forum. And e get some kind off topic wey go come even bring Bitcoin discussion for the thread later on, all those na creativity you go take do am. I no go lie you be like we go go back to the time wey Dem been dey report off topic post wey Dem go move to achieve oo. At least that go help our reputation.

Another one again na when we go see people dey go talk rubbish for out side board, guy afa make una use una head pan. Which one go dey go talk like say na Nigeria own naim bad pass for this life, if you wan blab the country come talk for where men go understand come relate with you, no be to dey go sell your own self for outside local board just because you wan try impress outsiders. Omor una wey dey do this thing dey fuck up big time. Una better repent oo, e no good. Why u no use pidgin talk am for local board instead of to dey betray us, they back stab us.

Bro you have said it all, newbies here are not after quality again they just post anything they like because they see this board as there board, how would tell the outside world what you are made of, it is important for newbies to change from this attitude, most thread here is just like a reply not a topic because most of them does not possess the standard of thread, some people get tired of than local board because of the newbies attitude, everything should not be a post, for me, I think what a newbie should be doing here is to concentrate on asking more question, making more research to know how it works here, if things continue this way, many will be ignored.

[Majestic-milf]

 Naturally, I for waka pass this thread since I don see many of these but with the Op add ASAP, e mean say mata don pass gari. Make I tell these newbies one thing them no know; this local board be the only place we get o, I no know whether them fit close boards if e no dey give beta contribution o but this no make sense. E no good to fill this place with junk and unnecessary posts wey no get anything of value to the forum. Some of them wan turn here to another Google search engine as every news wey shele, them go wan drop am for here and e no good.
 Truth be told, so many of us don loud this mata but w be like say nothing dey really happen, but good tin say some threads don dey moved. The more these off topic posts are being made, e come dey make here boring to enter because as you open, na wan yeye post wey no get head or tail go fes greet you.

 Nah true say if we check statistics on local boards, nah we go come out first, but that no be avenue to begin post rubbish just so that e go look like say the board dey busy. Abeg make we try dey post things wey get quality and not just quantity.

[Makus]

Now sef e come be like na newbie outsiders naim don dey come dey post rubbish scam airdrops them, assuming say we get DT member now we for just dey knack them tag on a stead, since to create account no dey tire them. But I appreciate the person wey waka make them for lock all those thread, my brother God bless your efforts, and e go reward you openly. With this actions before you go know the local board go come dey free from rubbish posts. If to say we fit pin some of these kind of thread for up so that any newbie wey come go fit see read, e for better. Then when the post go dey down and newbies wey just come go come start to post rubbish again.