|
February 01, 2024, 04:27:59 AM |
|
My brother as e be so, by the look of things, this Tinibu government dy carry us go where we no know oo, and before this year end, 1dollar fit reach #2500 , so na only God fit help this country for the kind tight corner we dy enter daily.
Talking about how our local marketers dy react to dollar increase, see to tell you the truth, no body dy happy at all, because dis current situation dy make people wey no get enough capital go out of the market because, everytime you go market to restock your shop, price of things go always add up, and you no go fit buy so many things if you no get another money else where to put inside the business.
So as e be so, many people shop don empty because dem no get extra money to take refill there shop, so some people dy even dy shame to dy open empty shop daily, wey dy make most of them close down. Another thing wey I believe say dy worry us pass even dollar increase na price of fuel, desiel and kerosene, because na all this tins be the mechanism just as oyibo man call am, dy drive our economy forward, so as e come cost too much and out of reach, e go dy really difficult for our economy to return back to normal.
|