Omo, where this country dey go like this? E be like say Nigeria don dey head one kind direction wey no clear. This our young generation no get patience at all again. Na just yesterday internet begin scatter with news say one SS1 student buy Mercedes Benz and I decided say make i share to this place. Him papa tell am make e return the car, but guess wetin happen? Him own friends dey advise am make e no listen to him papa. Imagine that kain thing!
Na from there person go know say bad friends fit destroy person life. Instead make dem support the papa, dem dey encourage the boy to go against him own father.
Make we reason am weller where SS1 boy wan see money take buy Benz if no be Yahoo or some kind illegal move? Small pikin wey never even finish secondary school don dey do pass him level. Now small children don dey ask for “update” up and down and we all sabi wetin that “update” mean.
The matter really weak me. Things don spoil reach this level. We gats be very careful with the kind people we dey call our friends. If we no watch who we move with, we go just use our hand enter serious gbege wey fit destroy our future.
Make una watch the video too
https://x.com/yabaleftonline/status/1942486896522792968?s=46No be wetin you dey reason wey all this young one's dey reason o, most of them just won show off and to impress other people too.
Na e make most young one's just won do everything possible just to make, that is to get those things wey their mates dey get, instead of them to dey think how their lives won be, how their future won be, look for something wey they go invest wey go benefit or better their lives forever.
But, them no dey reason like that, na just to feel among na them know and e good make person get better friends because as the generation be like this, young one's dey hardly listen to wetin their parents or elder one's dey talk, na wetin their friends dey talk na e dem won dey hear, which is not right but if one get better friend, e no go allow make person go wayward.
