U.S surveillance aircraft flied over Nigeria

[Lamtel]

My country people ona good evening o 👋
e never too tay way I stomped into this news with the headline "U.S conducting surveillance flights over Nigeria after Trump intervention threat", I say make I bring am come here, although I no know wether e get any of us way don see am as I see am.

According to the talku talku people way write this news, they say U.S surveillance jet fly pass big area for our Naija dey collect intelligence information concerning those area way them fly. The talku talku people further talk say them try ask the people way carry out this mission things concerning the flight but say they no wan reveal anything yet.

So with this, ebi like say president Trump don start a progressive mission about his threat, I believe say he support together with our military we go defeat this insecurity problem way we get for our hand.

https://www.reuters.com/world/africa/us-conducting-surveillance-flights-over-nigeria-after-trump-intervention-threat-2025-12-22/

[Jessie2121]

My brother me I dey wait make I hear say all the bad eggs don run comot finish no be to dey fly fly dey watch how innocent people dey die becos of political drama. E pain me say with all the force wey Trump use pressure our president I no see the action, e con be like we dey on our own. Now I no know how true but I see for Facebook say some group of bad guys dey enter Nigeria, if na true where the defense wey we dey expect make these guys no enter? Eh?