My fellow contri people, life just dey hard for this Nigeria. No light, fuel prices don high, cooking gas price don shot up too, even Transportation and food prices don increase. The heat come even make everything worse. To dey find daily bread don tough gan. This thing no normal again ooo, naso we wan take dey continue? How una dey really cope for this kind situation?
No be lie, things really de very hard right now, almost everything done cost and to even survive sef na gbege but for the coping aspect, Omo na small small o, man just de try cut down expenses and manage Wetn de while I believe some other people de hustle hard, try learn skills and find side income online. The saddest truth is No be everybody got cope with all this things wey de sup so, some people just de endure and de hope se things go better. Things no really de easy at all to be honest be we just de trust and obey o , still de push join cos options no really de. But the prayer now na say one de things go better for everybody.
