Wala pang topic nito dito kaya naisipan kong gawin ito. Trending din ito sa social media, ito yung summary para sa project na ito.
Location: New Clark City Capas, Tarlac
Size/lot area: 1,620 hectares (sabi sa estimation parang 27 times na kasing laki ng Mall of Asia)
Potential jobs: 100k - 190k jobs
Purpose: AI and manufacturing hub (mga semi-conductor products, chips, data centers, etc.)
Ngayon, ito yung quick info para mas madali nating maunawaan ito.
Madami against sa project na ito kasi ito yung mga concern;
1. Agricultural/ancestral land - may mga waste products itong magiging AI, manufacturing center/hub na ito at posibleng magkaroon ng kontaminasyon sa mga bukirin malapit sa lugar.
2. Tubig - dahil mainit ang mga computers, kaya nangangailangan ito ng estimation na halimbawa sa pinakamababa nalang na si Meta ay around 1.4 billion ng gallons ng tubig(2024). Pinaka marami si google na estimate na kumonsumo ng 6.4 billion ng gallon ng tubig noong 2023, 2M+ to 3M na gallon sa bawat araw na operasyon. Sa pagsesearch ko, si Pax Silica ay may estimation na 1.8 to 2.5 billion gallons per year or pinakamababa na 5 million gallons per day.
Tandaan natin na may El Nino ngayon at yung mga malalaking dam sa bansa natin ay below water level na at hindi sumapat yung mga bagyong dumaan.
3. Kuryente - bagamat may mga source tayo ng kuryente, may solar energy. Hindi naman lingid sa kaalaman natin na madami pa ring area ang hindi na susuplyan ng kuryente at ayon sa Bases Conversion and Development Authority (BCDA) wala naman daw dapat ikabahala dahil may mga dedicated solar farms na magsusupply sa kanila. Pero hindi pa rin maaalis na yung konsumo ng magiging operasyon sa Pax Silica ay malaki na posibleng maka apekto sa mga naninirahan sa palibot sa lugar na yun.
May mga iba pang concerns pero ito lang nilista ko sa mga pinakamahahalaga.
May ganitong concern din sa US na may mga data centers at may isang US representantive na si Alexandria Cortez na nagpakita ng dalawang jar ng tubig na galing sa area ng operations nitong hubs na ito sa Morgan, Georgia. Dalawang area na residential wells ang pinagkunan niya ng maduming tubig na dulot ng operasyon ng meta data center na ito sa lugar na yan. Yung dating malinis na inumin ng tubig, naging madumi at may putik na.
Hindi ko na hahabaan, ano ang masasabi niyo? may kapalit bang singil ang kalikasan sa project na ito? o pabor ba kayo dahil magkakaroon ng madaming trabaho para sa mga pinoy? isang tanong pa, para nga ba sa ating mga kababayan ang magiging mga trabaho na manggagaling sa Pax Silica?
