I see this post on X where people say bank freeze their account after they receive money from P2P transaction. The one wey really get me be say according to the post, the person do P2P with him okay and then them restrict him account saying the money wey him receive na fraud money.
The money de involve with fraud of about 4billion and them don share am across different banks. My own na because say why them nor hold the funds the first time wey e enter the main fraud account.... maybe them be never investigate, so when them find out, wetin make them nor contact bybit and also freeze the money from bybit because right now na innocent Nigerian wey nor even know anything they collect the punishment.
Them say e fit go challenge for court or refund the money.. so if him return the money, wetin him go gain in return, funny how be say nor be only him don get the experience. All these things na dey make centralised exchange dey somehow. I get say them dey try protect the victim of the fraud, so what about these other victims wey there acc don dey restricted.
How Una think say this thing fit take resolve, because crypto don already get him own risk and now person go come still dey fear P2P vendor make him nor go receive fraudulent money... Because in the end na him go lose..
.Any body for the forum don experience this kind thing before?. So many questions still dey wey never make the matter clear sha. but wetin Una think sha


