|
November 29, 2023, 04:53:46 PM |
|
The wey people dey drive car this days, na why e dey very good to go driving school first, But everybody go dey form. How person go dey drive car with speed and go still dey use double pointer?(Double Trafficator or Emergency light). This na y I reason am say make I tell una wen to use double Pointer.something happen one day wey I dey drive jejeli, I con see one red car dey come With speed with double Pointer, I con give am space make e pass thinking say na person life they wan safe. The car pass with speed but I con still meet this same car park for front of one shop wey Dem dey sell provision. Na for that same shop I dey go buy some drinks for myself, I con use style check if person dey inside the car but e shock me say nobody dey the car, na just boys way dy catch cruise. This one show say some people never still no when to use double Pointer, the thing vex me because if to say I no give dem space those guys go hit me the speed too much . This double pointer wey people dey use fit bring confusion and e fit lead to accident.
Watin be double pointer (Emergency Light)? Na very important safety feature wey dey for cars. The double trafficator na to make other drivers know say you get problem with your car or emergencies. Na why most officials cars or ambulance dey on am when dem dey rush. A driver fit use Double pointer : 1. When car Breakdown:When your car break down for road, you fit on the double pointer so that other driver go known say car dey road and something dey wrong.
2. Emergencies: This one dey very important.the double pointer na emergency signal already But some other road users no really dey respect this, when you see car wey dey speed and e dey use double pointer, e mean say na emergency even tho some fit no be serious emergencies but it still show say that motor need space.
So, my people e dy very important to know say, emergency lights na for only when e dey too important like caution or for emergency.
so, make we no dey use emergency lights anyhow, because e fit confuse other drivers and fit lead to accidents.
|