I just login my palmpay account this morning to make transfer when I see their notification say CBN don give instruction say make them no dey allow their users to make transactions way concern crypto through their platform. I still check my Palmpay account sef, na the same message I dey see there. Them even send me SMS sef. My head dey spin since as I dey think how we go fit take exchange our coins to naira if the traditional banks and fintech banks dey close accounts way them connect to crypto trading.
Since Binance don cast I know say many of their previous users don dey use remitano or other p2p exchanges. I dey use remitano trade, and for the app them get option way you fit convert your coins to naira automatically (NGNR), I dey feel say these exchange platforms go soon change their policies so that them no go enter government wahala.
This no be the first time CBN and Nigerian government dey ban crypto transactions, the last time Nigerians come dey use format of say them no go dey add anything related to crypto for the transaction note and e been dey work that year. I sure say the format go don cast by now so wetin be the new thing we fit do to avoid CBN closing our accounts?
https://punchng.com/dont-trade-in-crypto-opay-palmpay-others-warn-customers/?amp