How much BTC/₦ go make you balance for Nigeria now?

[Comeacross]

My people, I throw salute for una. I want to hear opinion from you people.

With the way things dey go now, 500k wey be big money before no even reach to pay house rent in most major towns for this country again. We never talk about food price wey sky rocket like mad. Light bill dey too even as light no stable. Fuel price dey fluctuate like BTC price despite we get crude oil. In fact, everything dey drag which one go high pass..

With all of this thing going on, how much money and BTC go make you beat your chest say I don dey balance for this country now?

As for me, I dey reason within my level. Not too low or too high expectations but 20M to 30M fiat go make me balance for at least a year. Clear house rent, stock my kitchen with food stuff and open small business wey go fit dey generate at least 100k to 200k monthly.

As for bitcoin, if I accumulate reach between 0.3 to 0.5 BTC, I go have peace of mind.

I know location go affect our opinions so consider your location before sharing your opinion. Na honest opinion I want us to share based on wetin dey realistic, not based on extravagant lifestyle.

[Joy_learns_crypto]

With all of this thing going on, how much money and BTC go make you beat your chest say I don dey balance for this country now?

BTC na your money already na. Nothing again like how much money and BTC. Bitcoin Dey spendable, sendable and if that one no do you then you fit still convert am to US dollar, or our Niara.
For me this no be our problem. If you Dey talk of this thing you no need Dey personalize am because everyone get their own different financial hope but rather me I want an economy where the poor masses can atleast afford their daily bread.

[Charles-Tim]

As for me, I dey reason within my level. Not too low or too high expectations but 20M to 30M fiat go make me balance for at least a year. Clear house rent, stock my kitchen with food stuff and open small business wey go fit dey generate at least 100k to 200k monthly.

Assuming you used ₦2.5 million for food in a year and ₦2.5 million for house rent which can be too much for most people, that is ₦5 million in a year.

If you use ₦15 to ₦30 to establish a business, such business supposed to give you more than ₦100000 to ₦200000 very month. I estimate the profit to be 20% APR which is small.

Minimum wage for people that are not rich is even close to that amount.

[Frankolala]

Naija economy no balance and the amount of money wey go reach you fit no be the amount wey go reach the other person especially, family men and women. Another thing again, Na the way wey inflation dey increase on a rapid, you fit think say a particular amount of money go reach you balance yourself for the country but later inflation go yeye that money to make am lose value and insufficient for you to balance yourself for life. My point be say, you no know tomorrow.

[gracreavix]

Let's understand the term 'balancing' first. Make we no rush jump into how many BTC go survive us. The term balancing get two angles. First be say, na money you want now or steady income? Steady income go better ooh. I no know who dey reason like me.

Another thing be say, e go still sweet to measure your wealth for BTC ohh. But you gats chop so, you go convert am. As per everything so, if you wan live on your own, na at least ₦5 million to ₦10 million in BTC fit serve you continually for a month. That's to say, you go dey earn between ₦5 million and ₦10 million monthly.

If you come carry hungry girl follow body, that one concern you. Anything you see, you collect. But as a bachelor, that one suppose serve you well. You fit still use am marry. E no concern me.

With this amount I call so, you go fit stay anywhere for Nigeria. Quote me if I dey wrong. Except say greed dey for your eye.

[Agbamoni]

As for bitcoin, if I accumulate reach between 0.3 to 0.5 BTC, I go have peace of mind.

Na so you see am? Peace of mind cost a lot o. Because if you no find Nigria trouble for where you sit down, Nigeria go come find you trouble.
Anyway, ah go answer you straight up. Give me 2 Btc na weting i need to fit set up myself at the moment. Around $150k no go bad still.
As e be like this, Nigeria done already dey win me 50:0. My come back suppose big and e suppose be something wey go set me up for life.

[Comeacross]

With all of this thing going on, how much money and BTC go make you beat your chest say I don dey balance for this country now?

BTC na your money already na. Nothing again like how much money and BTC. Bitcoin Dey spendable, sendable and if that one no do you then you fit still convert am to US dollar, or our Niara.
For me this no be our problem. If you Dey talk of this thing you no need Dey personalize am because everyone get their own different financial hope but rather me I want an economy where the poor masses can atleast afford their daily bread.

I understand your point bros. Once BTC dey your wallet, na your money already. Personal comfort no mean anything if the economy is bad but I just want to know how wey dey think individualy here. Me sef go dey happy if economy is good where even people wey no hold BTC go dey afford daily bread without ease.

Assuming you used ₦2.5 million for food in a year and ₦2.5 million for house rent which can be too much for most people, that is ₦5 million in a year.

If you use ₦15 to ₦30 to establish a business, such business supposed to give you more than ₦100000 to ₦200000 very month. I estimate the profit to be 20% APR which is small.

Minimum wage for people that are not rich is even close to that amount.

5m per year for average Nigerians is realistic because that is roughly 400k per month but for places like Abj and Lagos, e go still dey tight but somehow OK in some other parts.