African Proverbs in Pidgin

[Pokapoka124]

Make I drop this one this night for my people

Proverb:Na money dey make go-slow dey dey inside pot of soup
Meaning: if you want luxury you must work hard to get it

Proverb: Them nor dey beg small pikin make e nor grow big teeth as long as him get big lip to cover am
Meaning: You're accountable for your decisons

Proverb: Bingo nor dey bark for where bulldog dey na whistle e dey blow
Meaning: Mediocrity will always cower to excellence

Proverb: Nor be who first report dey win case
Meaning: The law is blind to sentiments

Proverb: Na who know person dey do person
Meaning: Always watch the people around you

Proverb: Who borrow money nor dey spray for outside
Meaning: Never spend above your income

Proverb: Urhobo man talk say Okro nor dey big pass him owner no matter how e tall reach, the farmer go still bend am harvest.
Meaning: Never be too proud that you forget your roots

Proverb: life dey sweet when you hol nor be when you dey owe
Meaning: Poverty takes away the joy of life

Proverb: Na who mess for bus nai dey squeeze face pass
Meaning: Never judge by appearance

Proverb: Na condition nai make crayfish bend
Meaning: Your situation can affect your disposition in life

Proverb: Na who get money like Job nai devil go need ask God permission before e touch am
Meaning: Money is a defence

[1715188928]

1715188928

[Mpamaegbu]

Make I drop this one this night for my people
Snipe>

Pokapoka124, all these your proverbs ehn, dem show sey you na correct grassroots persin you be. The proverbs dem enter wella! Delta people, una too get funny proverbs just like una yarns sef dey make persin laugh. Na so I dey always laugh each time I watch Pararan for YouTube and his presentations of Mock News. My guy, I supposed throw you one something (you understand wetin I mean here na) to take appreciate your post but that something never dey my side now. But nor worry, I go do am once e show. Enjoy the new year!

[Smartvirus]

(The Yoruba man says) Ojú timi!
My eyes have seen my anus!
I have witnessed the unbelievable!

(Rivers) Tor é danu, naa tura capegere
Ear way go hear something, e no dey big like cap
Pay held to warnings to avoid trouble.

Soup way elder chop, e no dey move round for en belle
Be able to keep a secret

Una well done o, my people. I dey enjoy the wisdom una dey drop here.

[Call me Fada]

Interesting, well let's go this way;👇

      1. Na only olosho no dey complain of see finish.
Meaning: it's only a prostitute that never gets shy, in life never give room for over familiarity.
     2. Na only time e go take, for stamara to call him papa name;
Meaning: Life's successes breakthrough only takes time and nothing more, but it must surely come.
    3. Pikin wey dey for him mama back no know say road far;
Meaning: People don't always know the sacrifices you take for them to actualise something, simply because they're not in your shoes, they never know your pain, effort and burden.

[Call me Fada]

Hahahaha love this thread

Pikin way him mama carry for back say him kick stone. Wetin him mama go come talk
Meaning: Don't be ungrateful to the people that helped you grow

Who sleep for ground nor dey fall from bed
Meaning: You can't give what you do not have

Na when you enter native doctor house you go know say juju get body odour
Meaning: You can't judge a book by it's cover

Who naked nor dey shook hand for pocket
Meaning: You can't give what you don't have

Na milk make soaking garri turn corn flakes
Meaning: Branding is very important

Na who wear tear tear cloth nai mad man dey call him brother
Meaning: You have to be in someone's shoes to feel his pain

Omo niggur you too much, this yarns burst my head 2seconds. Oil dey your head brother. Rugged you.. Especially the "who naked no dey put hand for pocket".

[Call me Fada]

Rivers (Ogoni) "osi osua"
Meaning: nobody tends to understand, apart from you.


  "Kari body with sense"
Meaning: why priding or been arrogant, be cautious, most especially be GUILDED.

   "Life na selfie"
Meaning: Life is personal, your destiny is in your hands, if help doesn't come, try helping yourself.
 

[Call me Fada]

"no use your raggae spoil my blues"
Meaning: don't allow over excitement let you  bring down someone's else's joy and happiness.

"Bad belle is allowed"
Meaning: in life hate is unavoidable. People must dislike, jealous and envy you for no just cause. It's eminent.

[Call me Fada]

"nobody for know say charcoal dey exist if no be fire"
Meaning: GREATNESS isn't born, it's made

   "Dem no dey stand give woman belle"
Meaning: Work was to be done, for a desired result. Smart work truly pays.
  
   "Person wey dey shit, no dey smile"
Meaning: who has problems never leaves the problem and starts playing around, you gotta face your battles squarely for better solutions

[Mpamaegbu]

(The Yoruba man says) Ojú timi!
My eyes have seen my anus!
I have witnessed the unbelievable!

This one confuse me small oh. Dem teach us for Yoruba class for school sey "Oju timi" na "I am ashamed" na. How e come take dey different here na.

Call me Fada, I enjoy your dubs but one thing we I discover there be sey you go try learn how to dey edit your posts to carry all of the things wey you wan yarn for one single post, especially if dem follow themselves bumper to bumper. Otherwise, the mopols for here go begin see you sey you dey spam oh and na bad thing for this compound. Spamming and copy copy (plagiarism) na serious gbenge here. Abeg make you dey avoid dem.

[Smartvirus]

(The Yoruba man says) Ojú timi!
My eyes have seen my anus!
I have witnessed the unbelievable!

This one confuse me small oh. Dem teach us for Yoruba class for school sey "Oju timi" na "I am ashamed" na. How e come take dey different here na.

Normally, language no suppose different o, even if e wan different cef, e for be very slightly but then, as you carry learn kwa, na so I use learn and this one no be my mother tongue so, I no go fit argue am plenty. The thing be say,
Na proverb I learn from my teacher back when I dey junior secondary. E become common tongue amongst us via say, when we dey read 'the god's are not to blame' by Ola Rotimi way the plot carry say, King Adewale sleep with the mother Queen Ojuola after en marry her via say, them separate long ago and no sabi themselves again.

So, when we dey read this novel, the proverb 'Oju timi' na em my teacher dey like echo for watin the abomination way the plot carry and na the meaning en give us be that so, I no know why e different but anyhow e be, maybe I no get the right Yoruba word but, na the proverb for pigin be that and na the meaning I translate so. Man no go ever fit see en own yash na why, the proverb dey about mystery, when the unthinkable happen.

I salute una my people.

[Mpamaegbu]

Every mallam get im own kettle
Meaning: Everyone has their own peculiar problem

E nor get as you go kill fowl wey im blood nor go touch ground.
Meaning: There's no way one can hide one's deeds (whether good or atrocities) forever.

[Smartvirus]

I no know how some of us dey take get our African proverbs but, I for like make e be say, the proverb the no go be the regular ones way we fit browse from online. E too soft like that! I go like make the proverbs we dey drop for here go be direct from your papa hut.
Men and women them way get childhood for village or hurt dey here?
If una dey, make una dey drop am for us make e no die out.
E go get one kind uniqueness about am and e no be everyday stuff, like tall way we dey hear for music or watch for tv though them still go well but, from the base ghonghoh.

How una see the talk?

[Mpamaegbu]

Well, the truth be sey me nor fit stop any persin from posting wetin dem think sey be proverb. But na the original ones wey nor dey common anyhow dey get my attention and na dem I dey like merit. So, you fit throw your original own enter ring like this too.

The persin wey invent toilet nor mean well for dog
Meaning: For civilization to take place certain primitive advantages have to give way.

[Mpamaegbu]

If lizard run climb tree come escape from cat, the cat go pretend like sey im nor dey eat lizard.
Meaning: When someone sees luxurious items beyond his financial capability or reach, they often pretend as if they don't care to have them.

Na where dem for dey advise pikin we get papa, na for there orphan dey learn.
Meaning: A word is enough for the wise.

[Smartvirus]

I feel you my brother Mpamaegbu but, anyhow e be, me i go dey try to drop watin no regular. Straight from my grand mama hut na em i from bring this one make we for hear something new.

My fore fathers dey talk say, 'Na small-small way snail dey use climb tree way get chukuchuku for body'.
Meaning: In Pigin: Life na jeje, e rough o and na why you no go rush am, take am small-small and you go archive your aims
              In English: Life is difficult so its best to go easy with it and your sure to archive your goals in life.

My people say, 'Pig tell e pikin say, watin shape en mouth to snout, go one day shape en own too'.
Meaning: In Pigin: say the same suffer way e dey go through to make sure say them eat, one day e pikin go suffer am too and e go clear for en eye
              In English: what the parents suffers to ensure the children feeds and survive, one day the child would suffer the same.

[Smartvirus]

<>

My G Mpamaegbu, i Know say only me and you nor get power reach to keep here alive but, i ready follow you try till others go join us raise am up. Today eh, e do me read every proverb so far and e give me joy say, our people talk dey wayh. Especially those grass root once way dey even before education reach us. E show say, our forefathers been get watin teach them. Make i drop una some more proverbs from base goh-goh.

In PIGIN: Na when you no get chief for compound, na em monkey dey get liver enter comupound chop banana
In ENGLISH: When there isn't any chief in your household, the monkey can eat your bananas
            Meaning; Not having a wealthy person in your family will make everyone take your family for a ride and you can do nothing about it.

In PIGIN: person way shot wisely, go run wisely
In ENGLISH: Someone who shots wisely, will also run wisely
            Meaning; The procedure you follow in doing a thing matters, should you come by a thing using the wrong means or right means, that's the same means you would follow in solving the issues that would come with it.

In PIGIN: When strongman ride bicycle, the bicycle bell dey fine air or tire to brit.
In ENGLISH: When a muscular or strongman rides a bike, the bell gets tired of ringing
             Meaning: When wicked people come out to act, people who have no one to advocate for them suffers the most. Try to have value in the society and you'll be apportioned your respect.

[Mpamaegbu]

Smartvirus, you dey try wella. E show sey you na confirmento of the confirmed. You dey highly karried and kajared. If I ever get coolele water to sama you everytime wey you drop here I nor go hesitate do am. You na Sabinus na and I know sey you sabi wetin I yarn here. For the odas wey dey run from here, may be dem nor too stay with papi or touch grassroots something wen dem dey grow up na im dey make dem dodge here na to avoid sey persin shoot bird, bird mama fly. Kontinue my broda, I dey gbadun your yarns.

[Smartvirus]

I hear you tay-tay my brother Mpamaegbu and i understand watin you mean by coolele though that coolele eh, with the way the weather hot now eh, i need am o. Anyhow e be shah, you na man way dey deliver and as e be so eh, i wan drop another one. E no dey sweet me say this our thread fall for here. Na we get am so, we gat stay top. Make we enjoy, grass root proverb.

In PIGIN: My people say, that bird way dey dance for road, e get person way dey inside bush dey beat drum for-am.
In ENGLISH: When you see a bird dancing on the road, there is someone lying unseen in the bushes beating drum for it.
            Meaning; When you see an evil person confident in doing evil and terrorizing the public, that person must have a strong sponsor or backup.

In PIGIN: No allow watin you carry your hand do to worry you.
In ENGLISH: Don't allow the work of your hands to cause you trouble.
            Meaning; Be diligent in doing a thing because, it could either bring you glory or shame

In PIGIN: When rat hungry and e no see watin to chop, e go hide inside wall.
In ENGLISH: When a rat suffers from starvation without hope of food, it would seek refuge in it's hole in the wall.
             Meaning: The are some situations you would find yourself in and you won't want to come out.

[Mpamaegbu]

Smartvirus, dat your last one na im make me sama you cold water for body to cool your temperature. E resemble one proverb for my area — If nor be hunger wetin persin wan go outside go do. Shebi na bc of hunger dey make everybody dey rush go stay for bus stop for work na. Well, may be online biz don dey change dat one small small now.

[Pokapoka124]

Proverb: Who mess for bus nor dey keep smiling face
 Meaning;  looks can be deceiving

Proverb: Person way nor geh shoulder nor dey go war where them dey use walking stick fight
Meaning: Know your place and stick to your niche