African Proverbs in Pidgin

[nelson4lov]

I no know say thread like this exist. I for dey come nack some of my favorite proverbs from time to time. Anyway, make I sharperly drop two. I no know if anybody don post them before but here goes.

1. Anywhere wey ant gather know say sugar dey there.

Meaning: Anytime you see people participating actively in anything, it means there's a benefit within. Just as crypto is.

2. No matter how famine dey for jungle, Lion no fit eat grass!

Meaning: There are situations that we're bigger than regardless of how bad things get.

[1715036680]

1715036680

[Smartvirus]

Smartvirus, dat your last one na im make me sama you cold water for body to cool your temperature. E resemble one proverb for my area — If nor be hunger wetin persin wan go outside go do. Shebi na bc of hunger dey make everybody dey rush go stay for bus stop for work na. Well, may be online biz don dey change dat one small small now.

Na why you be my paddy na, you sure die for coolele zone. E cool me small big man

Nothing hunger no go do person o, person way no set pass wella. This online thing na redeemer to most of us here, some no go gree but, na so e be.

<>

<>

As i dey see sy men like this don dey fall in, e dey give me joy. E go hard to note say, our work dey go somewhere to stay top. Una well done o and una flows make brain.

[Mpamaegbu]

Proverb: Person way nor geh shoulder nor dey go war where them dey use walking stick fight
Meaning: Know your place and stick to your niche

Lol... This your proverb na baddoo! Chai! I suppose pour you coolele water like this but water nor dey ma fridge like this. You try wella and dat one make me smile.

nelson4lov, I hail dee strong man as you take somersault enta owa hood. Nor run away after dis one oh. Keep coming.

Smartvirus, nwanne! I dey enjoy you wella.

[Pokapoka124]

Lol... This your proverb na baddoo! Chai! I suppose pour you coolele water like this but water nor dey ma fridge like this. You try wella and dat one make me smile.

Hahaha no shaking boss. Everything na to make our people smile. As far as Mpamaegbu dey for me like Starboy I know say I nor geh problem I go just dey on the low like Burna boy.

[BevNation]

Some kind proverbs i dey see hear dey shock me. Una dey try i swear. Na from this proverbs them you go know say, we get plenty generation for this life. Make una dey try, with time, i go join una.

Proverb loading....

[BevNation]

Person way dey sick bitter mouth sickness, e no dey know taste of food
Meaning: Don't expect a good evalution or recommendation from an evil person.

The sweetness of bitter kola, na for old man mouth e dey
Meaning: Getting used to a thing, is knowing that thing.

Na my first time o, i still dey come up shah.

[CryptocurencyKing]

Una well don o, my people. Una way dey try to bring African abi Nigerian culture come out to the world. To show say, our fore fathers no bin be savages like the Oyibo people dey see am. Say we been get some kind form of learning on ground, e go well. As e be so, i wan join promote this movement way una don start. Any how e be, me no too tight for the level but, make una manage am.

1. My people say, dog no dey bite e pikin reach bone
Meaning: In course of scolding a child, a good parent would never seriously hurt that child

2. Person way hold small pikin thing for up because, the pikin no tail reach, e get when e hand go weak and e go bring am down then, the pikin no go stress collect am.
Meaning: Anyone holding or standing in the way of what is yours would one day get tired and let go, you would get it on a gold plata

Make we dey enjoy!

[Smartvirus]

Mehnnn,,, today eh, i just go on visitation to one near by village, na so them brand two different types of palm wine give me for there hurt. One was just too sweet while the other one con be regular palm wine, e just normal. I enjoy myself well shah but, watin make me bring this talk here na the old man knowledge way come out for there talk. And na talk way concern us for here.

Mak una here am as them talk am, we fit argue am as them argue am kwa. Na parable o but, e be as e get! Them say;

Pigin: Person way them send message no dey carry package come back (That is, when them no bin really tell you to go bring something o)
English: Someone sent on an errand brings back no packages (That's when you weren't sent to go get something)
Meaning: This was contradictory so, you can argue it out if you want own apportion it your own meaning.

Pigin: Pikin way no resemble en mama or papa na market pikin e be.
English: A child that takes not the resemblance of the father nor mother belongs to the market.
Meaning: The meaning is contradictiory as well but, i'll explain this one a little on the two grounds we argued it.

1. When the child neither went with the mom or dad in resemblance either phenotypically or in character, it means that, that child was conceived in an adulterous relationship of either parent. On the other hand,
2. If a child doesn't take the resemblance of the Dad or Mom in either above ways, the strange expression could be from a dormant gene set resurfacing again.

Now, if the child is said to be a market child, should we return the child to the market?

[Mpamaegbu]

Mehnnn,,, today eh, i just go on visitation to one near by village, na so them brand two different types of palm wine give me for there hurt.

Enjoy my guy. Life na one chance, e nor get duplicate. I hope you take style reason Bitcoin with dem there sha.

2. If a child doesn't take the resemblance of the Dad or Mom in either above ways, the strange expression could be from a dormant gene set resurfacing again.

I reason dis second wan. Sometimes grandparents genes dey show demselves wen nobody send dem and e dey dey annoying, especially if na d kain gene wey you nor want. Anoda thing wey I wan yarn be wen people dey talk sey pikin nor resemble im papa or mama e go be market pikin. D truth be sey even if na market get am, na im real papa be dat na.

But bros, dat ya "phenotypically" something something nearly off local man oh  

[CryptocurencyKing]

But bros, dat ya "phenotypically" something something nearly off local man oh  

That one no be English again o, na terms, medical terms way person way never strong leg for ground no go understand. E go well say our Nigerian boys dey try, I salute you Smartvirus and Mpamaegbu na una two dey make this place stand and e go well.

For the matter way come board eh, I know say character way follow person come dey string o, e dey hard to change well but, na when better eye no dey on top the pikin when e dey grow be that. No matter how the character strong, to some extent, when e manifest well well and e no come be watin the papa and mama expect, e mean say, them no really do there job well.
But the matter now remain say, na there pikin because,  na them train am to be waking e be and na them e don know since e small.

[Mpamaegbu]

CryptocurencyKing my broda, panic hold me as I see dat word na. E bi like wetin Patrick Obahiagbo (Igodomigodo) dey act. Na sharp sharp I knack the word enta dictionary, make local man nor go fall hand.

Unto the pikin matta, most parents nor dey like accept blame wen their pikin begin misbehave. Dem go like sey nor be dem born am or their neighbours don give d pikin witch chop. We supposed put eye for ground as parents and hold these pikin dem control numbas wella. E bi like my first son, e get some kain jugunu moves wey im go make I go just rememba sey me too do am. I go just hold my biabia dey smile. I nor go fit shout. But e get some wey im go do, I go sey hey hey boy nor go there!

[Pokapoka124]

Proverb: To give monkey cup of water drink nor be problem.. the problem na to collect the cup back from monkey
Meaning: Be cautious with your generosity

[Smartvirus]

Unto the pikin matta, most parents nor dey like accept blame wen their pikin begin misbehave.

Na here way the matter dey. The up bringing of small pikin matta well well via say, na watin e learn from that time, e dey carry on for life. Gene or no gene, pikin way them teach well, you go see am say, e go carry on the better life way them teach am. This teaching no remain for house o because, e get the once way e dey learn from outside too but, na the environment and teaching from house go help the pikin to either resist the ones way dey come from outside or accept am.
To say pikin fail, no be the pikin fail o, na the parents or guidan because, when the pikin born, en been be clean slate. E no know anything for the life way e come until e begin learn from firstly,  the parent before e take leg enter outside.

Abeg, make una no mind the phenotype matter, na small small book I read before dey try resurface.

[Pokapoka124]

Proverb: Na day way dark nai make road turn bush
Meaning: Life can be rocky sometimes and when you hit rock bottom people may look down on you and see you different

Proverb: Pikin way dey sidown for barbershop every day one day barber go dash am free haircut
Meaning: Don't give up sooner or later you will catch a break

[Mpamaegbu]

Pokapoka124, you make sense die!

Make I put these ones join body —

Mumu nor dey sabi sey im married sister na visitor whenever she come.
Meaning: Familiarity breeds contempt, simply put.

E nor get as eba go fall for ground wey sand nor go gum am.
Meaning: Once someone is exposed to hardship, the manifestations will be glaring to the eye.

[CryptocurencyKing]

People way sabi the thing, I hail una o. I wonder where all this proverbs dey come from o. E dey surprise me say, our people get this kind talk for mouth. Una proverbs go welllllll. Make I throw way una my own.

1. Old  man way say e no sabi dig hole, watin e dey avoid pass the stress te hole go give am.
Meaning: sometimes, its not about how to say a thing that makes the awful situations  persist but, the consequences of that truth.

2. The same pot them use  cook for chameleon na em them dey use cook for lizard.
Meaning: Your always a party to those or the things your found identifying with and as such, your dished out same reward or punishment.

[Smartvirus]

Okay, I don come. Why this texas people cef go get mind push this post go down, e be like say them no dey fear naija o, naija way get doings. Anyway, make I nack una this onces;

Pigin: When tilapia borrow money way e no fit pay, na catfish dey pay for the debt.
English: If tilapia lends money and can't pay back, the catfish jumps in to settle the debt.
Meaning: If a child finds himself or herself in a huge debt situation, its ways the parents or guidance that suffers to pay up.
Lesson: #You've got to watch your child not to bring the family trouble.

Make una manage that one for now. More go pour in later.

[CryptocurencyKing]

My people I hail una o. Una way dey try dey warm here up to make sure say, e no fall-out of line. Una do well. Me I wan throw way una my own proverb too. My people say,

Proverb
For pigin: Them say na delay make fowl no fit fly when other birds dey fly.
In English: It is said that, it is due to long wait or delay that made the chicken not to be able to fly as other birds do.

Insinuation: it is assumed from observation that, the chicken takes a lot of time in measuring to confirm if it could archive a height in a flight or not on like other birds that just takes to the air.

Meaning: When you delay too much in doing a thing, it becomes harmful as it could mean opportunity lost. In essence, your left with scraps in an investment. It also explains why you should buy BTC when its best which is now than anticipate.

I look forward for more.

[Pokapoka124]

Proverb: E go better e go better na so 9ja take dey like this so
Meaning: Beware of empty promises

[Mpamaegbu]

I wonder where all this proverbs dey come from o. E dey surprise me say, our people get this kind talk for mouth.

You rememba dat Papilo advert for Peak ba — It's in You! Na so the thing dey owa body for Naija. Forget, owa people correct die na only bad polithieftians be owa problem.

Pigin: When tilapia borrow money way e no fit pay, na catfish dey pay for the debt.

Chai! I dey tell you oh! Nor be small thing.

Proverb
For pigin: Them say na delay make fowl no fit fly when other birds dey fly.

This one enter brain wella! Every time wey I watch fowl dey do dat denge before e jump na so I go dey wonder wetin dey even fear them.

Pokapoka124, me sight you too bro.

I hail all of una wey dey make dis my corner una own too. One luv, my peeps!