African Proverbs in Pidgin

[Mpamaegbu]

~snipped~

Ewoo eh  , I no sabi say e don dey here. No Vex. Make I replace am with this one 👇

PIDGIN: Person wey want something na him hand dey long pass

ENGLISH: What you are looking for is not in your comfort zone. You have to move out to get it.

No wahala bro. Just feel free to drop anyone wey you get. We nor dey make scripts like JAMB for here oh 😆. Nor be WAEC too. But dis wan wey you drop here again sef make sense die too.

[Mpamaegbu]

Persin wey dey sell fowl dey hold am for legs while persin wey wan buy dey like hold am for wings.
Meaning: Everyone likes to amplify what they have to their own advantage.

[Rruchi man]

Persin wey dey sell fowl dey hold am for legs while persin wey wan buy dey like hold am for wings.
Meaning: Everyone likes to amplify what they have to their own advantage.

Na so na, na so e suppose be, nor be say na pride ooo, but na normal ginger and packaging make everywhere for stew. Las las if you nor hype your thing, i wonder who go helep you hype am.

My own proverb, na for small story i go take drop am.


Akpos nor too dey happy, all e friends and guys dey do well, e come dey be like say na Akpos own bad pass. The thing wan really choke Akpos.

Akpos guy, Fejiro carry Akpos go drink small beer for corner one sunday, after akpos dun down like two "HERO" nai e body free small to talk, e carry the matter 2 secs dey clear Fejiro say "joy nor too dey e body" say things and things, say e suppose dey do well pass the way e dey do.

Fejiro look Akpos nai e laugh tell am say - Try dey happy for life first Akpos, "Red oil nor dey stain one finger, e must to touch the other one, Na who God bless last, na e own be Latest".

Meaning/moral: Cheer up and be happy for your brothers success knowing that your own is coming, and when it comes, it becomes the latest as they will celebrate with you too.

[CryptocurencyKing]

Omo, e don tay small way me touch leg for here o. I dey see am say, una dey do am and no dey dull the place. Na that one show say, all of una na real omo naija way get plans to make we for dey jakpa front. Una dey try. Me don come make I dey follow body dey japka our thing dey go, una know this matter na.

Proverb:
Our people dey say; na person way no sabi leave dey carry leave way th dey use as medicine, put for pot carry cook soup o.

Meaning: You know nothing else, you won't waste opportunities and the resources around you. Always seek to know, knowledge could save your life.

[Mpamaegbu]

I dey sight una my guys. Make una nor dey too tey for outside. Here na country home, d wan wey dat man dey run for Aso na cowtry. If you know, you know. E just dey pain me sey colele wata nor dey my fridge to dey take sama ogbenge yarns wey una dey drop both here and other places.

[Smartvirus]

I dey sight una my guys. Make una nor dey too tey for outside. Here na country home, d wan wey dat man dey run for Aso na cowtry. If you know, you know.

Chaiii, this guy, you dey talk talk o. Omo, our people dey say;

Proverb:
In Pighin: Them no dey tell person say, shit dey smell
I for like write am for Oyibo man tongue but, the way them been dey abi them still cef dey use tackle us this time eh, e no go sure say them understand watin I dey talk.

Though, for Mpamaegbu capping way make me bring that Proverb eh, that na to say, we be Nigerains way dey face the same palaba so, we dey with you for the level. That na to say, we know, we understand.

E just dey pain me sey colele wata nor dey my fridge to dey take sama ogbenge yarns wey una dey drop both here and other places.

You na that kind man normally, you pull weight reach and na so we carry believe you. Over sure dey worry you cef.

[Smartvirus]

E be like the place cold small o. How una dey na, i say make i pip weather i go see small something for the naija wise quote but, e be like something hold us for leg small. Anyhow na, make i throway something make carry commot cold.

Proverb:
As e be for the Pighin; my people say, "e don tai i see you or you come, better pass you too dey come".
Meaning: Don't make yourself so readily avialable all the time, it devalues you. Be scares and missed at certain times, it adds to the way you carry yourself and the way your viewed/valued by people around you.

[Rruchi man]

E be like the place cold small o. How una dey na, i say make i pip weather i go see small something for the naija wise quote but, e be like something hold us for leg small. Anyhow na, make i throway something make carry commot cold.

Proverb:
As e be for the Pighin; my people say, "e don tai i see you or you come, better pass you too dey come".
Meaning: Don't make yourself so readily avialable all the time, it devalues you. Be scares and missed at certain times, it adds to the way you carry yourself and the way your viewed/valued by people around you.

Omo brother the place cold nor be small, as i even enter here today, cobweb dun enter my eye sake of say activity nor too dey dey the room again like before. Wetin dey sup really?

@smartvirus, your proverb na ogbonge wisdom for the street. E nor too dey good to dey always dey available sometimes, e dey bring over familiarity and see finish.
 
For my side dem dey talk say na because say "Garri too dey dey house, nai make dem dey call am poor man food." Na the same English meaning e get with your proverb, make person try dey dey scare, so see finish nor go dey, very importantly.

[KarpovE4]

This na my first time here. I be like pikin way e eye just open na today I dey see Nigeria topics dem. I salute everybody wey tanda for here
Make I follow una catch the tradition cruise
Proverb: Pastor wey no dey receive tithe nor go like church
Meaning: Everybody love appreciation

[D-law]

Na mi first time for here ohhh,no be chise wisdom ornah dey pour for here ohh.
Ornah too much beast all of ornah, infact ornah bam.
PROVERB: person weh snake done bite before, if him see earthworm him go think say nah 🐍 snake.
MEANING: Someone that has been robbed previously of his wealth,when he See's similar stuff's trying to happen he'll be Scared and want to avoid further scenario from happening.

[Mpamaegbu]

Una too much here. Even when I nor dey house, una still dey find time to keep here warm. Kudos! Na some offline stuff wey dey keep try bend my eyes small, nor be sey I abandon here. We dey dis jungle together.

[KarpovE4]

My people psquare song just dey play for my head this evening
"E get as e dey do me
Do me
you go wound o
 you go wound o oooh"
Proverb:Them nor dey shook mouth for husband and wife matter if not na you them go take settle their quarrel
Meaning: Choose your battles wisely

Proverb: Student way get F9 for course nor dey go follow crowd to check result
Meaning: No one show cases their failure

[Mpamaegbu]

~snipped~

Nice one, especially the second one. @Rockstarguy, welcome to the house. Just feel at home but make you nor spoil TV remote sha as owa people dey talk sey na – Feel at home, fell at home dey make visitor spoil TV remote.

[Smartvirus]

Hot hot. Mehn them don dey pour in and na so our baba for the coole-le water don dey open en freezer. E goes well my people, una way sabi the thing, na una dey try pass. I greet una jagasely. Anyhow e be, we go dey do am, we dey inside each other for here.

Na mi first time for here ohhh,no be chise wisdom ornah dey pour for here ohh.
Ornah too much beast all of ornah, infact ornah bam.
PROVERB: person weh snake done bite before, if him see earthworm him go think say nah 🐍 snake.
MEANING: Someone that has been robbed previously of his wealth,when he See's similar stuff's trying to happen he'll be Scared and want to avoid further scenario from happening.

Na real matters be this o. In fact eh, no be just jump you go jump but na fly you go fly if you see earthworm. The matters be say, na person way allow watin wound am the first time to wound am again be mumu o. So, you just gat dey guide against anything way fit give you wahala, forum wise. The proverb apply, una know watin I mean na. We dey together.

[KarpovE4]

~snipped~

Nice one, especially the second one. @Rockstarguy, welcome to the house. Just feel at home but make you nor spoil TV remote sha as owa people dey talk sey na – Feel at home, fell at home dey make visitor spoil TV remote.

Walahi I swear na be comfortable make visitor go serve food for kitchen I dey mellow for this place dey learn every every before I shook mouth for where senior men dey make I nor go be like mugu

[Rruchi man]

Walahi I swear na be comfortable make visitor go serve food for kitchen I dey mellow for this place dey learn every every before I shook mouth for where senior men dey make I nor go be like mugu

The matter for here nor be rocket science wey too hard to learn brother, e good as you dey observe first sha,welcome... but try catch up quickly make we for know the kind maggi you wan add to pot of stew for the house, nor go too dey observe without action, Na too Much Looku Looku dey cause okpolo eye (big eye).

[KarpovE4]

Walahi I swear na be comfortable make visitor go serve food for kitchen I dey mellow for this place dey learn every every before I shook mouth for where senior men dey make I nor go be like mugu

The matter for here nor be rocket science wey too hard to learn brother, e good as you dey observe first sha,welcome... but try catch up quickly make we for know the kind maggi you wan add to pot of stew for the house, nor go too dey observe without action, Na too Much Looku Looku dey cause okpolo eye (big eye).

Brotherly this one weh you talk now na confam. I go soon dey sama correct talk talk for this tent nor worry your mind. Remember say Na ITK( I too know) make lizard go swallow bone wey hook am for throat

[Mpamaegbu]

@Rruchi man and @KarpovE4, una too don become elders oh by way of ogbenge talk talk. E dey always sweet my belle wheneva I hear young people use proverbs. I gbadu d way wey una take relate and exchange wisdom there. E dey show sey una sabi wella.

[KarpovE4]

@Rruchi man and @KarpovE4, una too don become elders oh by way of ogbenge talk talk. E dey always sweet my belle wheneva I hear young people use proverbs. I gbadu d way wey una take relate and exchange wisdom there. E dey show sey una sabi wella.

@Mpamaegbu and @Rruchiman na una dey give the young bloods hope for the acada say e go better. I nor dey rush to go anywhere Them nor dey run for market u fit go jam igbese for front

Proverb: if you dey waka for market no throw stones
Meaning: Give reasonable thought to decisions don't live careless

[Rruchi man]

Them nor dey run for market u fit go jam igbese for front

This your proverb dun burst my head lol, nor be small thing  . But person wey dey go market, shebi e suppose carry money to know wetin e fit buy? Lol.

Senior man @Mpamaegbu , i dey humble o...i just deh try contribute my own quota for the wisdom make the fire wey they Cook the stew for this house nor quench. Our people say - "Na left hand dem dey carry wash right hand, and na right hand dem dey carry wash left hand'' E mean say for everywhere to jollof well, every body contribution for this house matter alot, na my part i dey play so.