African Proverbs in Pidgin

[SatoPrincess]

Proverb: The same turning garri( eba turner) way them dey use bake eba for good pikin na them go still flog pikin way stubborn
Meaning: Good deed is rewarded handsomely and bad deeds are punished with the same hand
Proverb: Man way get work no dey do aproko for compound
Meaning: a busy man cannot be found gossiping others

[Rruchi man]

Senior Man I dey loyal, I dey under ur bonnet like this!

lmao, inside bonnet dey hot ooo, you nor go like dey under umbrella, lol.

Our people say , Kolanut & palmwine wey dem go take serve elders for evening, na for morning dem buy am, because you fit nor see am buy later.

Meaning - Make proper preparations always.

[Odusko]

Fly we're no dey hear word go follow death body enter grave:
Translated to: hardened heart against correction lead to untimely death.

[Mpamaegbu]

Persin nor dey tell anoda persin sey make dem boil water for am sey im wan fall from tree.
Meaning: Accidents aren't planned. Otherwise, people would avoid them.

[Smartvirus]

I hear una my people, una dey speak for me and e dey tinkle my ear.
Oya na, make we collect this one for body.

Proverb:
Pighin: My people say, them no dey fetch water to go pour for well.
Meaning: Some effort aren't just worth stressing as, they are point less, the aims and goals are practically unachievable.
Like person way no wan learn, you con dey force am or person way no dey fit accept charge of idea, you fit dey waste your time las-las.

[Mpamaegbu]

@Smartvirus, congratulobia bro. E dey sweet my belle die weneva I see una dey grow and rank up like dis. Persin wey work supposed to enjoy d sweat of im labour. Enjoy d moment and kontinue to dey give us positive vibes. Enjoy bro.

[uchegod-21]

Senior Man I dey loyal, I dey under ur bonnet like this!
Boss Mpamaegbu , I dey loyal,you dey do more than enough for here

I wan dedicate one Proverb for our guy here wey dem hack em account his name is Gasty4.
Proverb:Person wey hold me for ground hold himself join.
Meaning:He who oppresses others is indirectly oppressing himself.
Person wey hack that account no fit userm for good thing, because oga brainboss don already tag the account.

[Smartvirus]

@Smartvirus, congratulobia bro. E dey sweet my belle die weneva I see una dey grow and rank up like dis. Persin wey work supposed to enjoy d sweat of im labour. Enjoy d moment and kontinue to dey give us positive vibes. Enjoy bro.

No be chaise o my real G. As I see am cef eh, to come online first tire me cef because, the feeling e carry no be play. The Hero doings eh, na just small reputation legendary e carry pass this one I swear. The joy be say, las-las person dey see progress and na una way be my own them dey run am on a steady for we. Like this eh, the naija wise quote don dey do me ogbidi-gbidi-gbidi for belle and I go soon drop am make we corner dey day rich. I tuale for una way sabi and my own person Mpamaegbu, you dey carried.

[Mpamaegbu]

~snipped~

Yo go dey fry betta eggs now on top refined groundnut oil 🤪. Abeg, make una dey careful wit una account and wallet security online for any any especially now wey una don try build account to dis level. And for any of una wey neva stake dem wallet here, make una try do. D thread for dat dey for Meta. https://bitcointalk.org/index.php?topic=996318.0

One luv, my people

[Smartvirus]

Omo, I bin dey opportune today to dey one kind meeting with some people via administration work and e con turn out say, e get watin me don identify say e bad, like e nor dey help at all and we dey see the result from watin dey sup. The best excuse way them up with after I complain na say, na the system and even inside the system, people way e go sure for go still burst out. I just weak, na one one of my flow tell me say:

Proverb:
For Pighin: our people say, them nor dey clean dog nose because, e go always dey dirty!
Meaning: there are some things way be say, e don dey so adapted to man way be say, nor how way you wan take change am. Even when e turn out to be, watin no dey favour ram.

[Smartvirus]

Na as e dey hot I wan dey drop am for una now.

Proverb:
For Pighin: Our people dey talk say, na person way hold the head of cutlass or machete, na em get power.
Meaning: Na just to tell you say, make we try dey get respect for authority. Person way you know say, if e vex or make some kind waka via your matter, e go wayh you, them no dey carry stubborn head or i no go gree waka dey worry that kind person. E fit cut you off at anytime and e go still dey run en thing. Make we dey use our head.

[Pokapoka124]

Na as e dey hot I wan dey drop am for una now.

Proverb:
For Pighin: Our people deybtalk say, na person way hold the head of cutlass or machete, na em get power.
Meaning: Na just to tell you say, make we try dey get respect for authority. Person way you know say, if e vex or make some kind waka via your matter, e go wayh you, you no dey carry stubborn head or you no go gree waka dey worry that kind person. E fit cut you off anytime and e ho still dey run en thing. Make we dey use our head.

Congratulations smartvirus for your new rank e nor easy to reach where you reach. The African proverb family dey celebrate with you. I don pour sapele water for your cup to wish you more and more achievements to come. Na mpamaegbu own I dey wait for next
Proverb: Person way shit for church use bible clean yanch fit forget but the person way clean the shit can never forget
Meaning: When we do some kind stupid things na our family and loved ones dey carry the shame pass

[Mpamaegbu]

Na mpamaegbu own I dey wait for next

My own sure dis month by God's grace. You too for don join Hero for long if nor be dat gbenge wey hold you dat time na. But e go eva happen, nor too worry yourself. Just zero your mind comot there and dey make your ogbonge posts, providence go stroll enta your corner.

BTW, that proverb wey you throw here na three-sure for those of owa peeps wey dey like roll 🎲. I get one wey go make you laugh...

Owa people sey person wey shit for church come use book of Genesis/Psalm or Matthew/Mark/Luke/John clean yansh, na serious offence. Una know why? Because those books na must read for church na. So, your own will be missing. But if na books like Nahum, Michal, Habakuk, Obadiah, Jude, etc wey dem nor dey too read for church nobody go notice am.

[Pokapoka124]

Na mpamaegbu own I dey wait for next

My own sure dis month by God's grace. You too for don join Hero for long if nor be dat gbenge wey hold you dat time na. But e go eva happen, nor too worry yourself. Just zero your mind comot there and dey make your ogbonge posts, providence go stroll enta your corner.

BTW, that proverb wey you throw here na three-sure for those of owa peeps wey dey like roll 🎲. I get one wey go make you laugh...

Owa people sey person wey shit for church come use book of Genesis/Psalm or Matthew/Mark/Luke/John clean yansh, na serious offence. Una know why? Because those books na must read for church na. So, your own will be missing. But if na books like Nahum, Michal, Habakuk, Obadiah, Jude, etc wey dem nor dey too read for church nobody go notice am.

This your proverb don make laugh taya I dey imagine the look for the person face when people for Sunday school go discover say him passages dey miss...wahala.
Baba e don sure for you already. E be like say I see am prophecy I dey believe say e go sure for me too as my people dey go higher and higher

[Mpamaegbu]

Baba e don sure for you already.

Yes oh, e com be like sey d universe dey wait make we utter the prophecy b4 dem react to am. I don chop legendary today, finally!

[CryptocurencyKing]

Owa people sey person wey shit for church come use book of Genesis/Psalm or Matthew/Mark/Luke/John clean yansh, na serious offence. Una know why? Because those books na must read for church na. So, your own will be missing. But if na books like Nahum, Michal, Habakuk, Obadiah, Jude, etc wey dem nor dey too read for church nobody go notice am.

This one strong o. This man cef, you good ghor, too good. As survivers way we be from we naija, we go continue dey grow until e go touch everybody. E get proverb way cap say,

Old man or adult no fit dey for house, then rope way them carry tie goat for neck go choke am, con kill am.
That na to mean say: wrong thing no fit happen when you dey under the watch of person way sabi. The way Mpamaegbu and other men them way face show for the forum don dey try carry everybody along dey very encouraging. Na so the growth dey carry come too because, we dey try dey put our for ourselves make e for better for our one big family. Make una no worry, joy dey come.

[Mpamaegbu]

E get proverb way cap say,

Old man or adult no fit dey for house, then rope way them carry tie goat for neck go choke am, con kill am.

You sure sey you hear dat proverb well so? I know sey I dey hear am as – "Old man nor fit dey for house, make goat born with rope wey dem tie am." Wetin make me bother give you dat version na because of the meaning wey you give of am. If you speak am for Igbo (may be you na Igbo too), both dey wan sound alike if persin nor listen wella. But if you dey sure sey na so you hear am, no shaking.

[Smartvirus]

You sure sey you hear dat proverb well so? I know sey I dey hear am as – "Old man nor fit dey for house, make goat born with rope wey dem tie am." Wetin make me bother give you dat version na because of the meaning wey you give of am. If you speak am for Igbo (may be you na Igbo too), both dey wan sound alike if persin nor listen wella. But if you dey sure sey na so you hear am, no shaking.

E be like the version for this proverb plenty because, e get another one way I sabi too say, the meaning no far from watin the we dey talk for this one although, no be goat them carry talk am shah. The proverb say,

Proverb:
For we Pighin: adult no go dey for market and pikin neck go come bend.
Meaning: e dey relative shah but the main thing be say, adults go always try to make sure say, nothing go wrong under there watch. Once them see say, the matter wan go out of hand, them go sharply correct am.

Still on still, I go like carry this small chance way I get congratulate you my own person. Mpamaegbu, you na big name and now like this, you do  Legendary up, no be chaise. Watin sweet me for body be say, na the same week way me turn Hero na em you Legendary up. That na to say, we dey together and e go touch everybody. Cheers!

[Mpamaegbu]

This one na very popular one. Na wetin people wey go school dey call, "sing song". Make I drop am here. Any persin wey get d interpretation wey jam am or wey jam my head go get colele wata to baff for this hot weather.

Cow wey nor get tail, na God dey drive am fly

[Smartvirus]

This one na very popular one. Na wetin people wey go school dey call, "sing song". Make I drop am here. Any persin wey get d interpretation wey jam am or wey jam my head go get colele wata to baff for this hot weather.

Cow wey nor get tail, na God dey drive am fly

Na true say e common o and the interpretation many well well but, one meaning carry say;
Person way no get people, na the grace of God dey carry am along for the life.

Time go always come when e go be like say, your wahala wan swallow you, you go look left and right then, that passage for bible way say, 'from where cometh my help' go enter your mind and at that point, na only God you fit look up to as person way no get anybody. The life no fit swallow you with God by your side.