|
July 12, 2024, 03:06:13 AM |
|
Omo, Since I join this forum, na today I just dey take time to read through this and I go confess say Hatchy really do justice to the thread, the tgread captivate me from the begining till the last word and I really enjoyed reading about how our senior men them for we Naija local board fight really hard to make sure them clear the yamayama perspective wey other people don get about us, I just dey imagine how hard and difficult that must've been, because inasmuch as Hatchy did justice to the thread, i know very well say e go get some notable things/efforts from we Boss them wey e go don forget or omit, or no even dey aware of.
True true no be small sacrifice Una don make for us to clear our reputation, come still press on to make them create this local board for us, e no end there, come still go as far as pressing more button to make them give sub boards for inside we local board, Una well done, I throway salute for all of Una. Because I remember when I first joined this forum on July 13, 2022, we been never get any local board that time, wetin been dey that time na the Africans Hangout Thread, back then I never really know how far for the forum, I never really understand the dynamics of the forum back then.
But today, many of us here dey enjoy the benefits of this local board, thanks to all our senior men them wey put body to make sure the dreams of Naija gaining recognition on the forum come to pass, e just be like back then when some top men for we country also put body to make sure our country go gain her independence and dey free from the rulership of the oyibo people. We the Naija people appreciate Una efforts and sacrifices, and now e dey left for everyone is to maintain the good reputation Una don give we country for this community.
E go good make all of (especially the new people wey dey join the forum) try out best to adhere to the rules and to no do anything wey go jeopardize the good example wey our Senior men for here to keep. I go say make God bless Una, and make Una dey continue to dey do Una good works for this our local board, true true, Una be leaders and make God bless Una for us.
|