African Proverbs in Pidgin

[Mayor of ogba]

Proverb: person way him black goat dey miss must find am for daytime before night go reach
Meaning: Someone that has a problem must tackle the problem on time before it will be too late to solve the problem.

Anoda proverb wey go resemble dat wan na "a stitch in time saves nine" according to people wey go school. Igbo people get  popular wan for dis same proverb. Anybodi wey sabi, make e drop am here. Make we brainstorm small.

To really enjoy dis proverb thing na to speak and use am regularly for gatherings. E dey make sense and na wetin dey help distinguish persin wey dey attend events wit elders from those wey nor dey go.

Yes a stitch in time saves nine also goes with the proverb. You are correct, na through proverb we dey carry know person wey be son of the soil and person wey dey eat and wine with elders.
Proverb: person wey get mother no dey throw stone for market
Meaning: Don't throw stone in the market because it might hit your mother.

[Mpamaegbu]

... @Mpamaegbu fit know since na him dey host elders dia meeting dis week for him house.

🙆 Dis wan go bi meeting without kola and kaikai as everywhere nor stew now.

Person wey eat, break plate, wen hunger com again, im go rememba plate.
Meaning: Don't burn bridges once you start having it good. You will need them later. Remain grateful to those who've helped you.

[Finebone]

As I see this thread, E really sweet me for body because since I dy engage in this our naija local board, I no know say thread like this dey, so as e don be so, na to drop one African proverb wey I know. I no truly know if person don drop am here before, but still on still, make I drop am because e make sense wella.

" A goat cannot win a case where the judge sells meat"

Meaning: Wisdom is knowing that fairness cannot come from those who benefit from your pain.

[Mpamaegbu]

I no truly know if person don drop am here before, but still on still, make I drop am because e make sense wella.

We welcom u wit open hands for dis awa village corner. Welcome, wey bread.

About dat yarn wey u drop, I nor think sey I don read am here as u put am but we get anoda wan wey resemble am bc im too talk about unfairness and injustice.

👇

Cockroach nor go eva get justice in the midst of chickens.

[Mayor of ogba]

Proverb: foul say in dey shit shit anywhere whether naim dey sweep am
Meaning: some people keep causing problem for their family or loved ones because they are not the one to solve the problem.

[Mpamaegbu]

Proverb: foul say in dey shit shit anywhere whether naim dey sweep am

Dis ur fowl yarn remind me of d wan wey im talk sey e nor bi big deal to piss. Na im other animals tell am sey if e easy, make im run am make dem see na.

[The Founding Titan]

Proverb: person way him black goat dey miss must find am for daytime before night go reach
Meaning: Someone that has a problem must tackle the problem on time before it will be too late to solve the problem.

Anoda proverb wey go resemble dat wan na "a stitch in time saves nine" according to people wey go school. Igbo people get  popular wan for dis same proverb. Anybodi wey sabi, make e drop am here. Make we brainstorm small.

To really enjoy dis proverb thing na to speak and use am regularly for gatherings. E dey make sense and na wetin dey help distinguish persin wey dey attend events wit elders from those wey nor dey go.

Yes a stitch in time saves nine also goes with the proverb. You are correct, na through proverb we dey carry know person wey be son of the soil and person wey dey eat and wine with elders.
Proverb: person wey get mother no dey throw stone for market
Meaning: Don't throw stone in the market because it might hit your mother.

I think the meaning should be more like 'dont act blindly since your actions might also affect people you care about'  and na better warning be that too because plenty people dey do things without considering day wetin dem dey do go affect another person , them no care because no be their person e dey affect but if we know say wetin we dey do go affect our person for way way no good we go think twice before we go take that action.

[Sexylizzy2813]

... @Mpamaegbu fit know since na him dey host elders dia meeting dis week for him house.

🙆 Dis wan go bi meeting without kola and kaikai as everywhere nor stew now.

Person wey eat, break plate, wen hunger com again, im go rememba plate.
Meaning: Don't burn bridges once you start having it good. You will need them later. Remain grateful to those who've helped you.

The environment self no dey that healthy for too stew to dey if not I understand how e for be, no be plenty tok but any how sha d creator dey watch us as the gods of our land dey view us with plasma.

I like this your proverb, e resemble this one wey I know,

Proverb : no throway d shoe wey carry u go buy new one.

Meaning: Don't despise humble beginning.

Support PIGIN For Our Local Board...

[Mpamaegbu]

I like this your proverb, e resemble this one wey I know,

Proverb : no throway d shoe wey carry u go buy new one.

Na so life be. Dem sey wan way nor dey lead to market, except na for spirit world. Ride on, u dey try.

[Sexylizzy2813]

I like this your proverb, e resemble this one wey I know,

Proverb : no throway d shoe wey carry u go buy new one.

Na so life be. Dem sey wan way nor dey lead to market, except na for spirit world. Ride on, u dey try.

Thank you my brother if not be some of the encouragement wey we dey receive for life and things we dey do person no go know say him or she dey try and this your words of encouragement dey make man continue to push hard like woman wey wan born pikin. Na the way you dey encourage members here nai go continue to make them do their best, you too dey try as the senior man you be.

Support PIGIN For Our Local Board...

[Mpamaegbu]

Pikin wey dey follow elders, if e nor eat pepper, e go eat kola
Meaning: There are often benefits derived from associating with those who are ahead of you in game (whatever one is doing).

[Futurexxx]

E don tey I visit this thread sha, but I just say make I drop one African proverb here this morning.

If snake no get poison, people go use am do rope, take dry clothes

Meaning: Fear and respect doesn't come from too much kindness, but it comes from dangers and consequences. Set your boundaries and don't let anyone use you, because too much being soft will be be taken as weakness or foolishness.

[Mpamaegbu]

Persin wey chop vulture clean mouth, make e rememba sey dat vulture smell still dey im mouth.
Meaning – No one can pretend or hide their dirty past forever.