Naija Novice Hangout {Newbies introduction & Orientation} Thread.

[Smartvirus]

Abeg eh, we country, I no know how e dey be again. Everything thing, every sector just dey see strike as last resort. If no be labour, na ASUU, na doctors, if no be doctors, na NEPA, if no be NEPA na tanker drivers. Sometimes cef,na all go follow join body dey run am. Person way suppose dey school either for four years or five years course via universality, for watin e no dey sure of employment cef when e graduate, e don dey add 2 more years on top, even the secondary school people cef, na wahala.

Now the NIN people way government don force on us via reg and sim card linking palaba don go there own strike... Abeg, watin dey happen for our 9ja, abi make we pack go start life somewhere, me I still believe in the opinion say, grass green where you pour am water but, the water don dey finish o.
How e wan be na???

[Igebotz]

Now the NIN people way government don force on us via reg and sim card linking palaba don go there own strike... Abeg, watin dey happen for our 9ja, abi make we pack go start life somewhere, me I still believe in the opinion say, grass green where you pour am water but, the water don dey finish o.
How e wan be na???

Pant don wear us finish for we 9ja o the worst part be say na G-string. NIN number wey I no get if dem wan block mak dem block even NiN staffs don go strike . My broda man my sista woman. If u get way make you travel o life here no balance bfore bra go wear you.

[Mpamaegbu]

Na true you yarn. The coWtry sef reach to tire persin. The leadership and the gbagbos wey dey inside too much. Nowadays sef, tori about murder and armed robbery nor dey too shake me because dem dey too many to read. I just glance the tori and then look for another news wey go fit make me smile to read. Bubu sef nor know wetin to do again. The cowtry cast nor be small.

Brainboss, abeg na time to include this NIN thing as current topic for title.

Person way suppose dey school either for four years or five years course via universality, for watin e no dey sure of employment cef when e graduate, e don dey add 2 more years on top, even the secondary school people cef, na wahala.

Make I yarn you the koko, owa parents dem give us bad orientation to believe sey we need to work for someone or government once we graduate. But that na big fat lie. No work sweet pass online work oh. And those of us wey dey campaigns here una sabi how kishi dey enter per week level and how the thing take dey swell pocket and put food for table. Most of those people wey dey out there no even dey make half of wetin we dey make here gisting. Yet, people wan die on top finding government work. Na the same energy wey dem dey waste for nairaland dey burn data yet Seun nor dey drop anything for anyone. And if you tell dem about Bitcoin or cryptocurrency some of dem go sey na ponzi. Well, who nor know nor go know.

[Pokapoka124]

Brainboss, abeg na time to include this NIN thing as current topic for title.

Our government nor try for this NIN registration matter at all. The kain crowd way dey position for these NIN centers nor be here o..And we claim say we dey try prevent the spread of covid. Govt still dey put deadline for people to register for NIN. I believe say fg wan just use this registration as a means to spike the covid cases for our country so them fit resume lockdown and collect funds from international body. Even our banks nor dey try, how you go keep crowd for outside bank say you dey observe covid 19 protocol e nor make sense at all.

[thereader]

Nigeria has come out on top among cryptocurrency users.

Nigeria has overtaken India twice in terms of the number of active cryptocurrency users. There are 2 million people in the country who use an alternative currency every day.

[Smartvirus]

The kain crowd way dey position for these NIN centers nor be here o..And we claim say we dey try prevent the spread of covid.

Na here ns em water dey swallow me. How our government dey act like say them no dey watch news or see crowd way gather when e happen say na something way go put money for government purse.

Govt still dey put deadline for people to register for NIN.

On this other matter eh, i no go blame government, our people too get stronghead. You and me know say no be today National ID reg start but then, almost everybdody no gree do am. We sey always dey push am go front until e be as e be now. Where i go blmae government for thus siude be say, the time e dey take them to give you plastic ID too long and na watin dey tire people be that. Imagine say if you run am for Abuja, e no go take you up to 2 weeks to get plastic ID but once e be another start, especially states for south-south, the matter go reach you start one degree program for school and graduate cef and plastic ID never ready. The country just tire person with the way things dey go.

I believe say fg wan just use this registration as a means to spike the covid cases for our country so them fit resume lockdown and collect funds from international body.

E fit be true o, nothing way the government of this country no fit do. The government as e be now eh,no be government for the people o, na government for myself and my family. The rest no concern them. Na why person no just gat carry this country get hope but, we go dey try shah.

No work sweet pass online work oh. And those of us wey dey campaigns here una sabi how kishi dey enter per week level and how the thing take dey swell pocket and put food for table. Most of those people wey dey out there no even dey make half of wetin we dey make here gisting. Yet, people wan die on top finding government work. Na the same energy wey dem dey waste for nairaland dey burn data yet Seun nor dey drop anything for anyone. And if you tell dem about Bitcoin or cryptocurrency some of dem go sey na ponzi. Well, who nor know nor go know.

Na true you yan o, to get job for we naija na die hard struggle if you no get compass o. The few way you go see cef eh, the kind condition way follow and there pay rate eh, e be like say you dey beg for the money. Work way you go dey work cef con dey owe them befire them even wan pay your salary,,, na there the matter go wayh you, i experience am so tay i tire!
Na how my waka for here take start o, now cef eh, i no sure say i go fit work for any body cef. Na online doings sure pass, where you no dey call anybody boss, no body dey put eye on top you or push you around, where you no dey answer or submit report to anybody. You just dey do your thing in your own time and you dey make your money. Who no go like that kind thing, na why to know small book and the right people to show you around good.
Men them way bring us come here and people way sabi, i salute una finish and our Papa naija for the forum CryptopreneurBrainboss , i pay respect brother as you use dey carry everybody for body dey go. Na so we gat dey, if you no sabi carry people for body learn am but, use your head.

[Mr.right85]

Username: Mr.right85
Gender: Male
Country and state of resident: Nigeria/Port Harcourt

I dey pay loyalty o, my pple. life 4 d forum no eazi i no go lie una, i don try bt d mata jst be as e get. I jst get joy now say place like dis day 4 me to come rst small. I jst wnt mak una know me as una pple too o, anyhow e be, i dey una hand.

4 d mata on we country, e no be watin persn no go giv attension o nd na we d youths way dey suffer all d pressure. How we go do na, like say we fit do anytin cef, na dat side bad pass. Frm one wahala to another. To b common man for this country bad o.

[Mpamaegbu]

Mr.right85, welcome wey bread  . Na the place to be for this forum be here for Naija peeps. So, just feel at home to yarn owa local flavour, nothing do you. But that your last paragraph get as e be oh. E come be like sey na one of lost hope. I nor believe sey we supposed lose hope at all for we country. We gat to keep standing up for ourselves. Otherwise, those polithieftians go easily achieve wetin dem dey plan. Shey you sey how that #endsars matter take go? E show the resilient spirit of owa Naija peeps. Keep on keeping faith. E go better

[nelson4lov]

Username: Mr.right85
Gender: Male
Country and state of resident: Nigeria/Port Harcourt

I dey pay loyalty o, my pple. life 4 d forum no eazi i no go lie una, i don try bt d mata jst be as e get. I jst get joy now say place like dis day 4 me to come rst small. I jst wnt mak una know me as una pple too o, anyhow e be, i dey una hand.

4 d mata on we country, e no be watin persn no go giv attension o nd na we d youths way dey suffer all d pressure. How we go do na, like say we fit do anytin cef, na dat side bad pass. Frm one wahala to another. To b common man for this country bad o.

Welcome to our corner of Bitcointalk. E fit dey small now but we go get our own board soon as our numbers don dey grow. I dey dey glad anytime I see my fellow PH people here. E dey remind me say i no dey alone on this journey. Welcome once again. Just keep your head down and contribute well. With time, you go dey used to the forum. Also, any opportunity wey you see say you fit benefit from, no fail to take am.

My people, I hope everybody don ready for the incoming NIN blockings from NIMC. This idea of sim verification by NIN in this kind short amount of time na one of the most stupid things I don see for this country.

[BevNation]

Username: bevnation
Gender: Female
Country and state of resident: Nigeria/Port Harcourt

My people I greet oh,na my first time be this oh

Me I no knw hw they won make everybody go do this NiN for this kind short period of time,I for say make them still give us time so that everybody go try take time do their own and because of covid19 them no suppose allow too much crowd for one place but now this thing dey make them gather too much crowd.

[Mpamaegbu]

This idea of sim verification by NIN in this kind short amount of time na one of the most stupid things I don see for this country.

You forget sey the usual Naija things — Dem go ever postpone it na. Just wait and see. BTW, the January deadline be for people wey get the NIN already oh. I think the time frame nor dey short for that. Na something wey person fit stay on top im bed do sef in less than 3mins. So, anybody wey get the NIN already from registered National ID nor supposed get issues with that except the persin just wan delay. Na the codes be this in case anyone nor know already:

Code:

* To know your NIN number dial (*346#)
                  
1.To link it with MTN dial (*785#)                        

2. To link with Airtel dial (*121*1#).            

3. To link with 9mobile dial (*200*8#)                            

4 . To link with GL0, Send " UPDATE NIN , NIN NUMBER, first name ,last name " to (109) .
Eg "UPDATE NIN, 12345678901, Jamiu Alabi Oke "  to 109.

If you leave us, we always like 11th hour rush. Shift the time from now to October, people nor go still serious until we enter September. Na owa pattern be that.

bevnation, I greet thee oh. How Wike and the  rest of the thieftians?

[Fivestar4everMVP]

Hello my people here, abeg, make una no vex say I shift small comot from the topic of discussion.
The matter be say, e get one big(no be small) crypto project wey I dey arrange to launch before the middle of this year, so the level now be say I still dey try arrange serious tech guys wey fit work with me untop the project, so why I dey make this post for here be say, i need a very good web developer wey Sabi wetin the sup, I myself na web developer but I won hire person wey Sabi pass me make he or she  assist in creating website wey go make better sense.
So if any of my brothers or sisters here fit fit in, make he or she Halla me for dm here, I go respond back asap, and please know say be be free work oo, I go pay.
Thank you.

[Smartvirus]

Hello my people here, abeg, make una no vex say I shift small comot from the topic of discussion.
The matter be say, e get one big(no be small) crypto project wey I dey arrange to launch before the middle of this year, so the level now be say I still dey try arrange serious tech guys wey fit work with me untop the project, so why I dey make this post for here be say, i need a very good web developer wey Sabi wetin the sup, I myself na web developer but I won hire person wey Sabi pass me make he or she  assist in creating website wey go make better sense.
So if any of my brothers or sisters here fit fit in, make he or she Halla me for dm here, I go respond back asap, and please know say be be free work oo, I go pay.
Thank you.

No wahala say you shift small comot for the matter way breketeh for ground o, the news way you carry come talk for here na better own and e dey sweet for belle. As e fit empower some of us here make people pocket no dry. You for cucuma just clear people on how the project be make other people know if them fit shock body but again, make e be watin no go cause wahala later.

Mehn, one number call me today o for afternoon. E sound like customer care shah but, na normal phone number, 11 digit. E dey tell me matter say my the NIN I send no complete after two weeks ago way I try link my Sim. E give me options to press as the call dey on shah and I fear do am via say, scam now they take different form. Make e no be watin them wan phish person NIN to set pass for themselves. How e be for una?

[Lmaooo]

Hello 9ja,

Bitcointalk: Lmaooo
Gender: Male
Location: Gombe/Nigeria
Skills: sysadmin, web developer, graphics designer, and crypto trader

I just want to thank CryptoBrainBoss for this thread.
I'm always happy to see my fellow Nigerians come together.

btw, I no get NIN sef!
i am too lazy to get mine
maybe this week shaa!

[Mpamaegbu]

Lmaooo, welcome oh wey bread. You too sef walka lost ni as prodigal son but thank goodness sey you finally come home 😁. How the parole dey be for that una north with all the killing killing and boko activities? Una wey dey there dey try walahi. Me I nor fit live there for anything oh. But I hope your side for Gombe dey safe sha. Bro, kontinue to keep safe abeg. I like the skills wey you get. Na the game be dat. Keep it up.

[Lmaooo]

Lmaooo, welcome oh wey bread. You too sef walka lost ni as prodigal son but thank goodness sey you finally come home 😁. How the parole dey be for that una north with all the killing killing and boko activities? Una wey dey there dey try walahi. Me I nor fit live there for anything oh. But I hope your side for Gombe dey safe sha. Bro, kontinue to keep safe abeg. I like the skills wey you get. Na the game be dat. Keep it up.

Thanks for the warm welcome, Mpamaegbu.
Gombe is fine ooo. No killings, no kidnapping, no Boko Haram.
Gombe is totally safe. Only baba Buhari is flogging my people nonstop day and night 😂

[CryptocurencyKing]

E con be like say our people for here tire small o abi,we dey on lock down. This our small place no con dey bizo the way e dey be before. Watin dey happen na because, I know say no be the data life dey worry us and say,NIN never start to dey block sim card. We need to dey keep here a life o, I dey thank some men them like Mpamaegbu way no dey allow here to dull like that. Una dey try! I dey beg our people say, make we dey come here to shuk mouth for matter way dey here or tell us how e dey be for our side inside we country. An the only way we fit carry dey get better update round the country because, news for media, them don edit am plenty o.
My people I greet una and una Weldon.

[Mpamaegbu]

Na true you talk CryptocurencyKing, nor be because of sey you mention my name oh. But correct sense dey on top your yarn, especially as we dey hustle to get owa own board. We suppose to dey put enough heat for this thread to increase yarns. Una understand the parole na. Well, I know sey many of owa guys nor too dey show here may be because their campaigns nor dey add posts for locals. But those wey dem own dey add am suppose to dey come here wella, especially those wey me and dem dey the same umbrella. One love guys.

[Becky666]

<snip> But those wey dem own dey add am suppose to dey come here wella, especially those wey me and dem dey the same umbrella. One love guys.

Dat na gud talk broda, dose wey no dey come here do contriboot no dey do anytin gud toward dis our plan of securing local board, even thou dem campain no dey giv dem de opportunity; at-least seying one talk for a week go gud. Tanks 4every1 wey dey hia dey show luv 4 dis movement, una dey do well fabulously hia . I be stay away 4 some times nd hopefully to be more jejely doing my little contribution dis time as usual, una weldon sirs/mas.

[nelson4lov]

Greetings to my people. I don dey inactive for on top this our local board waka for a while. I don fall sick like thrice since December but that one no be excuse as I been still dey make posts, just not for here. so I wan take time apologize to my people because na all of us dey in this fight together.

 

~Snipped

Skills: sysadmin, web developer, graphics designer, and crypto trader

I just want to thank CryptoBrainBoss for this thread.
I'm always happy to see my fellow Nigerians come together.

btw, I no get NIN sef!
i am too lazy to get mine
maybe this week shaa!

Omo I dey  happy to see another developer in our community. Maybe at one point, we go team up create something for the community. As for NIN, I do my own sometime for 2016 so I no even bother to stress myself about am. The government don even fail to block people. Them dey fail at everything.