Naija Novice Hangout {Newbies introduction & Orientation} Thread.

[Smartvirus]

All this coin una dey discover cef, e no dey fear una. You go just see something con believe say, e go sure for you, na safe moon abi one of the moon them way Brainboss display say, them dey even dey proud say them don scam person finish and nothing person fit do them, chaii. This life no be play o. The crypto space too dangerous guy. Anyhow shah, na the life we choose to life and na 99% consciousness we dey use run am. Make una try, me and altcoin matter, e be as e get. Though, e dey wayh when men them hit hard o. Like that Solana, that update weak me! Una dey try

[1715046166]

1715046166

[1715046166]

1715046166

[Murpheus]

Aboy, na him be dat. Dem dey develop their own decentralized swap exchange wey dey call am Shibaswap.

Omoh exchange ko come de plenty pass tokens!! Plenty lyk dis get very small trading volume, but de tinq be say dia returns de make sense for staking, but I no know whether na legit, or them just put am like that as furniture

[Igebotz]

<....>

Me no wan waste time dey check on projects again, any one wey do like say them go blow,I dey enter two seconds.

I tell you cus from what I know any project wey be like e go get potential no dey get any potential at all, na those ones wey person no too psut mind dey bring person money las las, every tin for life na risk. One thing I know be say coin wey get potential node too get plenty awareness or supports till they are listed.

All this coin una dey discover cef, e no dey fear una. You go just see something con believe say, e go sure for you,

Baba life no dey two ooo anything you believe in just do am comot mind nobody knows tomorrow, when Bitcoin come out na so. People been bad mouth am too, people wey take the risk are millionaires today.

[LordMiguel]

Btw, how Una dey survive this bear so?

The bear rally neva start oh. If you dey see wetin dey happen na as bear market na im be sey you go shrink oh wen d real blood begin flow for dance floor. Make you ask those wey witness 2018/19 na.

I dey consider buy some top coins wey don correct well well like Algorand, Tezos and NEAR tokens.  

Add Cartesi to ya list oh. I talk about am here last year when dat token dey less than 4cents. But e dey around 70cents now.

You are right on point. i dump that token when the price was around 5cents. thinking there was no market. today my eyes don open and i don see the direction where it is heading. the project is heading towards the right direction and might moon to over 2 dollars sooner or later.

[Mpamaegbu]

Add Cartesi to ya list oh. I talk about am here last year when dat token dey less than 4cents. But e dey around 70cents now.

You are right on point. i dump that token when the price was around 5cents. thinking there was no market. today my eyes don open and i don see the direction where it is heading. the project is heading towards the right direction and might moon to over 2 dollars sooner or later.

Haaba! Wetin be $2? Na speed e go take zoom pass day level wen e set. Just dey watch. Nor forget sey e enta $1.7 ATH some weeks ago oh. Dat token go do pass $5. In fact na Theta token me dey take compare am with. And right now Theta dey around $7+ afta e don do $15+ sef. Just check dat CTSI roadmap and programmes, yousef go know sey dem nor com play. Dem mean serious business. Na only time e go take dem before dem reach where dem dey go.

[Smartvirus]

I tell you cus from what I know any project wey be like e go get potential no dey get any potential at all, na those ones wey person no too psut mind dey bring person money las las,

Talk dey here o and e ring me for ear wella. The thing be say, na the team way dey behind project dey be the project and the matter way the project come up to tackle if, e dey unique for the crypto space but then, how person wan take dey know all this small small detail like the team way dey behind project, how you wan carry know how serious way them be because, na matter be that o. I get plan, I get plan no be plan o. Anything way never activate e dey be as e get but then, na when e never activate way person dey get chance to benefit pass. So, e be like the matter fall back to the risk way person take.

At least, before you take any risk, you go first calculate am and no be as body sweet you reach so, how una dey access una own abi na altcoin discussion matter una dey use correlate? Me i wan know because, for now, altcoin no really he my thing, no be say I no get patience o or I dey fear but then, I no just sabi utilise am and I need small touch lighting for that way shah.

[Fivestar4everMVP]

I tell you cus from what I know any project wey be like e go get potential no dey get any potential at all, na those ones wey person no too psut mind dey bring person money las las,

Me i wan know because, for now, altcoin no really he my thing, no be say I no get patience o or I dey fear but then, I no just sabi utilise am and I need small touch lighting for that way shah.

To be sincere with you brother, people talk say na where a wise man hand reach n, na Im he dey hang him bag, so wetin I dey try talk be say, me myself, I be altcoiner, ever since bitcoin enter 3k$ and above, I never touch am, though no be say na the price pursue me ooh, wetin pursue me from bitcoin na when the transaction cost con to dey high, I con decide to clear road for bitcoin, I jump enter Ethereum, from Ethereum, I begin earn and buy erc20 tokens and na so my altcoin journey start.
To cut the matter short, altcoin fit change your life for good, but this na if you enter the right one early enough, (notice say two things wey I join together, "the right one" & "early enough"), though investing in altcoins dey always come with a higher risk than investing in bitcoin alone, but the thing be say, if God help person jam the legitimate ones and you enter it early,  that person go make money far more than wetin he fit make with bitcoin.
So my simple and straightforward conclusion be say, altcoins dey more risky to invest in than bitcoin, but the profit dey always dey higher than bitcoin's profit if one invest in the right one.

[Lordhermes]

<••>

I dey see you well well for altcoin board, no be lie, your talk for here make sense, e be like you bag plenty money from student coin haha, as you create thread on them, na altcoin block dey no be Bitcoin, me never hodl bitcoin ever since I notice say na 1 or 0.5 btc go give you major block,

Na recently I start to dey enter altcoin board again after when scam bounties no deliver me around 2018-2109.
Wetin I notice be say, better project no dey do bounties again on bitcointalk, you go just see strange project go just enter Binance from nowhere.

[Igebotz]

So my simple and straightforward conclusion be say, altcoins dey more risky to invest in than bitcoin, but the profit dey always dey higher than bitcoin's profit if one invest in the right one.

Baba you no talk lie I dey always tell people say any coin or token you no get reach 1 or more make you leave am cus you no go ever get any better profit no matter how long you hodl am, e better say person get plenty worthless shitcoins and hope say e go better in the next 3-5 years than to hold 0.003 bitcoin for 10 years. Like some of my shitcoin I hodl like 2M token for some just imagine say one day e hit $1 no be $2m I don make so? Men dey run am we too go run am one day.

[nelson4lov]

All this coin una dey discover cef, e no dey fear una. You go just see something con believe say, e go sure for you, na safe moon abi one of the moon them way Brainboss display say, them dey even dey proud say them don scam person finish and nothing person fit do them, chaii. This life no be play o. The crypto space too dangerous guy. Anyhow shah, na the life we choose to life and na 99% consciousness we dey use run am. Make una try, me and altcoin matter, e be as e get. Though, e dey wayh when men them hit hard o. Like that Solana, that update weak me! Una dey try

Lol. Na so e be. The truth be say, if we no dey ready to take risks then e go dey difficult to make good profits for this crypto market. If na person wey dey always fear to remove money take risks, then the possibility of making money via altcoins dey very low. Plenty gains dey for altcoins but the same way gains plenty, na same way risks plenty as well. So e dey like 50/50 chance but based on my personal experience, I go say e worth am. Investing altcoins dey super risky which is why experts dey always suggest using spare cash or money we no go too dey upset or pained abi we lose.

[Fivestar4everMVP]

<••>

I dey see you well well for altcoin board, no be lie, your talk for here make sense, e be like you bag plenty money from student coin haha, as you create thread on them, na altcoin block dey no be Bitcoin, me never hodl bitcoin ever since I notice say na 1 or 0.5 btc go give you major block,

Haha, leave that student coin matter oga mi, student coin fall their bounty hunters hand big time, na just say me no dey attach emotion to business, if not, I for don vex sell all the stc wey I buy and join bounty hunters wey dey call them scam even when I know say the project no be scam, imagine student coin team say dey go pay bounty hunters 200 million stc for 12 weeks, that's 3 months of work, me happy say atleast no matter how e bad reach, I go make small money from the bounty, I leave better project wey I be dey promote go join student coin bounty, work for good 12 weeks, help in our little way, we help them raise 70 million dollars for their ICO, at the end of the day, dey turn say bounty hunters no do any work, for that, they no fit pay 200 million again, total converted stc wey they later distribute for hunters no reach 500,000 stc  out of 200 million, the matter pain me die but wetin man go do, I just have to let it go.

Na recently I start to dey enter altcoin board again after when scam bounties no deliver me around 2018-2109.
Wetin I notice be say, better project no dey do bounties again on bitcointalk, you go just see strange project go just enter Binance from nowhere.

I totally agree with you, most projects nowadays, most especially the projects wey their developers get money no dey do bounties again, even if some still dey do, you go notice say most of them no dey include signature campaign again.
My prayer be say make God help me(us) make i(we) make better money so i(we) fit stop bounty hunting before light switch off 😁😁

[CryptopreneurBrainboss]

So my simple and straightforward conclusion be say, altcoins dey more risky to invest in than bitcoin, but the profit dey always dey higher than bitcoin's profit if one invest in the right one.

Ah you don finish work be dis, another thing person need considered na the taking of profit thing. Many people don get millions but e just dey online, I be one of those people. E get one altcoin I buy, e rise but I no dey satisfied as my target never reach. For my very before that coin show me waka, e drop like say na buhari age.

No be like make una look market una self, see Ethereum, BNB, dot, link, uni etc dis na all coins I know when dem dey $1 but see my life na I no buy I dey dey form Bitcoin maximalist. I don tayah abeg make una show me way for the altcoins hustle even bounty self I fit drop enter any better one.

For here self dis $100 dey do me like slavery, I hate salary related things, I like when my hustle pay me like risk plenty nobi comfort zone something as I don already they feel relax and the thing dey vex me.

[Igebotz]

FG To Ban Twitter Operation In Nigeria; Another Set Back To Bitcoin/Crypto Information?

After President Buhari controversial tweet was deleted by Jack in what seems to be a genocide, war waving, tribal and hate speech tweet. The tweet cause plenty wahala for twitter as Twitter Ng nodey carry last come dey agitate say make Jack suspend the account of we presido as dem do to Trump account. First our president deactivate comments for all him tweets as Nigerians nodey carry last dem beginning use the "quote tweet" button dey tumble our presido with different curses wey carry weight.



As of yesterday our minister of information wey be Lai Muhammad come talk say Twitter NG go stop operation for wey country for disgracing our incompetent presido, and e no end here ooo the shamless people still come twitter to tweet about the ban for the same app  . Our country na yeye.

As of yesterday #VPNs don trend for twitter as we people dey recommend both free and paid VPN for people wey no get idea should in case the ban take place by moment we go dey use VPN dey bypass....this country na cruise.

The problem now is that twitter is the fastest growing space for crypto information and now wey the ban go take place how una fit say e go take reduce crypto exposure with the current crypto restrictions in Nigeria?

[Fivestar4everMVP]

Men dey run am we too go run am one day.

Big Amen to this one my brother, after all, people wey dey run am no get two head, why our own go come dey different? na the thing wey most people no dey understand na im you just explain so, but then, this life na osondi owendi as late chief osadebe sing am, every body get wetin dey sweet them and wetin no dey sweet them.. But e good make we dey use our head, e dey surprise me when I see some people go use their life savings manage buy maybe upto 0.05 btc, they go hold am dey expect x1000, or dey expect to become multi millionaire from 0.05 btc in bitcoin's one up ward movement, they forget say those people wey they dey follow for Twitter wey dey tweet "buy bitcoin" almost everyday get nothing less than 10 to 20 or even more bitcoins, whereby when bitcoin go up like 5 to 10 percent in a day, they dey always see better profit.
For me and my house, na altcoin all the way oooh, atleast until I become multi millionaire, then I go see whether I fit switch to bitcoin 

[Josefjix]

So my simple and straightforward conclusion be say, altcoins dey more risky to invest in than bitcoin, but the profit dey always dey higher than bitcoin's profit if one invest in the right one.

Ah you don finish work be dis, another thing person need considered na the taking of profit thing. Many people don get millions but e just dey online, I be one of those people. E get one altcoin I buy, e rise but I no dey satisfied as my target never reach. For my very before that coin show me waka, e drop like say na buhari age.

No be like make una look market una self, see Ethereum, BNB, dot, link, uni etc dis na all coins I know when dem dey $1 but see my life na I no buy I dey dey form Bitcoin maximalist. I don tayah abeg make una show me way for the altcoins hustle even bounty self I fit drop enter any better one.

For here self dis $100 dey do me like slavery, I hate salary related things, I like when my hustle pay me like risk plenty nobi comfort zone something as I don already they feel relax and the thing dey vex me.

Lol, If boys dey complain boss you sef go complain? The thing na when to invest and the best time to take profit, e really matter for this altcoins trading sha. See as Sh1tcoins been print many thousands of dollars to some people during their season. Some of us just overlooked them because of capital and impatience. But lasals make BTC head correct we go know where to chuck head.

How Una dey see this suspension of twitter for Nigeria? No be threat to Our Fundamental human rights? No be democracy we dey practice again? The reading been follow the assembly before them ban am in less than 24 hours? Why the same effect never happen to kidnappers and bandits using registered SIM cards in Nigeria to solicit for ransoms?

[Fivestar4everMVP]

So my simple and straightforward conclusion be say, altcoins dey more risky to invest in than bitcoin, but the profit dey always dey higher than bitcoin's profit if one invest in the right one.

Ah you don finish work be dis, another thing person need considered na the taking of profit thing. Many people don get millions but e just dey online, I be one of those people. E get one altcoin I buy, e rise but I no dey satisfied as my target never reach. For my very before that coin show me waka, e drop like say na buhari age.

Ah, I comot cap as I dey twale for you sir, I won appreciate your response to the matter.
Wetin I get to talk for this one be say altcoins gets grades just like okirika get grades for market, grade A to grade E if i should put it that way, wetin me dey do be say, when I see altcoin wey look promising to me and buy am, or maybe I get am as reward from bounty, I go try to determine the grade wey the altcoin dey from A to E, this go help me also determine a realistic price wey I go set as my target price to sell that particular altcoin, and once it hit that price or very close to that price, I go sell am and comot eye for anything wey concern that altcoin again, but this particular strategy na for low grade altcoins.
For altcoins in grade A to C, when my sell target hit for this altcoin, I go sell am, wait for the price to come down, then I buy again and set another sell price target, just like that until I tire.
How I dey personally rank this altcoins na based on their roadmap and accomplishments so far, based on how good the team is, based on the quality of their working product and current and potential use case for the token, and lastly but not the least, number of people that's makes up the community of that altcoin.

No be like make una look market una self, see Ethereum, BNB, dot, link, uni etc dis na all coins I know when dem dey $1 but see my life na I no buy I dey dey form Bitcoin maximalist. I don tayah abeg make una show me way for the altcoins hustle even bounty self I fit drop enter any better one.

For here self dis $100 dey do me like slavery, I hate salary related things, I like when my hustle pay me like risk plenty nobi comfort zone something as I don already they feel relax and the thing dey vex me.

Bitcoin paying bounties dey very OK oooh if you ask me, cus for this kind of bounty, risk of person not getting paid is drastically reduced, and also risk of working for weeks only to end up receiving tokens worth close to shit(this na if they worth any thing at all) is drastically reduced, altcoins bounties carry all this risks but if person get luck jam better altcoin bounty, better money dey always come out, like for example, in 2017, I participate for one altcoin bounty for 3 weeks and total tokens wey I receive as payment for the 3 weeks after I convert to naira na 2.3 million naira, in 2020 also, I participate for another altcoin bounty for 4 weeks and total tokens wey I receive for that bounty after I convert to naira na 3.8 million naira.
So risk dey, but money also dey if person jam luck.

[Mpamaegbu]

As of yesterday our minister of information wey be Lai Muhammad come talk say Twitter NG go stop operation for wey country for disgracing our incompetent presido, and e no end here ooo the shamless people still come twitter to tweet about the ban for the same app  . Our country na yeye.

You dey mind Linus Mohammed? The surprising thing be sey most of these yeye people wey dey yarn dust be highly educated people oh. But their belle because of wetin dem wan eat nor dey allow dem brains work well. Shebi Linus na lawyer sef. Dem forget sey even Jack delete Donald Trump tweet and nothing happen. Jack wey dey US still get mind delete Trump message and nothing happen to am, no FBI worry am. If na naija the guy dey those fish brains for don worry am tey tey.

Even the Twitter ban sef nor be like sey dem even block am well sef. My own still dey show oh small small and I neva begin use VPN sef. Nothing wey these people sabi do well sef.

Ehen, about TB Joshua sef. Una see sey death nor get respect for anybody na. Death nor send anybody oh. Once the time reach, e dey show sharp sharp.

[Fivestar4everMVP]

As of yesterday our minister of information wey be Lai Muhammad come talk say Twitter NG go stop operation for wey country for disgracing our incompetent presido, and e no end here ooo the shamless people still come twitter to tweet about the ban for the same app  . Our country na yeye.

You dey mind Linus Mohammed? The surprising thing be sey most of these yeye people wey dey yarn dust be highly educated people oh. But their belle because of wetin dem wan eat nor dey allow dem brains work well. Shebi Linus na lawyer sef. Dem forget sey even Jack delete Donald Trump tweet and nothing happen. Jack wey dey US still get mind delete Trump message and nothing happen to am, no FBI worry am. If na naija the guy dey those fish brains for don worry am tey tey.

Even the Twitter ban sef nor be like sey dem even block am well sef. My own still dey show oh small small and I neva begin use VPN sef. Nothing wey these people sabi do well sef.

Since wey that nonsense man wey call himself Mohammed announce the ban of Twitter for we country naija, my Twitter dey work well even until yesterday night, na this morning I come discover  say the app no update again, I try to make use of the website but e still no dey load, so this kind of mean say the ban don take effect.
But as a sharp guy, ban no be for people like me, I don hurriedly go download orbit from Google playstore, and now everything is cool as ice, both the Twitter app and website dey work well now ones I connect VPN from orbit, I advice any body wey get any issue accessing Twitter to download orbit from Google playstore or iPhone app store, the app na totally free of charge, and no kind of in-app subscription or purchase either, no ads too, very clean and easy to use app.

Ehen, about TB Joshua sef. Una see sey death nor get respect for anybody na. Death nor send anybody oh. Once the time reach, e dey show sharp sharp.

The news shock me oooh, I no believe am when my wife tell me on Sunday morning when we dey prepare to go church, she say she see the news for Facebook, wetin I quickly think be say na fake news, na when I come enter Twitter na Im I come see say the matter na true oooh.
But my question na be say, why him people no won disclose the cause of him death or how he take die? Abi e get wetin they no want make the general public know?
Because e surprise me say a powerful man of God like TB Joshua go just die like this.

[Fivestar4everMVP]

RIP to one of our own Becky666: https://bitcointalk.org/index.php?action=profile;u=2526732

Death na bastard, our brother wey been dey handle this account wey I write above don just go like dat. When I hear am I no believe, I try to reach am but e number no dey connect again, I check e WhatsApp and account for forum and dem no dey active again.

Good morning sir, I lost my elder brother day before yesterday <message removed> 😭 I don't know how to get your contact now so that we can talk well sir, this is my phone number <message removed>🙏

As the message come, I no believe then now I recieved another message na e I know say the mata don serious and no be joke again. I sabi Becky666 (as account) well well. I know when e start to dey hustle for the growth of the account. E dey pain me say e just go like dat. E family (children and wife) go don here about me and everybody here because e sabi talk good about the forum and how e don help am.

Abeg if anybody fit reach e family for here make dem send mine and our condolences, our prayers and love dey for dem. I go still try reach e family and if we fit organized any small thing for the family e go make sense.

Good day Bros, sad to bring to your notice the demise of my friend and former colleague  whom I introduced here in this forum and he is your good friend here too.

The owner of Becky666 https://bitcointalk.org/index.php?action=profile;u=2526732 died last week Tuesday at Wuse General Hospital Abuja.

I just go through our chat come remember this message,
 

RIP brother.

During the time this was posted, I no dey active here, I just found this out through @Mpamaegbu personal text when I dey read one of his posts on one thread like that.
Am so saddened right now, though I never get any personal conversation with bekky666 before, but this news of his death really touch me like say na person wey I know personally, tears dey fall from my eyes as I dey type this, I feel very bad right now 😢😢, my prayer be say through the mercy of our God almighty, make him find peace in his bossom, and for the family, make God give them the fortitude to bear the loss.
This guy was a good soul, I can tell from the way I dey feel right now, I no dey feel like this for most people when I hear say they die, I no even feel this bad for most of my family members wey don pass, but see as I dey here won even cry for person wey me and him never even chat before talk more of knowing each other. I urge us all as brothers, friends, family and as a community to use Isaiah 57 v 1-2 to console ourselves for our brother is resting in the lord.

[Mpamaegbu]

Fivestar4everMVP, wetin make you shock about TB Joshua? You follow for those wey think sey death dey respect person? Joshua na just another mere mortal like you and me. Na because we too worship people like dem and politicians dey make dem misbehave. Man na man, God na God. Bible yarn sey man na dust and na dust im go return to. No exceptions. Congrats though. I nor sabi sey you dey married too. I bin think sey na only me & Posi dey dat cruise here. Oya, all the married peeps here Tiree Gbosas for una oh!

About dat orbit thing wey you mention here. Abeg you fit put out the link because orbit yakpa for playstore. Make persin nor go download Linus Mohammed dem own.

Yes, Becky666 was a nice guy to relate with. You see how owa guys dem rally round the family as we hear the news na.